ಮತ್ತಾಯ 10:10 - ಕೊಡವ ಬೈಬಲ್

¹⁰ ಪ್ರಯಾಣಕಾಯಿತ್ ಒರ್ ಚೀಲ ಆಡ್, ದಂಡ್ ಕೋಟ್ ಆಡ್, ಎಕ್ಕಡ ಆಡ್, ಕೋಲ್ ಆಡ್, ಒಂದನೂ ಎಡ್‍ಕತಿ. ಒರ್ ಕೆಲಸಕಾರಂಗ್ ಎಂತ ಬೋಂಡ್‌ವೋ ಅದ್‍ನ ಜನ ಕೊಡ್‍ಕಂಡು.

ಮತ್ತಾಯ 10:10 ပူးပေါင်းရင်းမြစ်များ

ಮತ್ತಾಯ 10:11

ನಿಂಗ ಒರ್ ಊರ್‌ಕ್ ಅಥವ ಪಟ್ಟಣಕ್ ಪೋಪಕ, ಯೋಗ್ಯನಾಯಿತುಳ್ಳ ಒರ್ ಮನುಷ್ಯನ ಕಂಡ್‍ಪುಡ್‌ಚಿತ್, ಇಂಞೊರ್ ಊರ್‌ಕ್ ಪೋಪಕತ್ತನೆ ಅಂವೊಂಡ ಮನೆಲ್ಲೇ ಇರಿ.

ಮಾರ್ಕ 6:8

ನಿಂಗ ಪ್ರಯಾಣ ಪೋಪಕ ನಿಂಗಡ ಕೂಡೆ ಏದು ಎಡ್‍ತಂಡ್ ಪೋಕತಿ. ಬರಿ ಒರ್ ಕೋಲ್ ಎಡ್‌ತ ಪೋಯಿ. ಚೀಲ, ಒಟ್ಟಿ ಪಿಂಞ ನಿಂಗಡ ಜೋಬ್‌ಲ್ ದುಡ್ಡ್‌ಕಾಸ್ ಎಡ್‌ತ ಪೋಕತಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:11

ಅಯಿಂಗಕ್ ಅಂವೊ: ದಾರ್‌ಕ್ ದಂಡ್ ಬಟ್ಟೆ ಉಂಡೋ ಅಯಿಂಗ ಇಲ್ಲತಂವೊಂಗ್ ಒಂದ್ ಕೊಡುಕಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:3

ಯೇಸು ಅಯಿಂಗಳ ನೋಟಿತ್: ನಿಂಗ ಪೋಪಕ ಕೋಲ್, ಚೀಲ, ಉಂಬಕ್ ಒಟ್ಟಿ, ದುಡ್ಡ್ ಒಂದು ಎಡ್‍ತಂಡ್ ಪೋಕತಿ. ದಂಡ್ ಬಟ್ಟೇನ ಸಹ ಎಡ್‍ತಂಡ್ ಪೋಕತೀಂದ್ ಎಣ್ಣ್‌ಚಿ.

2 ತಿಮೊಥೆಯ 4:13

ನೀನ್ ಬಪ್ಪಕಾಪಕ, ತ್ರೋವತ್‍ಲ್ ಉಳ್ಳ ಕರ್ಪಂಡ ಪಕ್ಕ ಬುಟ್ಟಿತ್ ಬಂದ ಕೋಟ್‍ನ, ಪುಸ್ತಕತ್‍ನ ಪಿಂಞ ಮುಕ್ಯವಾಯಿತ್ ತೋಲ್‍ರ ಕಾಗದತ್‍ನ ಎಡ್‌ತ ಬಾ.