ಮತ್ತಾಯ 1:23 - ಕೊಡವ ಬೈಬಲ್

²³ ಆ ತಕ್ಕ್ ಎಂತ ಎಣ್ಣ್‌ಚೇಂಗಿ: ನೋಟ್, ಒರ್ ಕನ್ನಿ ಮೂಡಿ ಕೆಲಕರ್ತಿಯಾಯಿತ್ ಒರ್ ಮೋಂವೊನ ಪೆರ್‌ವ; ಅಂವೊಂಗ್ ಇಮ್ಮಾನುವೇಲ್ ಎಣ್ಣುವ ಪೆದ ಇಡಂಡು. ಇಮ್ಮಾನುವೇಲ್ ಎಣ್ಣ್‌ಚೇಂಗಿ: ದೇವ ನಂಗಡ ಕೂಡೆ ಉಂಡ್‍ೕಂದ್ ಅರ್ಥ.

ಮತ್ತಾಯ 1:23 ပူးပေါင်းရင်းမြစ်များ

ಮತ್ತಾಯ 1:24

ಅಕ್ಕ ಯೋಸೇಫ ವರ್‌ಕ್ಂಜ ಎದ್ದತ್. ಒಡೆಯಂಡ ದೂತ ಆಜ್ಞೆ ಮಾಡ್‍ನನೆಕೆ ಮರಿಯನ ಮಂಗಲ ಕಯಿಚತ್.

ಮತ್ತಾಯ 28:20

ನಾನ್ ನಿಂಗಕ್ ಎಂತೆಲ್ಲಾ ಆಜ್ಞೆ ಮಾಡಿತುಂಡೋ ಅದ್‍ಂಗೆಲ್ಲಾ ಬಗ್ಗಿತ್ ನಡ್‍ಪಕ್ ಈ ಪುದಿಯ ಶಿಷ್ಯಂಗಕ್ ಎಣ್ಣಿ ಕೊಡಿ. ಇದಾ, ಈ ಲೋಕತ್‍ರ ಕಡೇಕತ್ತನೆ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪೀಂದ್ ಯೇಸು ಶಿಷ್ಯಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:44

ದಾವೀದನೇ, ಅಂವೊನ ಒಡೆಯಾಂದ್ ಕಾಕ್‍ವಕ, ಕ್ರಿಸ್ತ, ಅಂವೊಂಡ ಮೋಂವೊನಾಯಿತ್‌ಪ್ಪದ್ ಎನ್ನನೇಂದ್ ಕ್‍ೕಟತ್.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಅಪೊಸ್ತಲ 18:9

ಒರ್ ಬಯಿಟ್ ನೇರತ್ ಒಡೆಯ, ಪೌಲಂಗ್ ದರ್ಶನತ್‍ಲ್: ನೀನ್ ಬೊತ್ತತೆ, ನೀನ್ ದೈರ್ಯವಾಯಿತ್ ಜನಕ್ ಬೋದನೆ ಮಾಡಿಯಂಡಿರ್, ಮುಂಡತೆ ಇರತೆ.

ರೋಮ್ 8:31

ಇದ್ಂಡ ವಿಷಯತ್ ನಂಗ ಎಂತ ಎಣ್ಣಡ್? ದೇವ ನಂಗಡ ಪಕ್ಕ ಇಂಜತೇಂಗಿ ನಂಗಕ್ ವಿರೋದವಾಯಿತ್ ಬಪ್ಪಂವೊ ದಾರ್?

ರೋಮ್ 9:5

ಮುತ್ತಜ್ಜಂಗ ಅಯಿಂಗಕುಳ್ಳಯಿಂಗಳೇ, ತಡೀರ ಪ್ರಕಾರ ಕ್ರಿಸ್ತ ಸಹ ಅಯಿಂಗಡಲ್ಲಿ ಪುಟ್ಟ್‌ಚಿ, ಇಂವೊ ಕಾಲಕಾಲಕು, ಎಲ್ಲಾಂಗು ಕೊಡಿಲ್ ದೇವನಾಯಿತ್ ಕೊಂಡಾಡುವಕ್ ಉಳ್ಳಂವೊನಾಯಿತುಂಡ್, ಆಮೆನ್.

2 ಕೊರಿಂಥ 5:19

ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.

2 ತಿಮೊಥೆಯ 4:22

ಒಡೆಯನಾನ ಯೇಸು ಕ್ರಿಸ್ತ ನೀಡ ಆತ್ಮತ್‍ರ ಕೂಡೆ ಇರಡ್. ದೇವಡ ಕೃಪೆ ನೀಡ ಕೂಡೆ ಇರಡ್.