ಮತ್ತಾಯ 10:17 - ಕೊಡವ ಬೈಬಲ್

¹⁷ ಇದ್‍ಲ್ಲತೆ ಜನಡ ಕೂಡೆ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್, ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚಿಟ್ಟಿತ್ ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ.

ಮತ್ತಾಯ 10:17 ပူးပေါင်းရင်းမြစ်များ

ಮತ್ತಾಯ 10:18

ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡ್‌ವ. ಇನ್ನನೆ ಅಯಿಂಗಕು ಪಿಂಞ ಅನ್ಯ ಜನಾಂಗಕು ನಾಡ ವಿಷಯತ್‍ನ ಎಣ್ಣ್‌ವಿರ.

ಮತ್ತಾಯ 20:19

ಅಯಿಂಗ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವ. ಅಯಿಂಗ ಅಂವೊನ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಪಿಂಞ ಶಿಲುಬೇಕ್ ಇಡ್‌ವಕಾಯಿತ್ ಯೆಹೂದ್ಯಂಗಲ್ಲತಯಿಂಗಡ ಕೈಯಿಕ್ ಒಪ್ಪ್‌ಚಿಡ್‌ವ. ಆಚೇಂಗಿ ಮೂಂದನೆ ದಿನ ಚಾವ್‍ಯಿಂಜ ಜೀವವಾಯಿತ್ ಅಂವೊ ಏವಾಂದ್ ಎಣ್ಣ್‌ಚಿ.

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಮತ್ತಾಯ 26:59

ಯೇಸುನ ಕೊಲ್ಲ್‌ವಕಾಯಿತ್ ಮುಕ್ಯ ಯಾಜಕಂಗಳು, ಯೆಹೂದ್ಯಂಗಡ ಆಲೋಚನೆ ಸಬೆರ ಜನಳು, ಅಂವೊಂಗ್ ವಿರೋದವಾಯಿತ್ ಪೊಟ್ಟ್ ಸಾಕ್ಷಿ ಎಣ್ಣ್‌ವಕ್ ಜನಳ ತೇಡಿಯಂಡಿಂಜತ್.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮಾರ್ಕ 13:12

ಮನುಷ್ಯಂಗ ತಾಂಡ ಸ್ವಂತ ಅಣ್ಣತಮ್ಮಣಂಗಳ ಒಪ್ಪ್‌ಚಿಡ್‌ವಂಜಿ ಕೊಲ್ಲ್‌ಚಿಡುವ, ಅಪ್ಪಂಗ ಸಹ ತಾಂಡ ಮಕ್ಕಳ ಅದೇ ಪ್ರಕಾರ ಒಪ್ಪ್‌ಚಿಡ್‌ವಂಜಿ ಕೊಲ್ಲ್‌ಚಿಡುವ. ಮಕ್ಕ ಅಪ್ಪವ್ವಂಗಕ್ ವಿರೋದವಾಯಿತ್ ಮಕ್ಕಳೇ ಅಯಿಂಗಳ ಕೊಲ್ಲ್‌ಚಿಡುವ.

ಮಾರ್ಕ 13:9

ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್ ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚ್ಚಿಟಿತ್, ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ, ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಮಿಂಞತ್‍ಲ್ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:11

ನಿಂಗಳ ಸಬಾಮಂದಿರತ್‍ರ ಪಿಂಞ ನ್ಯಾಯಲಾಯತ್‍ರ ಅದಿಕಾರಿಯಂಗಡ ಮಿಂಞಕ್ ಕಾಕಿಯಂಡ್ ಪೋನಕ, ನಿಂಗ ನಿಂಗಳ ಎನ್ನನೆ ಕಾಪಾಡಂಡೂಂದ್ ಪಿಂಞ ಎಂತ ಎಣ್ಣಂಡೂಂದ್ ಬೇಜಾರ್ ಮಾಡಂಡ.

ಯೋಹಾನ 11:47

ಅಕ್ಕ ಮುಕ್ಯ ಯಾಜಕಂಗಳು, ಫರಿಸಾಯಂಗಳು, ಯೆಹೂದ್ಯಂಗಡ ಆಲೋಚನೆ ಸಬೇನೆ ಕಾಕುವಂಜಿ: ಇಂವೊನ ನಂಗ ಎಂತ ಮಾಡನಾಂದ್ ತಕ್ಕ್ ಪರ್ಂದತ್. ನೋಟಿ ಅಂವೊ ದುಂಬ ಅದ್ಬುತ ಕಾರ್ಯತ್‍ನ ಮಾಡಿಯಂಡ್ ಉಂಡ್,

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಅಪೊಸ್ತಲ 17:14

ಅಕ್ಕಣೆಕೆ, ಅಲ್ಲಿಯತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ, ಪೌಲನ ಸಮುದ್ರತ್‍ರ ಕರೆಕತ್ತನೆ ಅಯಿಚತ್. ಆಚೇಂಗಿ ಸೀಲ ಪಿಂಞ ತಿಮೊಥೆಯ ಅಲ್ಲಿಯೇ ಇಂಜತ್.

ಅಪೊಸ್ತಲ 22:19

ಅದ್ಂಗ್ ನಾನ್: ಒಡೆಯನೇ, ಒರ್ ಸಬಾಮಂದಿರತ್ಂಜ ಇಂಞೊರ್ ಸಬಾಮಂದಿರಕ್ ಪೋಯಿತ್ ನಿನ್ನ ನಂಬ್‍ನಯಿಂಗಳ ನಾನ್ ಜೈಲ್‌ಕ್ ಇಟ್ಟಿತ್, ಪೊಜ್ಜಿಯೆ.

ಅಪೊಸ್ತಲ 26:11

ಒರ್ ಸಬಾಮಂದಿರತ್ಂಜ ಇನ್ನೊಂದ್ ಸಬಾಮಂದಿರಾಂದ್ ಎಲ್ಲಾ ಸಬಾಮಂದಿರಕ್ ಪೋಯಿತ್, ನಾನ್ ಸುಮಾರ್ ಕುರಿ ಅಯಿಂಗಳ ಪೊಜ್ಜಿತ್, ದೇವ ದೂಷಣೆ ಎಣ್ಣ್‌ವಕ್ ಒತ್ತಾಯ ಮಾಡ್‍ನ; ಇದ್‍ಲ್ಲತೆ ಅಯಿಂಗಡ ಮೇಲೆ ದುಂಬ ಚೆಡಿಯುಳ್ಳಂವೊನಾಯಿತ್, ಯೆಹೂದ್ಯಂಗ ಅಲ್ಲತ ಬೋರೆ ಜಾತಿಯಂಗಡ ಪಟ್ಟಣಕತ್ತನೆ ಅಯಿಂಗಕ್ ತೊಂದರೆ ಕೊಡ್‌ತಿಯೆ.

ಅಪೊಸ್ತಲ 9:2

ಯೇಸು ಕಾಟಿ ಕೊಡ್‍ತ ಮಾರ್ಗತ್‍ಲ್ ನಡ್ಂದಂಡುಳ್ಳಯಿಂಗ ದಾರಾಯಿತ್ಂಜತೇಂಗಿಯು, ಆಣಾಳ್ ಆಡ್ ಪೊಣ್ಣಾಳಾಡ್ ಅಂವೊ ಕಂಡತೇಂಗಿ, ಅಯಿಂಗಳ ಪುಡ್‌ಚಿತ್ ಬಂದಿಚಿಟ್ಟಿತ್ ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್, ದಮಸ್ಕ ಪಟ್ಟಣತ್‍ಲ್ ಉಳ್ಳ ಎಲ್ಲಾ ಸಬಾಮಂದಿರಕ್ ಕಾಗದ ಕೊಡ್‍ಕಂಡೂಂದ್ ಮಹಾ ಯಾಜಕಂಡ ಪಕ್ಕ ಬೋಡ್‍ಚಿ.

ಫಿಲಿಪ್ಪಿ 3:2

ನಿಂಗ ಸುನ್ನತಿ ಮಾಡಂಡೂಂದ್, ನಾಯಿಯಡನೆಕೆ ನಿಂಗಳ ತೊಂದರೆ ಮಾಡ್‌ವ ಕಳ್ಳ ಬೋದನೆಕಾರಂಗಡ ವಿಷಯತ್‍ಲ್ ನಿಂಗ ಎಚ್ಚರ ಎಡ್‌ತೊಳಿ.

2 ತಿಮೊಥೆಯ 4:15

ನೀನ್ ಸಹ ಅಂವೊಂಡ ವಿಷಯತ್‍ಲ್ ಎಚ್ಚರವಾಯಿತಿರ್. ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಂಗ ಮಾಡ್‍ನ ಬೋದನೆಕ್ ದುಂಬ ಎದ್‍ರ್ ನಿಂದತ್.

ಇಬ್ರಿಯ 11:36

ಬೋರೆ ಚೆನ್ನ ಜನ, ಅವಮಾನ ಪಟ್ಟಂಡ್, ಜನಡ ಕೈಯಿಂಜ ಪೊಯಿತ್ ಕ್‌ಟ್ಟಿಯಂಡ್, ಸರ್ಪಣಿಲ್ ಕೈದಿಯಾಯಿತ್ ಇಂಜಂಡ್ ಜೈಲ್‌ಕ್ ಪೋಚಿ.