ಮತ್ತಾಯ 10:14 - ಕೊಡವ ಬೈಬಲ್

¹⁴ ದಾರೇಂಗಿ, ನಿಂಗಳ ಸ್ವಾಗತ ಮಾಡತ ಪೋಚೇಂಗಿ ಅಥವ ನಿಂಗ ಎಣ್ಣ್‌ವಾನ ಕ್‍ೕಕತೆ ಪೋಚೇಂಗಿ, ಅಯಿಂಗಡ ಊರ್‌ನ ಬುಟ್ಟಿತ್ ಬಪ್ಪಕ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‍ಕಿತ್ ಬಾರಿ.

ಮತ್ತಾಯ 10:14 ပူးပေါင်းရင်းမြစ်များ

ಮತ್ತಾಯ 10:13

ಆ ಸಮಾದಾನಕ್ ಅಯಿಂಗ ಯೋಗ್ಯವಾಯಿತುಂಡೇಂಗಿ ಆ ಸಮಾದಾನ ಅಲ್ಲಿ ಇರಡ್ ಇಲ್ಲತೆಪೋಚೇಂಗಿ, ಆ ಸಮಾದಾನ ನಿಂಗಡ ಪಕ್ಕ ಪುನಃ ಬರಡ್.

ಮತ್ತಾಯ 18:5

ಇನ್ನನೆ ಒರ್ ಕುಂಞಿನ ದಾರ್ ನಾಕಾಯಿತ್ ಸ್ವೀಕಾರ ಮಾಡ್‌ವ, ಅಂವೊ ನನ್ನ ಸ್ವೀಕಾರ ಮಾಡ್‍ನನೆಕೆ.

ಮಾರ್ಕ 6:11

ನಿಂಗ ಒರ್ ಊರ್‌ಕ್ ಪೋನಕ ನಿಂಗಳ ಸ್ವಾಗತ ಮಾಡತ ಅಥವ ನಿಂಗ ಮಾಡ್‍ನ ಬೋದನೆನ ಕ್‍ೕಕತೆ ಪೋಚೇಂಗಿ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‌ಕ್‌ವಂಜಿ ಬಾರಿ, ಅಯಿಂಗಕ್ ಅದ್ ಒರ್ ಎಚ್ಚರಿಕೆ ಕೊಡ್‍ತನೆಕೆ ಆಪ.

ಮಾರ್ಕ 9:37

ದಾರ್ ಈ ಮಕ್ಕಡಡೆಲ್ ಒರ್ ಕುಂಞಿನ ನಾಡ ಪೆದತ್‍ಲ್ ಸ್ವೀಕಾರ ಮಾಡ್‌ವ, ಅಂವೊ ನನ್ನ ಸ್ವೀಕಾರ ಮಾಡ್‌ವ. ನನ್ನ ಸ್ವೀಕಾರ ಮಾಡ್‌ವಂವೊ ನನ್ನ ಮಾತ್ರ ಅಲ್ಲ, ನನ್ನ ಅಯಿಚಂವೊನ ಸಹ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:48

ದಾರ್ ಈ ಕುಂಞಿನ ನಾಡ ಪೆದತ್‍ಲ್ ಸ್ವೀಕಾರ ಮಾಡ್‌ವ ಅಯಿಂಗ ನನ್ನ ಸ್ವೀಕಾರ ಮಾಡ್‌ವ. ನನ್ನ ಸ್ವೀಕಾರ ಮಾಡ್‌ವಂವೊ ನನ್ನ ಮಾತ್ರ ಅಲ್ಲ, ನನ್ನ ಅಯಿಚಂವೊನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ. ನಿಂಗಡಲ್ಲಿ ದಾರ್ ಚೆರಿಯಂವೊನಾಯಿತಿಪ್ಪ ಅಂವೊ ನಿಂಗಕೆಲ್ಲಾ ಬಲ್ಯಂವೊನಾಯಿತಿಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:5

ದಾರ್ ನಿಂಗಳ ಸ್ವಾಗತ ಮಾಡ್‌ಲೆಯೋ, ಅಯಿಂಗಡ ಊರ್‌ನ ಬುಟ್ಟಿತ್ ನಿಂಗ ಬಪ್ಪಕ, ಅಯಿಂಗಕ್ ಎಚ್ಚರಿಕೆಯಾಯಿತ್ ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‍ಕಿತ್ ಬಾರಿ.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 13:51

ಈಂಗ ತಂಗಡ ಕಾಲ್‌ಲ್ ಉಳ್ಳ ದೂಳ್‍ನ, ಅಯಿಂಗಕ್ ವಿರೋದವಾಯಿತ್ ಕೊಡ್‍ಕಿತ್, ಇಕೋನ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

1 ಥೆಸಲೊನೀಕ 4:8

ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.