ಮಲಾಕಿ 1:11 - ಕೊಡವ ಬೈಬಲ್

¹¹ ಸೂರ್ಯ ಉದಿಪ ದಿಕ್ಕ್‌ ಪುಡಿಚಿತ್, ಅದ್‌ ಮುಳಿವ ದಿಕ್ಕ್‌ಕತ್ತನೆ, ಎಲ್ಲಾ ದೇಶತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ಎಲ್ಲಾ ಜಾಗತ್‌ಲು ನಾಕ್‍ ದೂಪತ್‌ನ ಪಿಂಞ ಶುದ್ದ ಕಾಣಿಕೆನ ಅರ್ಪಿಚಿಡುವ. ಅಕ್ಕು, ಎಲ್ಲಾ ಜನಾಂಗತ್‌ರ ಮದ್ಯತ್‌ಲು ನಾಡ ಪೆದ ಬಲ್ಯದಾಯಿತ್‌ಪ್ಪಾಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಮಲಾಕಿ 1:11 ပူးပေါင်းရင်းမြစ်များ

ಮಲಾಕಿ 1:14

ಒಬ್ಬ, ಯೆಹೋವಂಗ್‌ ಪರಕೆ ಮಾಡಿತ್‌ ಅಂವೊಂಡ ಹಿಂಡ್‌ಲ್‌ ಎತ್ತ್‌ ಬೆಚ್ಚಂಡು, ಊನ ಉಳ್ಳದ್‌ನ ಅರ್ಪಿಚಿಡುವಕ, ಮೋಸಗಾರಂಗ್‌ ಶಾಪ ಬಪ್ಪ. ಎಲ್ಲಾ ಜನಾಂಗತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ನಾನ್‌ ಬಲ್ಯ ರಾಜಾಂದ್‌ ಸೇನೆರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಮಲಾಕಿ 3:3

ಅಂವೊ ಶುದ್ದಮಾಡುಬವನೆಕೆ ಅಳತ್ತಿತ್‌ ಬೊಳ್ಳಿನ ಚಾಯಿ ಮಾಡುವ; ಅಂವೊ ಲೇವಿಯಡ ಸಂತಾನತ್‌ನ ಬೊಳ್ಳಿ ಪಿಂಞ ಪೊನ್ನ್‌ರನೆಕೆ ಸುದ್ದಮಾಡುವ. ಪಿಂಞ ಒಡಯನಾನ ಯೆಹೋವಂಗ್‌ ನೀತಿರ ಕಾಣಿಕೆ ಅರ್ಪ್ಪಿಚ್ಚಿಡುವ ಜನ ಇಪ್ಪ.

ಮತ್ತಾಯ 28:19

ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.

ಮತ್ತಾಯ 8:11

ದುಂಬ ಜನ ಕ್‍ೕಕ್ ದಿಕ್ಕಿಂಜ, ಪಡ್‍ಞಾರ್ ದಿಕ್ಕಿಂಜ ಬಂದಿತ್ ಪರಲೋಕ ರಾಜ್ಯತ್‍ಲ್ ಅಬ್ರಹಾಮ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗದ್ದಾಳ ಉಂಬಕ್ ಅಳ್‌ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:10

ಅಂವೊ ದೇವಾಲಯತ್‍ರ ಒಳ್‍ಕ್ ಪೋಯಿತ್ ದೂಪ ಅರ್ಪಣ ಮಾಡಿಯಂಡಿಪ್ಪಕ, ದೇವಾಲಯತ್‍ರ ಪೊರಮೆ, ಜನಯೆಲ್ಲ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ರೋಮ್ 12:1

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ನಿಂಗಡ ತಡೀನ ಪವಿತ್ರವಾಯಿತ್, ದೇವ ಕುಶಿಪಡ್‌ವನೆಕೆ ಜೀವ ಬಲಿಯಾಯಿತ್ ಅರ್ಪಿಚಿಡಂಡೂಂದ್ ದೇವಡ ಕನಿಕಾರತ್‌ಂಜ ನಾನ್ ನಿಂಗಳ ಬೋಡುವಿ. ಇನ್ನನೆ ನಿಂಗ ಮಾಡ್‌ವ ಆರಾದನೆ, ಆತ್ಮೀಯ ಆರಾದನೆಯಾಯಿತುಂಡ್.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

2 ಥೆಸಲೊನೀಕ 1:12

ಅನ್ನನೆ ನಿಂಗಡ ಬದ್‍ಕ್‍ನ ನೋಟ್‍ವಕ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದ ನಿಂಗಡಲ್ಲಿಯು, ನಿಂಗಕ್ ಅಂವೊಂಡಲ್ಲಿಯು ಮಹಿಮೆ ಕ್‍ಟ್ಟಂಡೂಂದ್ ನಂಗ ಪ್ರಾರ್ಥನೆ ಮಾಡ್‌ವ. ನಂಗಡ ದೇವ ಪಿಂಞ ಒಡೆಯನಾನ ಯೇಸು ಕ್ರಿಸ್ತ ತಪ್ಪ ಕೃಪೇರಗುಂಡ್ ಇನ್ನನೆಲ್ಲ ನಂಗಕ್ ಆಪ.

1 ತಿಮೊಥೆಯ 2:8

ಅದಲ್ಲತೆ, ಎಲ್ಲಾ ಆಣಾಳ್‍ವ ಚೆಡಿ ಇಲ್ಲತೆ, ತರ್ಕ ಇಲ್ಲತೆ, ಪವಿತ್ರವಾನ ಕೈಯಿನ ನೇತಿತ್, ಎಲ್ಲಾ ಜಾಗತ್‍ಲು ಪ್ರಾರ್ಥನೆ ಮಾಡಂಡೂಂದ್ ನಾಕ್ ಆಸೆ ಉಂಡ್.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 15:4

ಒಡೆಯನೇ, ನೀಕ್ ಬೊತ್ತತೆ, ನೀಡ ಪೆದಕ್ ಮಹಿಮೆ ತರತೆ ಇಪ್ಪಕ್ ದಾರ್‌ಕ್ ಕಯ್ಯು? ನೀನ್ ಒಬ್ಬನೇ ಪವಿತ್ರವಾನ ದೇವ, ನೀಡ ನೀತಿಯಾಯಿತುಳ್ಳ ತೀರ್ಪ್‌ರಗುಂಡ್ ಎಲ್ಲಾ ಜಾತಿಯಳು ಬಂದಿತ್, ನೀಡ ಮಿಂಞ ಆರಾದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ: