ಮಲಾಕಿ 2:2 - ಕೊಡವ ಬೈಬಲ್

² ನಿಂಗ ನಾಡ ತಕ್ಕ್‌ನ ಕ್‍ೕಕತೆ, ನನ್ನ ಗನಪಡುತ್‌ವಕ್‌ ಮನಸ್ಸ್‌ ಮಾಡತೆ ಇಂಜತೇಂಗಿ, ನಿಂಗಕ್‌ ಶಾಪ ಇಟ್ಟಿತ್, ನಿಂಗಡ ಆಶೀರ್ವಾದತ್‌ನ ಶಾಪವಾಯಿತ್‌ ಬದ್‌ಲ್‌ ಮಾಡುವಿ; ಅಕ್ಕು ನಾನ್‌ ಅಯಿಂಗಕ್‌ ಅಕ್ಕಲೆ ಶಾಪ ಇಟ್ಟಿತುಳ್ಳ, ಎನ್ನಂಗೆಣ್ಣ್‌ಚೇಂಗಿ ನಿಂಗ ನನ್ನ ಗನಪಡುತ್‌ವಕ್‌ ಮನಸ್ಸ್‌ ಮಾಡಿತ್‌ಲ್ಲೇಂದ್‌ ಸೈನ್ಯರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಮಲಾಕಿ 2:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 3:33

ದುಷ್ಟಂಗಡ ಕುಟುಬಂತ್‌ರ ಮೇಲೆ ಯೆಹೋವಂಡ ಶಾಪ ಇಪ್ಪ, ಆಚೇಂಗಿ ನೀತಿವಂತಯಿಂಗಡ ಕುಟುಬಂತ್‌ನ ಅಂವೊ ಆಶೀರ್ವಾದ ಮಾಡ್‌ವ.

ಮಲಾಕಿ 2:1

ಇಕ್ಕ ಯಾಜಕಂಗಳೇ, ಇದ್‌ ನಿಂಗಕಾಯಿತ್‌ ಉಳ್ಳ ಆಜ್ಞೆ.

ಮಲಾಕಿ 3:9

ನಿಂಗ ಎಣ್ಣ್‌ಚೇಂಗಿ, ಇಡೀ ದೇಶ ನನ್ನ ಕದ್ದಂಡುಳ್ಳಿರ. ಆನಗುಂಡ್‌ ನಿಂಗಕ್‌ ಶಾಪ ಕ್‌ಟ್ಟಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:18

ಪರದೇಶಿಯಾನ ಇಂವೊ ಒಬ್ಬನೇ ದೇವನ ತುದಿಪಕ್ ಬಂತಲ್ಲಾಂದ್ ಎಣ್ಣಿತ್,

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.

ಪ್ರಕಟನೆ 14:7

ಅಂವೊ: ನಿಂಗೆಲ್ಲಾರು ದೇವಕ್ ಬೊತ್ತಿತ್, ಅಂವೊಂಗ್ ಮಹಿಮೆ ಕೊಡ್‍ಪಿರ; ಎನ್ನಂಗೆಣ್ಣ್‌ಚೇಂಗಿ ದೇವ ನ್ಯಾಯತೀರ್ಪ್ ಮಾಡ್‌ವ ಸಮಯ ಬಾತ್. ಬಾನತ್‍ನ, ಬೂಲೋಕತ್‍ನ, ಸಮುದ್ರತ್‍ನ ಪಿಂಞ ನೀರ್‌ರ ಬುಗ್ಗೆಯಳ ಸೃಷ್ಟಿ ಮಾಡ್‌ನಂವೊನ ಆರಾದನೆ ಮಾಡ್‌ವಿರಾಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 16:9

ಅಕ್ಕ ಮನುಷ್ಯಂಗ ಬಲ್ಯ ಉರಿಲ್ ಬೆಂಜಿಪೋಪನೆಕೆ ಇಂಜತೇಂಗಿಯು, ಈ ತರ ಬಾದೇನ ಮಾಡ್‌ವಕ್ ಅದಿಕಾರ ಉಳ್ಳ ದೇವಡ ಪೆದಕ್ ದೂಷಣೆ ಎಣ್ಣ್‌ನದಲ್ಲತೆ, ಅಂವೊಂಗ್ ಮಹಿಮೆ ಕೊಡ್‍ಪನೆಕೆ ಪಶ್ಚಾತಾಪ ಪಟ್ಟಿತ್‌ಲ್ಲೆ.