ಮತ್ತಾಯ 1:19 - ಕೊಡವ ಬೈಬಲ್

¹⁹ ಯೋಸೇಫ ನೀತಿವಂತಂವೊನಾಯಿತ್ಂಜಗುಂಡ್, ಊರ್‌ರ ಜನಡ ಮಿಂಞತ್ ಮರಿಯಳ ಅವಮಾನ ಮಾಡ್‌ವಕ್ ಮನಸ್ಸಿಲ್ಲತೆ, ಅವಡ ಸಂಬಂದತ್‍ನ ಗುಟ್ಟಾಯಿತ್ ಬುಡ್‌ವಕ್ ತೀರ್ಮಾನ ಮಾಡಿತ್ಂಜತ್.

ಮತ್ತಾಯ 1:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 38:24

ಸುಮಾರ್‌ ಮೂಂದ್‌ ತಿಂಗ ಆನ ಪಿಂಞ ಯೆಹೂದಂಗ್: ನೀಡ ಮೈಮ ತಾಮಾರ ಚೂಳೆತನ ಮಾಡ್‌ಚಿ. ಆ ಚೂಳೆತನತ್‌ಂಜ ಅವ ಕೆಲಕಾರ್ತಿಯು ಆಚೀಂದ್‌ ದಾರೋ ಎಣ್ಣ್‌ಚಿ. ಅಕ್ಕ ಯೆಹೂದ: ಅವಳ ಪೊರ್ಮೆ ಬಲಚಿತ್‌ ಬಾರಿ, ಅವಳ ತಿತ್ತ್‌ಕ್ ಇಟ್ಟಿತ್‌ ಚುಡಂಡೂಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 6:9

ಇದ್‌ ನೋಹಂಡ ವಂಶಾವಳಿ: ಆ ಕಾಲತ್‌ಲ್‌ ಇಂಜ ಜನಡ ಮದ್ಯತ್‌ ನೋಹ, ನೀತಿವಂತಂವೊನಾಯಿತು, ಓರ್‌ ಕುತ್ತವು ಇಲ್ಲತೆ ಬದಿಕಿಯಂಡಿಂಜ ಒರೇ ಮನುಷ್ಯನು ಆಯಿತ್‌ಂಜತ್. ಅಂವೊ ದೇವಡ ಕೂಡೆ ದುಂಬ ಐಕ್ಯತ್‌ಲ್‌ ನಡ್‌ದಂಡಿಂಜತ್.

ಮಾರ್ಕ 10:4

ಅದ್ಂಗ್ ಅಯಿಂಗ: ವಡಿಯ ತಾಂಡ ಪೊಣ್ಣ್‌ನ ಬುಡುವದಾಚೇಂಗಿ ಬುಡುವಕುಳ್ಳ ಪತ್ರತ್‍ನ ಒಳ್‍ದಿ ಕೊಡ್‌ತಿತ್ ಅಯಿಕಲೂಂದ್ ಮೋಶೆ ಎಣ್ಣಿತುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 6:20

ಎನ್ನಂಗೆಣ್ಣ್‌ಚೇಂಗಿ ಯೋಹಾನ ನೀತಿವಂತಂವೊನಾಯಿತ್ ದೇವಡ ಬಕ್ತನಾಯಿತ್ ಉಳ್ಳದ್ ಹೆರೋದಂಗ್ ಗೊತ್ತಾನಗುಂಡ್ ಅಂವೊಂಗ್ ಬೊತ್ತಿಯಂಡ್ ಜೈಲ್‍ಲ್ ಚಾಯಿತೆ ಕಾಪಾಡಿಯಂಡ್ ಇಂಜತ್. ಹೆರೋದಂಗ್ ಯೋಹಾನ ಪರಿಯುವ ಉಪದೇಶತ್‍ನ ಕ್‍ೕಪಕ್ ದುಂಬ ಕುಶಿ ಇಂಜತ್, ಆಚೇಂಗಿ ಸಹ ಯೋಹಾನಂಡ ಎಚ್ಚರಿಕೆ ಕ್‍ೕಪಕ ಹೆರೋದಂಗ್ ಪೋಡಿ ಆಪಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:25

ಆ ಸಮಯತ್‍ಲ್ ಯೆರೂಸಲೇಮ್‍ಲ್ ಸಿಮೆಯೋನ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡ್ ಇಂಜತ್. ಅಂವೊ ನೀತಿವಂತನು, ದೇವಡ ಬಕ್ತನು ಆಯಿತ್ಂಜತ್. ಅಂವೊ ಇಸ್ರಾಯೇಲ್ ಜನಡ ರಕ್ಷಣೆಕಾಯಿತ್ ಪಾರಕಾತಂಡಿಂಜತ್. ಅಂವೊ ಪವಿತ್ರಾತ್ಮ ದುಂಬಿತ್ಂಜತ್.

ಅಪೊಸ್ತಲ 10:22

ಅದ್ಂಗ್ ಅಯಿಂಗ: ಕೊರ್ನೇಲ್ಯ ಎಣ್ಣಿತ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾನ ಒಬ್ಬ ಉಂಡ್. ಅಂವೊ ನೀತಿವಂತವೊನು ದೇವಡ ಬಕ್ತಿ ಉಳ್ಳಂವೊನು ಯೆಹೂದ್ಯ ಜನಾಂಗಡಡೆಲ್ ನಲ್ಲರಿಕೆ ಪಡ್ಂದಂವೊನು ಆಯಿತುಂಡ್. ನಿನ್ನ ಅಂವೊಂಡ ಮನೆಕ್ ಕಾಕಿತ್, ನೀನ್ ಎಣ್ಣುವ ಬೋದನೆನ ಅಂವೊ ಕ್‍ೕಕಂಡೂಂದ್ ಒರ್ ದೇವದೂತಡಿಂಜ ಅಂವೊ ಅಪ್ಪಣೆ ಪಡ್ಂದತ್.

ಅಪೊಸ್ತಲ 27:39

ಆ ದಿನ ಪೊಲಿಂಜ ಪಿಂಞ ಆ ಜಾಗ ಏದ್‍ೕಂದ್ ಗೊತ್ತಿಲ್ಲತೆ ಇಂಜತ್. ಅಕ್ಕ, ಸಮವಾಯಿತ್ ಕಾಂಬ ಹಡಗ್ ನಿಪ್ಪ್‌ಚಿಡುವ ಜಾಗತ್‍ನ ಕಂಡತ್. ಕಯ್ಯುವೇಂಗಿ, ಅದ್ಂಡ ಒಳ್‍ಲ್ ಹಡಗ್‍ನ ಉಂದಿತ್ ನೆಲಕ್ ಮುಟ್ಟ್‌ಚಿಡುವಕ್ ಗೇನ ಮಾಡ್‍ಚಿ.

2 ಕೊರಿಂಥ 1:15

ಇದ್‍ಲ್ ನಾಕ್ ದೃಡವಾನ ನಂಬಿಕೆ ಇಂಜಗುಂಡ್, ನಿಂಗಕ್ ದಂಡನೆ ಕುರಿಯು ಪ್ರಯೋಜನವಾಯಿತ್ ಇಪ್ಪಕ್, ಮಿಂಞ ನಿಂಗಡ ಪಕ್ಕ ಬಪ್ಪಿ.