ಮಲಾಕಿ 4:1 - ಕೊಡವ ಬೈಬಲ್

¹ ಇದಾ, ಕಡಾಯ ತೊಲೆ ತಿತ್ತ್‌ಲ್‌ ಕತ್ತ್‌ವನೆಕೆ ಒರ್‌ ದಿವಸ ಬಪ್ಪ. ಅಕ್ಕ ಆಂಗಾರಿಯ ಎಲ್ಲಾರು, ವಂಚನೆ ಮಾಡುವಯಿಂಗ ಎಲ್ಲಾರು ಒಣಂಗ್‌ನ ಎಲ್ಕಂಡರನೆಕೆ ಇಪ್ಪ. ಬಪ್ಪ ಆ ದಿವಸ ಅಯಿಂಗಳ ಚುಟ್ಟ್‌ರ್‌ವ. ಅದ್‌ ಬೇರ್‌ ಪಿಂಞ ಕೊಂಬ್‌ನ ಸತ ಅಯಿಂಗಕ್‌ ಉಳಿಕೆ ಮಾಡುಲೆ.

ಮಲಾಕಿ 4:1 ပူးပေါင်းရင်းမြစ်များ

ಮಲಾಕಿ 3:15

ಇಕ್ಕ, ಆಂಗಾರಿಯಳ ಆಶೀರ್ವಾದ ಪಡ್‌ಂದಯಿಂಗಾಂದ್‌ ಕೊಂಡಾಡುವ; ಕ್‍ೕಡ್‌ ಮಾಡುವಯಿಂಗ ಅಬಿವೃದ್ದಿ ಪಡೆಯುವ ಮಾತ್‌ರ ಅಲ್ಲ, ಅಯಿಂಗ ಯೆಹೋವನಾನ ದೇವನ ತಾಂಗಡ ದುಷ್ಟತನತ್‌ರಗುಂಡ್‌ ಪರೀಕ್ಷೆ ಮಾಡ್‌ಚೇಂಗಿಯು ಬಚಾವ್‌ ಆಪಾಂದ್‌ ಎಣ್ಣಿಯಂಡುಳ್ಳಿರಲ್ಲಾ!

ಮಲಾಕಿ 3:18

ಅಕ್ಕ ನಿಂಗ ನಿತಿವಂತಂವೊಂಗ್, ದುಷ್ಟಂಗಕು ಪಿಂಞ ಯೆಹೋವಂಗ್‌ ಸೇವೆ ಮಾಡುವಯಿಂಗಕು, ಸೇವೆ ಮಾಡತಯಿಂಗಕು ಆಪ್ಪ ವೆತ್ಯಸತ್‌ನ ಪುಃನ ಕಾಂಬಿರ.

ಮಲಾಕಿ 3:2

ಆಚೇಂಗಿಯು ಅಂವೊ ಬಪ್ಪ ದಿವಸತ್‌ನ ದಾರ್‌ ಸೈಸುವಕಯ್ಯು? ಅಂವೊ ಪ್ರತ್ಯಕ್ಷ ಆಪಕ ದಾರ್‌ಕ್‌ ನಿಪ್ಪಕಯ್ಯು? ಅಂವೊ ಬೊಳ್ಳಿನ ಚುಟ್ಟಿತ್‌ ಶುದ್ದ ಮಾಡ್‌ವಂವೊನೆಕೆಯು ಇಲ್ಲತ ಪೋಚೇಂಗಿ ಬಟ್ಟೆ ಒಲೀಪ್ಪಂವೊಂಡ ಸೋಪ್ಪ್‌ರನೆಕ್ಕಯ ಇಪ್ಪ.

ಮಲಾಕಿ 3:3

ಅಂವೊ ಶುದ್ದಮಾಡುಬವನೆಕೆ ಅಳತ್ತಿತ್‌ ಬೊಳ್ಳಿನ ಚಾಯಿ ಮಾಡುವ; ಅಂವೊ ಲೇವಿಯಡ ಸಂತಾನತ್‌ನ ಬೊಳ್ಳಿ ಪಿಂಞ ಪೊನ್ನ್‌ರನೆಕೆ ಸುದ್ದಮಾಡುವ. ಪಿಂಞ ಒಡಯನಾನ ಯೆಹೋವಂಗ್‌ ನೀತಿರ ಕಾಣಿಕೆ ಅರ್ಪ್ಪಿಚ್ಚಿಡುವ ಜನ ಇಪ್ಪ.

ಮಲಾಕಿ 4:5

ಇದಾ, ಯೆಹೋವಂಡ ಬಲ್ಯ ಪಿಂಞ ಬಯಂಗರವಾನ ದಿವಸ ಬಪ್ಪಕ್‌ ಮಿಂಞ ನಾನ್‌ ನಿಂಗಡ ಪಕ್ಕ ಎಲೀಯ ಪ್ರವಾದಿನ ಅಯಿಚಂಡುಳ್ಳ.

ಮತ್ತಾಯ 3:12

ಅಂವೊಂಡ ಕೈಯಿಲ್ ಒರ್ ಪಾತ್‍ಮೊರ ಉಂಡ್, ಅದ್‍ನಗುಂಡ್ ಅಂವೊ ತಾಂಡ ಕಳತ್‌ನ ಶುದ್ದ ಮಾಡಿತ್ ಪಿಲ್ಲ್‌ಕಾಳ್‌ನ ಗೋದಿ ಕಾಳ್‌ಯಿಂಜ ಬೋರೆ ಮಾಡಿತ್ ತಾಂಡ ಗೋದಿ ಕಾಳ್‌ನ ಪತ್ತಾಯ ಕೋಂಬರೆಲ್ ದುಂಬ್‌ಚಿಡ್‌ವ; ಪಿಲ್ಲ್‌ಕಾಳ್‌ನ ಕೆಡತ ತಿತ್ತ್‌ಲ್ ಚುಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:43

ಯೆರೂಸಲೇಮೇ, ದೇವ ನಿನ್ನ ಕಾಪಾಡ್‌ವ ದಿನ ನೀಕ್ ಗೊತ್ತಿಲ್ಲತಗುಂಡ್, ನೀಡ ಶತ್ರುವ ನೀಡ ಸುತ್ತ್‌ಲ್ ಗೋಡೆ ಕೆಟ್ಟಿತ್, ನೀಡ ಸುತ್ತ್‌ಲ್ ಯುದ್ದ ಮಾಡ್‌ವ ದಿನ ಬಪ್ಪ. ನೀನ್ ಎಲ್ಲಿಯು ಪೋಕತನೆಕೆ, ಶತ್ರುವ, ನೀಡ ಎಲ್ಲಾ ಬಟ್ಟೇನ ಮುಚ್ಚಿರ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:20

ಯೆರೂಸಲೇಮ್ ಪಟ್ಟಣತ್‍ನ ದುಂಬ ಸೈನ್ಯ ಮೊರೆಬೂವದ್‍ನ ನಿಂಗ ಕಾಂಬಕ, ಅದ್ ಪಳಾಯಿ ಪೋಪ ಕಾಲ ಬೆರಿಯ ಬಾತ್‍ೕಂದ್ ನಿಂಗಕ್ ಗೊತ್ತಿರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:23

ಇದೆಲ್ಲಾ ಆಪಕ ಕುಶಿ ಪಡಿರಿ. ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಅಯಿಂಗಡ ಅಪ್ಪಯಿಂಗಳೂ ಪ್ರವಾದಿಯಂಗಕ್ ಅನ್ನನೆ ಮಾಡಿಯೆ.

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.