ಮತ್ತಾಯ 1:18 - ಕೊಡವ ಬೈಬಲ್

¹⁸ ಯೇಸು ಪುಟ್ಟ್‌ನ ವಿವರ ಎನ್ನನೆ ಎಣ್ಣ್‌ಚೇಂಗಿ, ಯೇಸುರ ಅವ್ವ ಮರಿಯ ಯೋಸೇಫಂಗ್ ಮಂಗಲಕ್ ನಿಶ್ಚಯ ಆಯಿತ್ಂಜತ್. ಅಯಿಂಗ ದಂಡಾಳು ಕೂಡಿ ಬಪ್ಪಕ್ ಮಿಂಞಲೇ ಅಂವೊ ದೇವಡ ಪವಿತ್ರಾತ್ಮತ್ಂಜ ಕೆಲಕರ್ತಿಯಾಯಿತುಂಡ್‍ೕಂದ್ ಅಂವೊಂಗ್ ಗೊತ್ತಾಚಿ.

ಮತ್ತಾಯ 1:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಮತ್ತಾಯ 1:1

ಇದ್ ಯೇಸು ಕ್ರಿಸ್ತಂಡ ವಂಶಾವಳಿರ ನೇಮ. ಅಂವೊ ದಾವೀದಂಡ ಸಂತಾನಕಾರ. ದಾವೀದ ಅಬ್ರಹಾಮಂಡ ವಂಶಕ್ ಕೂಡ್‍ನಂವೊ.

ಮತ್ತಾಯ 12:46

ಜನಡ ಗುಂಪ್‌ಲ್ ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕ, ಅಂವೊಂಡ ಅವ್ವ ಪಿಂಞ ತಮ್ಮಣಂಗ ಬಾತ್. ಅಯಿಂಗ ಪೊರಮೆ ನಿಂದಂಡ್, ಅಂವೊಂಡ ಕೂಡೆ ತಕ್ಕ್ ಪರಿಯುವಕ್ ನೋಟಿಯಂಡ್ ಇಂಜತ್.

ಮತ್ತಾಯ 2:11

ಅಯಿಂಗ ಆ ಮನೆರ ಒಳ್‍ಕ್ ಪೋಪಂಜಿ ಅಲ್ಲಿ ಆ ಕುಂಞಿನೂ ಕುಂಞಿರ ಅವ್ವ ಮರಿಯಳನೂ ಕಂಡತ್. ಕಂಡ ಪಿಂಞ ಅಯಿಂಗ ಮೊಣಕಾಲ್ ಊರಿತ್ ಅಂವೊನ ಆರಾದನೆ ಮಾಡ್‍ಚಿ. ಅಯಿಂಗ ಗಂಟ್‍ನ ತೊರಂದಿತ್ ಪೊನ್ನ್, ದೂಪ, ರಕ್ತಬೋಳನೆಲ್ಲ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:25

ಕಡೇಕ್ ದೇವ ನಾಕ್ ಸಹಾಯ ಮಾಡ್‍ಚಿ, ದೇವ ಈ ಜನಡ ಮಿಂಞತ್‍ಲ್ ನಾಡ ಮಾನತ್‌ನ ಕಾಪಾಡ್‌ಚೀಂದ್ ಅವ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:5

ಅಂವೊ ಮಂಗಲ ಕಯಿಪಕ್ ನಿಶ್ಚಿತಾರ್ಥವಾಯಿತ್ಂಜ ಮರಿಯನ ಕೂಟಿಯಂಡ್ ಪೋಚಿ. ಅಕ್ಕ ಅವ ಕೆಲಕರ್ತಿಯಾಯಿತ್ಂಜತ್.

ಇಬ್ರಿಯ 10:5

ಆನಗುಂಡ್, ಕ್ರಿಸ್ತ ಈ ಲೋಕತ್‍ಲ್ ಬಪ್ಪಕ ಅಂವೊ ದೇವಡ ಪಕ್ಕ: ಬಲಿ ಪಿಂಞ ಕಾಣಿಕೆ ನೀಕ್ ಕುಶಿಯಿಲ್ಲೆ, ಒರ್ ತಡೀನ ನಾಕಾಯಿತ್ ನೀನ್ ತಯಾರ್ ಮಾಡಿಯ;

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.