ಮತ್ತಾಯ 1:16 - ಕೊಡವ ಬೈಬಲ್

¹⁶ ಯಾಕೋಬಂಡ ಮೋಂವೊ ಮರಿಯಡ ವಡಿಯನಾನ ಯೋಸೇಫ. ಈ ಮರಿಯಳ್‌ಂಜ ಕ್ರಿಸ್ತಾಂದ್ ಕಾಕ್‍ವ ಯೇಸು ಪುಟ್ಟ್‌ಚಿ.

ಮತ್ತಾಯ 1:16 ပူးပေါင်းရင်းမြစ်များ

ಮತ್ತಾಯ 1:15

ಎಲಿಹೂದಂಡ ಮೋಂವೊ ಎಲಿಯಾಜರ. ಎಲಿಯಾಜರಂಡ ಮೋಂವೊ ಮತ್ತಾನ. ಮತ್ತಾನಂಡ ಮೋಂವೊ ಯಾಕೋಬ.

ಮತ್ತಾಯ 16:16

ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಮತ್ತಾಯ 16:20

ನಾನ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಂಗ ದಾರ್‌ಕು ಎಣ್ಣತೀಂದ್ ಯೇಸು ಶಿಷ್ಯಂಗಕ್ ಹುಕುಮ್ ಕೊಡ್‍ತತ್.

ಮತ್ತಾಯ 2:13

ಅಯಿಂಗ ಅಲ್ಲಿಂಜ ಪೋನ ಪಿಂಞ ಒಡೆಯಂಡ ದೂತ ಯೋಸೇಫಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಂಡ್: ಹೆರೋದ ರಾಜ, ಕುಂಞಿನ ಕೊಲ್ಲುವಕ್ ನೋಟುವ. ನೀನ್ ನೀಡ ಕುಂಞಿನ ಪಿಂಞ ಕುಂಞಿರ ಅವ್ವನ ಕಾಕಿಯಂಡ್ ಐಗುಪ್ತ ದೇಶಕ್ ಪೋಯಿತ್ ಬಚಾವ್ ಆಯಿರ್. ನಾನ್ ಎಣ್ಣ್‌ವಕತ್ತನೆ ಅಲ್ಲಿ ಇರ್‍ೕಂದ್ ಎಣ್ಣ್‌ಚಿ.

ಮತ್ತಾಯ 27:17

ಅಕ್ಕ, ಜನ ಕೂಡಿತ್‌ಪ್ಪಕ ಪಿಲಾತ ಅಯಿಂಗಡ ಪಕ್ಕ: ದಾರ್‌ನ ಬುಡಂಡು? ಬರಬ್ಬನ? ಇಲ್ಲೆ ಕ್ರಿಸ್ತ ಎಣ್ಣಿಯಂಡುಳ್ಳ ಯೇಸುವಾಂದ್ ಕ್‍ೕಟತ್.

ಮತ್ತಾಯ 27:22

ಅಕ್ಕ ಪಿಲಾತ ಅಯಿಂಗಳ ನೋಟಿತ್: ಅನ್ನನೆ ಆಚೇಂಗಿ ಕ್ರಿಸ್ತ ಎಣ್ಣುವ ಯೇಸುನ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್. ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್.

ಮಾರ್ಕ 6:3

ಇಂವೊ ಒರ್ ಆಚಾರಿಯಲ್ಲ? ಮರಿಯಂಡ ಮೋಂವೊನಲ್ಲಾ? ಇಂವೊ ಯಾಕೋಬ, ಯೋಸೆ, ಯೂದ ಪಿಂಞ ಸೀಮೋನ ಎಣ್ಣುವಯಿಂಗಡ ಅಣ್ಣನಲ್ಲಾ? ಅಂವೊಂಡ ತಂಗೆಯೆಲ್ಲ ಇಲ್ಲಿ ವಾಸಮಾಡಿಯಂಡುಂಡಲ್ಲಾಂದ್ ಎಣ್ಣಿಯಂಡ್ ಅಲ್ಲಿ ಉಳ್ಳಯಿಂಗ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:27

ದಾವೀದ ರಾಜಂಡ ವಂಶಕಾರನಾಯಿತ್ಂಜ ಯೋಸೇಫ ಎಣ್ಣುವ ಒರ್ ಆಣಾಳ್‌ಕ್ ಮಂಗಲಕ್ ಕುರ್‌ಚಿತ್ಂಜ ಒರ್ ಕನ್ನಿ ಮೂಡಿ ಇಂಜತ್. ಅವಡ ಪೆದ ಮರಿಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:48

ಅಂವೊಂಡ ಅಪ್ಪವ್ವ ಸಹ ಯೇಸುನ ಕಂಡಿತ್ ದುಂಬ ಆಶ್ಚರ್ಯ ಪಟ್ಟತ್. ಯೇಸುರ ಅವ್ವ ಅಂವೊನ ನೋಟಿತ್: ಎನ್ನಂಗ್ ಕುಂಞಿ ನೀನ್ ಇನ್ನನೆ ಮಾಡಿಯ. ನೋಟ್, ನೀಡ ಅಪ್ಪನು ನಾನು ಎಚ್ಚಕ್ ಗಾಬರಿಲ್ ತ್‍ೕಡ್‌ಚೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:7

ಅವ ಮೊದ ಕ್‍ಣ್ಣ ಕುಂಞಿನ ಪೆತ್ತತ್. ಅಯಿಂಗಕ್ ಚತ್ರತ್‌ಲ್ ಜಾಗ ಇಲ್ಲತ ಕಾರಣ ಅವ ಕುಂಞಿನ ಬಟ್ಟೇಲ್ ಸುತ್ತುವಂಜಿ ಒರ್ ಕೊಟ್ಟ್‌ಲ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:23

ಯೇಸು ಅಂವೊಂಡ ಸೇವೇನ ಸುರ್ ಮಾಡ್‌ವಕ ಅಂವೊಂಗ್ ನುಪ್ಪದ್ ಬೈತ್ ಆಯಿತ್ಂಜತ್. ಅಂವೊ ಯೋಸೇಫಂಡ ಮೋಂವೋಂದ್ ಗೊತ್ತ್ಂಜತ್, ಆ ಯೋಸೇಫ ಹೇಲಿರ ಮೋಂವೊ,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:22

ಅಲ್ಲಿ ಉಳ್ಳ ಜನಯೆಲ್ಲ ಅಂವೊಂಗ್ ನಲ್ಲ ಪೆದ ಕೊಡ್‌ತಿತ್, ಅಂವೊಂಡ ಕರುಣೆಯುಳ್ಳ ತಕ್ಕ್‌ನ ಕ್‍ೕಟಿತ್ ಆಶ್ಚರ್ಯ ಆಯಿತ್: ಇಂವೊ ಯೋಸೇಫಂಡ ಮೋಂವೊನಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಯೋಹಾನ 4:25

ಪಿಂಞ ಆ ಪೊಣ್ಣಾಳ್: ಕ್ರಿಸ್ತ ಎಣ್ಣುವ ಮೆಸ್ಸಿಯ ಬಪ್ಪಾಂದ್ ನಾಕ್ ಗೊತ್ತುಂಡ್. ಅಂವೊ ಬಪ್ಪಕ, ನಂಗಕ್ ಎಲ್ಲಾನ ಪಡಿಪ್‍ಚಿಡುವಾಂದ್ ಎಣ್ಣ್‌ಚಿ.