ಮತ್ತಾಯ 10:15 - ಕೊಡವ ಬೈಬಲ್

¹⁵ ದೇವ ತೀರ್ಪ್ ತಪ್ಪ ದಿವಸತ್‍ಲ್, ಈ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ, ಸೊದೋಮ್ ಗೊಮೋರ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತಿಪ್ಪಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 10:15 ပူးပေါင်းရင်းမြစ်များ

ಮತ್ತಾಯ 12:36

ಮನುಷ್ಯ ಪರಿಯುವ ಓರೋರ್ ಪ್ರಯೋಜನ ಇಲ್ಲತ ತಕ್ಕ್‌ಕೂ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ಲೆಕ್ಕ ಕೊಡ್‍ಕಂಡೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 5:18

ನಿಂಗಕ್ ನೇರಾಯಿತು ಎಣ್ಣ್‌ವಿ: ಬಾನವು ಬೂಮಿಯು ಮಾಯ ಆಚೇಂಗಿಯು, ನ್ಯಾಯಪ್ರಮಾಣತ್‍ರ ಒಳ್‍ತ್‍ರ ಒರ್ ಚೆರಿಯ ಬಾಗ ಕೂಡೆ ಪಾಳಾಕತೆ, ಅದ್ಂಡ ಉದ್ದೇಶ ನೆರೆವೇರುವಕತ್ತನೆ ಅನ್ನನೆ ಇಪ್ಪ.

ಮತ್ತಾಯ 7:22

ನ್ಯಾಯತೀರ್ಪ್ ದಿವಸತ್‍ಲ್ ದುಂಬ ಜನ ನಾಡ ಪಕ್ಕ ಬಂದಿತ್, ಸ್ವಾಮೀ, ಸ್ವಾಮೀ, ನೀಡ ಪೆದತ್‍ಲ್ ನಂಗ ಪ್ರವಾದನೆ ಮಾಡ್‍ಚಲ್ಲಾ? ನೀಡ ಪೆದತ್‍ಲ್ ನಂಗ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‌ತಿತ್‌ಲ್ಲೆಯಾ? ನೀಡ ಪೆದತ್‍ಲ್ ದುಂಬ ಅದ್ಬುತ ಕಾರ್ಯ ಮಾಡಿತ್‌ಲ್ಲೆಯಾಂದ್ ಎಣ್ಣುವ.

ಮಾರ್ಕ 6:11

ನಿಂಗ ಒರ್ ಊರ್‌ಕ್ ಪೋನಕ ನಿಂಗಳ ಸ್ವಾಗತ ಮಾಡತ ಅಥವ ನಿಂಗ ಮಾಡ್‍ನ ಬೋದನೆನ ಕ್‍ೕಕತೆ ಪೋಚೇಂಗಿ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‌ಕ್‌ವಂಜಿ ಬಾರಿ, ಅಯಿಂಗಕ್ ಅದ್ ಒರ್ ಎಚ್ಚರಿಕೆ ಕೊಡ್‍ತನೆಕೆ ಆಪ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಯೋಹಾನ 6:39

ಅಂವೊ ನಾಕ್ ಕೊಡ್‍ತ ಜನತ್‍ಲ್, ಒಬ್ಬನ ಸಹ ಕಳೆಯತನೆಕೆ, ಆಕೀರ್ ದಿವಸತ್‍ಲ್ ಪುನಃ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ವದೇ ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

1 ಕೊರಿಂಥ 3:13

ಆಚೇಂಗಿ ಕ್ರಿಸ್ತಂಡ ದಿವಸತ್‍ಲ್ ತಿತ್ತ್‌ರ ಮೂಲಕ ಒಬ್ಬೊಬ್ಬನು ಎಚ್ಚಕ್ ಚಾಯಿ ಕೆಟ್ಟ್‌ಚೀಂದ್ ಗೊತ್ತಾಪ. ಎನ್ನಂಗೆಣ್ಣ್‌ಚೇಂಗಿ ತಿತ್ತ್ ಅದ್‍ನ ಕಾಂಬ್‌ಚಿಡುವ. ಒಬ್ಬೊಬ್ಬಂಡ ಕಾರ್ಯತ್‍ನ ತಿತ್ತ್ ಪರೀಕ್ಷ ಮಾಡ್‌ವ.

1 ಥೆಸಲೊನೀಕ 5:4

ಅಣ್ಣತಮ್ಮಣಂಗಳೇ, ಆ ದಿನ ಒರ್ ಕಳ್ಳ ಬಪ್ಪನೆಕೆ ಬಪ್ಪ. ನಿಂಗ ಬೊಳಿರ ಮಕ್ಕಳಾಯಿತುಳ್ಳಗುಂಡ್ ನಿಂಗಕ್ ಇದ್ ಆಶ್ಚರ್ಯ ಪಡ್‌ವಕುಳ್ಳ ವಿಷಯ ಆಯಿತಿಪ್ಪುಲೆ.

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

2 ಪೇತ್ರ 2:6

ಅದೇ ತರ, ಸೊದೋಮ್ ಪಿಂಞ ಗೊಮೋರ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ಬೂದಿಯಾಪನೆಕೆ ತೀರ್ಪ್ ಮಾಡಿತ್, ಬಪ್ಪಕುಳ್ಳ ಕಾಲತ್‍ಲ್ ದೇವಡ ಮೇಲೆ ಬಕ್ತಿ ಇಲ್ಲತೆ ಬದ್‍ಕ್‍ವಯಿಂಗಕ್ ಉದಾರಣೆಯಾಯಿತ್ ಮಾಡ್‍ಚಿ.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.

ಯೂದ ಒಳ್‍ದ್‍ನ ಕಾಗದ 1:6

ಅಯಿಂಗಯಿಂಗಡ ಅದಿಕಾರತ್‍ರ ಸ್ತಾನತ್‍ನ ಕಾಪಾಡತೆ, ಅಯಿಂಗಕ್ ದೇವ ತಂದ ಜಾಗತ್‍ನ ಬುಟ್ಟಿತ್ ಪೋನ ಪರಲೋಕತ್‍ಲ್ ಇಂಜ ಚೆನ್ನ ದೂತಂಗಳ, ಅಂವೊ ಮಹಾ ದಿವಸತ್‍ರ ತೀರ್ಪ್‌ಕಾಯಿತ್ ಅಯಿಂಗಳ ನಿತ್ಯ ಸರ್ಪಣಿಲ್ ಕೆಟ್ಟಿತ್ ಇರ್‌ಟ್‌ಲ್ ಬೆಚ್ಚಿತ್ ಉಂಡ್.

ಯೂದ ಒಳ್‍ದ್‍ನ ಕಾಗದ 1:7

ಅನ್ನನೆ ಸೊದೋಮ್ ಗೊಮೋರ ಪಟ್ಟಣತ್‍ರ ಜನ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಇಂಜ ಪಟ್ಟಣತ್‍ರ ಜನಳು ಅಯಿಂಗಡನೆಕೆ ಲೈಂಗಿಕ ಪಾಪತ್‍ನ ಮಾಡಿತ್, ಮನುಷ್ಯಂಗಡ ಸರಿಯಾನ ಆಸೇನ ಅಯಿಂಗಡ ಆಸೆರನೆಕೆ ತಿರಿಕಿತ್ ಪೋಚಿ. ದೇವ ಈ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ನಾಶ ಮಾಡ್‍ಚಿ. ಅನ್ನನೆ ಈಂಗ ದೇವ ತಪ್ಪ ನಿತ್ಯ ತಿತ್ತ್‌ರ ದಂಡೆನೆಕ್ ಉದಾರಣೆಯಾಯಿತ್ ಉಂಡ್.