ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:7 - ಕೊಡವ ಬೈಬಲ್

⁷ ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಇದ್‍ನೆಲ್ಲ ಕ್‍ೕಪಕ ಗಲಿಬಿಲಿ ಆಚಿ, ಎನ್ನಂಗೆಣ್ಣ್‌ಚೇಂಗಿ ಚೆನ್ನ ಜನ, ಇಂವೊ ಚತ್ತ್‌ಪೋನ ಯೋಹಾನ, ಚಾವ್‍ಯಿಂಜ ಬದ್‌ಕಿತ್ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:7 ပူးပေါင်းရင်းမြစ်များ

ಮತ್ತಾಯ 11:2

ಅಕ್ಕ ಜೈಲ್‍ಲ್ ಇಂಜ ಯೋಹಾನ, ಯೇಸು ಕ್ರಿಸ್ತ ಮಾಡಿಯಂಡುಳ್ಳ ಎಲ್ಲಾ ಅದ್ಬುತ ಕಾರ್ಯತ್‍ನ ಕ್‍ೕಟಿತ್ ಅಂವೊಂಡ ಶಿಷ್ಯಂಗಳ ಯೇಸುರ ಪಕ್ಕ ಅಯಿಚಿತ್:

ಮಾರ್ಕ 8:28

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ನೀನ್ ಎಲೀಯಾಂದು, ಚೆನ್ನ ಜನ ನೀನ್ ದಾರೋ ಒರು ಪ್ರವಾದೀಂದು ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:31

ಅದೇ ಗಳಿಗೆಲ್ ಚೆನ್ನ ಫರಿಸಾಯಂಗ ಯೇಸುರ ಪಕ್ಕ ಬಂದಿತ್, ನೀನ್ ಇಲ್ಲಿಂಜ ಬೆರಿಯ ಪೋಯಿರ್, ರಾಜನಾನ ಹೆರೋದ ನಿನ್ನ ಕೊಲ್ಲುವಕ್ ನೋಟಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:25

ಇದ್‍ಲ್ಲತೆ ಸೂರ್ಯ ಚಂದ್ರ ನಕ್ಷತ್ರತ್‌ಲ್ ವಿಚಿತ್ರ ಗುರ್‍ತ್‍ನ ಕಾಂಬಕಾಪ. ಗರ್ಜನೆ ಮಾಡಿಯಂಡ್ ಬಪ್ಪ ಸಮುದ್ರತ್‍ರ ತೆರೆ ಪಿಂಞ ಬಿರ್‌ಗಾಳಿಕ್ ಬೂಲೋಕತ್‍ಲ್ ಉಳ್ಳ ದೇಶವೆಲ್ಲ ಬೊತ್ತಿತ್ ಎಂತ ಮಾಡಂಡೂಂದ್ ಗೊತ್ತಾಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:7

ಯೇಸು, ರಾಜನಾನ ಹೆರೋದ ಆಳಿಯಂಡಿಂಜ ಜಾಗತ್ಂಜ ಬಾತ್‍ೕಂದ್ ಗೊತ್ತಾನ ಪಿಂಞ ಪಿಲಾತ ರಾಜ, ಆ ಸಮಯತ್‍ಲ್ ಯೆರೂಸಲೇಮ್‍ಲ್ ಇಂಜ ಹೆರೋದ ರಾಜಂಡ ಪಕ್ಕ ಯೇಸುನ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:1

ಕೈಸರನಾನ ತಿಬೇರಿಯ ರಾಜ್ಯಬಾರ ಮಾಡ್‍ನ ಪದ್‌ನಂಜನೆ ಕಾಲತ್‍ಲ್, ಪೊಂತ್ಯ ಪಿಲಾತ ಯೂದಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತು, ಹೆರೋದ ಗಲಿಲಾಯ ಪ್ರಾಂತ್ಯತ್‍ರ ಉಪರಾಜಾನಾಯಿತು, ಅಂವೊಂಡ ತಮ್ಮಣ ಫಿಲಿಪ್ಪ, ಇತುರಾಯಾ ಪಿಂಞ ತ್ರಕೋನೀತಿ ಪ್ರಾಂತ್ಯಂಗಕ್ ಉಪರಾಜನಾಯಿತು, ಲುಸನ್ಯ ಅಬಿಲೇನೆ ಪ್ರಾಂತ್ಯಕ್ ಉಪರಾಜನಾಯಿತು ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:19

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದೂ, ಚೆನ್ನ ಜನ ನೀನ್ ಎಲೀಯಾಂದೂ, ಇಂಞು ಚೆನ್ನ ಜನ ನೀನ್ ದಾರೋ ಒರು ಪೂರ್ವ ಕಾಲತ್‍ರ ಪ್ರವಾದೀಂದೂ ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.