ಮಲಾಕಿ 2:12 - ಕೊಡವ ಬೈಬಲ್

¹² ಇಂತ ಒರ್‌ ಅಸಹ್ಯವಾನ ಕಾರ್ಯ ಮಾಡ್‌ನ ಓರೋರ್‌ ಮನುಷ್ಯಂಗು, ಇಸ್ರಾಯೇಲ್‌ ಜನತ್‌ಲ್‌ ಅಂವೊ ಇಲ್ಲತೆ ಆಯಿ ಪೋಡ್. ಅಂವೊ ನಂಗಡ ಒಡಯನಾನ ಯೆಹೋವಂಗ್‌ ಅರ್ಪಿಚಿಡುವಕ್‌ ಬಪ್ಪಕುಲ್ಳಂವೊನಾಯಿತಿಂಜತೇಂಗಿಯು ಆಪ್ಪಲೆ.

ಮಲಾಕಿ 2:12 ပူးပေါင်းရင်းမြစ်များ

ಮಲಾಕಿ 1:10

ಪ್ರಯೋಜನ ಇಲ್ಲತೆ, ದಾರು ನಾಡ ಬಲಿಪೀಠತ್‌ರ ಮೇಲೆ ತಿತ್ತ್‌ನ ಕತ್ತ್‌ಚಿಡತೆ ಇಪ್ಪಕ್‌ ನಿಂಗಡಲ್ಲಿ ಒಬ್ಬ ದೇವಾಲಯತ್‌ರ ಪಡಿನ ಮಚ್ಚಿರ್ತೇಂಗಿ, ಅದ್‌ ಎಚ್ಚಕೋ ನಲ್ಲದಾಯಿತ್‌ಪ್ಪ. ನಿಂಗಡ ಮೇಲೆ ನಾಕ್‍ ಕುಶಿ ಇಲ್ಲೇಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್. ನಿಂಗಡ ಕೈಯಿಂಜ ಇಡುವ ಕಾಣಿಕೆನ ಸತ ನಾನ್‌ ಸ್ವೀಕಾರ ಮಾಡುಲೆ.

ಮಲಾಕಿ 1:13

ಅದಾ, ನಂಗ ಈ ಸೇವೇನ ಮಾಡಿತ್‌ ಎಚ್ಚಕ್‌ ತಳ್‌ಂದ್‌ ಪೋಯಿತುಂಡ್‍ೕಂದ್‌ ಎಣ್ಣಿತ್‌ ಕಾಡ್‌ ಪ್ರಾಣಿಯ ಆಕ್ರಮಣ ಮಾಡ್‌ನ ಪ್ರಾಣಿಯಳ, ಕುಂಟಾಯಿತ್‌ ಉಳ್ಳದ್‌ನ, ಕಾಯಿಲೆ ಉಳ್ಳದ್‌ನ ಎಡ್‌ತ ಬಪ್ಪಿರ. ಅದ್‌ನ ನಾನ್‌ ಸ್ವೀಕಾರ ಮಾಡುವೀಂದ್‌ ಗೇನ ಮಾಡ್‌ವಿರಾಂದ್‌ ಯೆಹೋವ ಕ್‍ೕಟಂಡುಂಡ್.

ಮಲಾಕಿ 2:10

ನಂಗ ಎಲ್ಲಾರ್‌ಕು ಒರೇ ಅಪ್ಪ ಅಲ್ಲಾ? ಒರೇ ದೇವ ನಂಗಳೆಲ್ಲ ಸೃಷ್ಟಿ ಮಾಡ್‌ಚಲ್ಲಾ? ಇನ್ನನೆ ಇಪ್ಪಕ ಎನ್ನಂಗ್‌ ನಂಗ ಒಬ್ಬಂಗ್‌ ಒಬ್ಬ ದ್ರೋಹ ಮಾಡಿಯಂಡ್‌ ಒಡೆಯನಾನ ಯೆಹೋವ ನಂಗಡ ಮುತ್ತಜ್ಜಂಗಡ ಕೂಡೆ ಮಾಡ್‌ನ ಒಪ್ಪಂದತ್‌ನ ಮುರ್ಚಂಡುಂಡ್?

ಮತ್ತಾಯ 15:14

ಅಯಿಂಗ ಎಣ್ಣ್‌ವಾಂಗ್ ಕೆಮಿ ಕೊಡ್‌ಕತಿ. ಅಯಿಂಗ ಕುರ್‌ಡಂಗಕ್ ಬಟ್ಟೆ ಕಾಟುವ ಕುರ್‌ಡಂಗಳಾಯಿತುಂಡ್. ಒರ್ ಕುರ್‌ಡ ಇಂಞೊರ್ ಕುರ್‌ಡಂಗ್ ಬಟ್ಟೆ ಕಾಟ್‍ಚೇಂಗಿ, ದಂಡಾಳು ಕುಂಡ್‌ಕ್ ಬೂವಲ್ಲಾಂದ್ ಎಣ್ಣ್‌ಚಿ.

2 ತಿಮೊಥೆಯ 3:13

ಆಚೇಂಗಿ, ದುಷ್ಟಂಗ ಪಿಂಞ ವಂಚಕಂಗ, ಮೋಸ ಮಾಡಿಯಂಡ್, ಅಯಿಂಗಳು ಮೋಸ ಪೋಯಂಡ್, ಇಕ್ಕ ಉಳ್ಳ ಸ್ತತಿಯಿಂಜ ಇಂಞು ಪಾಳಾಯಿ ಪೋಪ.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.