ಮಲಾಕಿ 2:7 - ಕೊಡವ ಬೈಬಲ್

⁷ ಸತ್ಯತ್‌ನ ಬೋದನೆ ಮಾಡ್‌ವದ್‌ ಯಾಜಕಂಗಡ ಕರ್ತವ್ಯ. ದೇವ ಎಂತ ಎಣ್ಣಿಯಂಡುಂಡ್‍ೕಂದ್‌ ಕ್‍ೕಪಕಾಯಿತ್‌ ಜನ ನಿಂಗಡ ಪಕ್ಕ ಬರಂಡು. ಎನ್ನಂಗೆಣ್ಣ್‌ಚೇಂಗಿ, ಯಾಜಕಂಗಳೇ ದೇವಡ ದೂತಂಗಾಂದ್‌ ಒಡೆಯನಾನ ಸೇನೇನ ಒಡಯನಾನ ಯೆಹೋವ ಎಣ್ಣಿಯಂಡುಂಡ್.

ಮಲಾಕಿ 2:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 5:2

ಅಕ್ಕ ನೀನ್‌ ವಿವೇಕತ್‌ನ ಕಾಪಾಡಿಯೊವಿಯ, ನೀಡ ತಕ್ಕ್, ಬುದ್ದಿ ದುಂಬ್‌ನದಾಯಿತ್‌ಪ್ಪ.

ಮಲಾಕಿ 3:1

ಇದಾ! ನಾನ್‌ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್‌ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಅಪೊಸ್ತಲ 16:17

ಆ ಕಣಿಯತಿ, ಪೌಲ ಪಿಂಞ ನಂಗಡ ಬೆಂಬರತ್ ಬಂದಿತ್: ಈ ಮನುಷ್ಯಂಗ ದೇವಾದಿ ದೇವಡ ಸೇವಕಂಗ; ರಕ್ಷಣೆರ ಬಟ್ಟೇನ ನಂಗಕ್ ಎಣ್ಣಿ ಕೊಡ್‍ಪಯಿಂಗಾಂದ್ ಕೂತ್ ಕೊಡ್‌ತಂಡ್ ಇಂಜತ್.

2 ಕೊರಿಂಥ 5:20

ಆನಗುಂಡ್, ನಂಗ ಕ್ರಿಸ್ತಂಡ ರಾಜ್ಯಬಾರಿಯಂಗ‍ಳಾಯಿತ್ ದೇವಡ ಕೂಡೆ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡೀಂದ್ ಕ್ರಿಸ್ತಂಗಾಯಿತ್ ನಿಂಗಳ ಬೋಡುವಿ. ಅದ್ ದೇವ ನಂಗಳಗುಂಡ್ ನಿಂಗಕ್ ಬುದ್ದಿ ಎಣ್ಣುವನೆಕೆ ಉಂಡ್.

ಗಲಾತ್ಯ 4:14

ನಾನ್ ನಿಂಗಡ ಪಕ್ಕ ಬಪ್ಪಕ ನಾಕ್ ಸೌಕ್ಯ ಇಲ್ಲತೆ ಇಂಜತ್. ನಾನ್ ನಿಂಗಕ್ ದುಂಬ ತೊಂದರೆ ತಂದಿಯೆ, ಆಚೇಂಗಿಯು ನಿಂಗೆಲ್ಲಾರು ನಾನ್ ನಿಂಗಡ ಪಕ್ಕ ಬರಂಡಾಂದ್ ಎಣ್ಣತೆ ಪಿಂಞ ತ್‍ಕ್ಕಾರ ಮಾಡತೆ ದುಂಬ ಕುಶೀಲ್ ನನ್ನ ದೇವದೂತಂಡನೆಕೆ, ಯೇಸು ಕ್ರಿಸ್ತಂಡನೆಕೆ ತಕ್ಕಾರ ಮಾಡಿರ.

1 ಥೆಸಲೊನೀಕ 4:8

ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.