ಮಲಾಕಿ 2:15 - ಕೊಡವ ಬೈಬಲ್

¹⁵ ಒಡೆಯನಾನ ಯೆಹೋವ ನಿನ್ನ ಪಿಂಞ ನೀಡ ಪೊಣ್ಣ್‌ನ ಒಂದಾಯಿತ್‌ ಮಾಡ್‌ಚಲ್ಲಾ? ತಡಿಲ್‌ ಪಿಂಞ ಆತ್ಮತ್‌ಲ್‌ ನಿಂಗ ಅಂವೊಂಗ್‌ ಸ್ವಂತವಾನಯಿಂಗ. ಅಂವೊಂಗ್‌ ಎಂತ ಬೋಂಡು? ನಿಂಗ ಒಂದಾಯಿತ್‌ ಕೂಡಿತ್‌ ನಿಂಗಡಯಿಂಜ ದೇವಡ ಪೋಡಿ ಉಳ್ಳ ಮಕ್ಕಳ ಪುಟ್ಟ್‌ಚಿಡುವದ್‌ ತಾನೆ ಅಂವೊಂಗ್‌ ಬೋಂಡು. ಆನಗುಂಡ ನಿಂಗ ದಾರೂ ತಾಂಡ ಪ್ರಾಯತ್‌ರ ಪೊಣ್ಣ್‌ಕ್ ದ್ರೋಹ ಮಾಡತೆ ನಿಂಗಡ ಆತ್ಮತ್‌ರ ವಿಷಯತ್‌ ಎಚ್ಚರ ಎಡತೊಳಿ.

ಮಲಾಕಿ 2:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:27

ಅನ್ನನೆ ದೇವ ಮನುಷ್ಯನ ತಾಂಡ ರೂಪತ್‌ಲ್‌ ಸೃಷ್ಟಿ ಮಾಡ್‌ಚಿ. ದೇವಡ ರೂಪತ್‌ಲ್‌ ಅಂವೊನ ಸೃಷ್ಟಿ ಮಾಡ್‌ಚಿ. ಅಯಿಂಗಳ ಆಣಾಳ್‌ ಪೊಣ್ಣಾಳಾಯಿತ್‌ ಸೃಷ್ಟಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 2:7

ಅಲ್ಲಿಂಜ ಯೆಹೋವನಾನ ದೇವ ನೆಲತ್‌ರ ಮಣ್ಣ್‌ಂಜ ಮನುಷ್ಯನ ರೂಪ್‌ಚಿಟ್ಟಿತ್‌ ಅಂವೊಂಡ ಮೂಕ್‌ಲ್ ತಾಂಡ ಜೀವ ಶ್ವಾಸತ್‌ನ ಊದ್ವಕ, ಆ ಮನುಷ್ಯ ಒರ್‌ ಜೀವವುಳ್ಳ ಮನುಷ್ಯನಾಚಿ.

ಆದ್ಯತ್‌ರ ಪುಸ್ತಕ 24:44

ನೀನ್‌ ಕುಡಿ, ನೀಡ ಒಂಟೆಯಕು ನೀರ್‌ ತಪ್ಪೀಂದ್‌ ಎಣ್ಣ್‌ವವಳೇ, ನಾಡ ಎಜಮಾನಂಡ ಮೋಂವೊಂಗ್‌ ನೀನ್‌ ಆಯ್ಕೆ ಮಾಡ್‌ನ ಮೂಡಿಯಾಯಿತಿರಡ್‍ೕಂದ್‌ ಬೋಡ್‌ನ.

ಆದ್ಯತ್‌ರ ಪುಸ್ತಕ 27:46

ಅಲ್ಲಿಂಜ ರೆಬೆಕ್ಕ ಇಸಾಕಂಗ್: ಹಿತ್ತಿಯಂಡ ಮೂಡಿಯಯಿಂಜ ನಾಡ ಬದ್‌ಕ್‌ ನಾಕ್‍ ಮದಿಯಾಚಿ. ಈ ದೇಶತ್‌ ಮೂಡಿಯಳಾನ ಹಿತ್ತಿಯಂಡ ಒರ್‌ ಮೂಡಿನ ಯಾಕೋಬ ಮಂಗಲ ಕಯಿಚತೇಂಗಿ, ನಾನ್‌ ಬದ್‌ಕಿತ್‌ ಎಂತ ಪ್ರಯೋಜನಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 6:2

ದೇವಡ ಗುಣಕ್‌ ಕೂಡ್‌ನ ಕ್‌ಣ್ಣ ಮಕ್ಕ, ಈ ಲೋಕತ್‌ರ ಗುಣಕ್‌ ಕೂಡ್‌ನ ಮೂಡಿಯ ಕಾಂಬಕ್‌ ಚಾಯ ಉಂಡ್‍ೕಂದ್‌ ಕಂಡಿತ್, ಅಯಿಂಗಕ್‌ ಕುಶಿಯಾನ ಮೂಡಿಯಳ ಅಯಿಂಗಕಯಿಂಗಕ್‌ ಪೊಣ್ಣಾಯಿತ್‌ ಗೊತ್ತ್‌ ಮಾಡಿಯಂಡತ್.

ಜ್ಞಾನತ್‌ರ ಪಡಿಮ 2:17

ನೊಣೆ ತಕ್ಕ್‌ ಪರ್‌ಂದಿತ್‌ ತಾಂಡ ಬಲೇಕ್‌ ಬೂವನೆಕೆ ಮಾಡುವ. ವ್ಯಬಿಚಾರಿಯಾನ ಇವಡ ಕೈಯಿಂಜ ಜ್ಞಾನ ನಿನ್ನ ಕಾಪಾಡುವ.

ಜ್ಞಾನತ್‌ರ ಪಡಿಮ 4:23

ನೀಡ ಹೃದಯತ್‌ನ ಜಾಗೃತೆಲ್‌ ಚಾಯಿತೆ ಬೆಚ್ಚ; ಎನ್ನಂಗೆಣ್ಣ್‌ಚೇಂಗಿ ಅದ್‌ಂಜಲೇ ಜೀವತ್‌ರ ಎಲ್ಲಾ ವಿಜಯವು ಜಲನೀರ್‌ರನೆಕೆ ಬಪ್ಪ.

ಜ್ಞಾನತ್‌ರ ಪಡಿಮ 6:25

ಅವಡ ಚಾಯಿ ಚಂದನ ನೋಟಿತ್‌ ಅವಕ್‌ ಇಚ್ಚೆ ಪಡತೆ. ಅವಡ ಕಣ್ಣ್‌ರ ರೆಪ್ಪೆಯಿಂಜ ನಿನ್ನ ವಶ ಪಡ್‌ತುವಕ್‌ ಬುಡತೆ.

ಜ್ಞಾನತ್‌ರ ಪಡಿಮ 7:25

ನೀಡ ಹೃದಯ ಅಂತ ಪೊಣ್ಣಾಳ್‌ರ ಬರಿಕ್‌ ಪೋಕತೆ ಇರಡ್, ಅವಡ ಬದ್‌ಕ್‌ರ ಬಟ್ಟೆಲ್‌ ತಿರ್‌ಗಾಡತೆ.

ಮಲಾಕಿ 2:14

ಇದ್‌ಂಗ್‌ ಎಂತ ಕಾರಾಣಾಂದ್‌ ಕ್‍ೕಪಿರ? ಒಡೆಯನಾನ ಯೆಹೋವ ನೀಕು, ನೀಡ ಪ್ರಾಯತ್‌ರ ಪೊಣ್ಣ್‌ಕೂ ಸಾಕ್ಷಿಯಾಯಿತುಂಡ್. ನೀಡ ಚಂಙಾದಿಯು, ನೀಡ ಪೊಣ್ಣು ಆನ ಅವಕ್‌ ನೀನ್‌ ದ್ರೋಹ ಮಾಡಿಯಲ್ಲಾ.

ಮತ್ತಾಯ 15:19

ಎನ್ನನೆ ಎಣ್ಣ್‌ಚೇಂಗಿ, ಹೃದಯತ್ಂಜಲೇ ಕೆಟ್ಟ ಗೇನ, ಕೊಲೆ, ವ್ಯಬಿಚಾರ, ಲೈಂಗಿಕ ಪಾಪ, ಕಕ್ಕಂಡೂ, ಪೊಟ್ಟ್ ಪರಿಯಂಡು, ಪೊಟ್ಟ್ ಸಾಕ್ಷಿ ಪರಿಯಂಡು, ಬೋರೆಯಿಂಗಳ ನಾಶ ಮಾಡ್‌ವಕ್ ಕೆಟ್ಟ ತಕ್ಕ್ ಪರಿಯಂಡೂಂದ್ ಉಳ್ಳ ಗೇನ ಎಲ್ಲಾ ಬಪ್ಪ.

ಯೋಹಾನ 20:22

ಅಯಿಂಗಡ ಮೇಲೆ ಊದಿತ್: ಪವಿತ್ರಾತ್ಮ ನಿಂಗಕ್ ಕ್‍ಟ್ಟಡ್,

ಅಪೊಸ್ತಲ 3:25

ನಿಂಗ ಈ ಪ್ರವಾದಿಯಡ ಮಕ್ಕಳಾಯಿತುಳ್ಳಿರ; ಪಿಂಞ, ನೀಡ ಸಂತಾನತ್‍ರಗುಂಡ್, ಈ ಲೋಕತ್‍ಲ್ ಉಳ್ಳ ಎಲ್ಲಾ ಜಾತಿಯಂಗಕು ಆಶೀರ್ವಾದ ಬಪ್ಪಾಂದ್ ದೇವ ಅಬ್ರಹಾಮಂಗ್ ಎಣ್ಣಿತ್, ನಂಗಡ ಅಜ್ಜಂಗಡ ಕೂಡೆ ದೇವ ಮಾಡ್‍ನ ಒಪ್ಪಂದಕ್ ಸಹ ನಿಂಗ ಮಕ್ಕಳಾಯಿತುಳ್ಳಿರ.

1 ಕೊರಿಂಥ 7:14

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನ ನಂಬತ ವಡಿಯನ ಅಂವೊಂಡ ಪೊಣ್ಣ್‌ರಗುಂಡ್ ದೇವ ಅಂವೊನ ಪವಿತ್ರವಾನಂವೊನಾಯಿತ್ ಮಾಡ್‌ವ. ಕ್ರಿಸ್ತನ ನಂಬತ ಪೊಣ್ಣ್‌ನ ಅವಡ ವಡಿಯನಗುಂಡ್ ದೇವ ಅವಳ ಶುದ್ದ ಮಾಡ್‌ವ. ಅನ್ನನೆ ಇಲ್ಲತೆಪೋಚೇಂಗಿ, ಅಯಿಂಗಡ ಮಕ್ಕ ಎನ್ನನೆ ಶುದ್ದವಾಯಿತ್ ಇಪ್ಪ? ಇಕ್ಕ ನೋಟಿ, ಅಯಿಂಗಡ ಮಕ್ಕಳ ದೇವ ಶುದ್ದ ಮಾಡಿತ್‌ಲ್ಲೆಯಾ?

1 ಕೊರಿಂಥ 7:2

ಆಚೇಂಗಿ, ಇಚ್ಚಕ್ ಲೈಂಗಿಕ ಪಾಪತ್‍ರ ಸೋದನೆ ಉಳ್ಳಗುಂಡ್ ಪ್ರತಿಯೊರ್ ಮನುಷ್ಯಂಗು ಒರ್ ಸ್ವಂತ ಪೊಣ್ಣ್ ಬೋಂಡು, ಪ್ರತಿಯೊರ್ ಪೊಣ್ಣಾಳ್‍ಕು ಒರ್ ಸ್ವಂತ ವಡಿಯ ಬೋಂಡು.

2 ಕೊರಿಂಥ 6:18

ಅಕ್ಕ ನಾನ್ ನಿಂಗಳ ಸ್ವೀಕಾರ ಮಾಡಿತ್, ನಿಂಗಡ ಅಪ್ಪನಾಯಿತಿಪ್ಪಿ, ನಿಂಗ ನಾಡ ಮೋನಿಯಂಗಳು ಮೋಳಿಯಂಗಳು ಆಯಿತಿಪ್ಪಿರಾಂದ್ ಸರ್ವ ಶಕ್ತಿವಂತನಾನ ಒಡೆಯ ಎಣ್ಣಿಯಂಡುಂಡ್.

ಎಫೆಸ 6:4

ಅಪ್ಪಂಗಳೇ, ನಿಂಗ ನಿಂಗಡ ಮಕ್ಕಕ್ ಚೆಡಿ ಬಪ್ಪನೆಕೆ ಮಾಡತಿ, ಒಡೆಯಂಗ್ ಒತ್ತ ಶಿಸ್ತ್‌ಲ್ ಪಿಂಞ ಉಪದೇಶತ್‍ಲ್ ಅಯಿಂಗಳ ಬೊಳ್‍ತಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:6

ನೀನ್ ನೇಮಿಚಿಡುವ ಸಬೆರ ಪೆರಿಯಯಿಂಗ ಎನ್ನನೆ ಇರಂಡೂಂದ್ ಎಣ್ಣ್‌ಚೇಂಗಿ: ಅಂವೊ ದಾರೂ ಕುತ್ತ ಪರಿಯತನೆಕೆ ಇಕ್ಕಂಡು, ಅಂವೊ ಒರೇ ಒರ್ ಪೊಣ್ಣ್‌ರ ವಡಿಯನಾಯಿತ್ ಇರಂಡು, ಅಂವೊಂಡ ಮಕ್ಕ ದೇವಡ ಮೇಲೆ ನಂಬಿಕೆ ಉಳ್ಳಯಿಂಗಳಾಯಿತ್ ಇರಂಡು. ಅಯಿಂಗ ತನ್ನಡಕ್ಕ ಇಲ್ಲತಯಿಂಗ ಪಿಂಞ ಅಪ್ಪವ್ವಂಗಡ ತಕ್ಕ್ ಕೇಕತಯಿಂಗಾಂದ್ ದಾರೂ ಎಣ್ಣತ ಮಕ್ಕ ಉಳ್ಳ ಒಬ್ಬನಾಯಿತ್ ಇರಂಡು.