ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:60 - ಕೊಡವ ಬೈಬಲ್

⁶⁰ ಅದ್ಂಗ್ ಯೇಸು: ಚತ್ತಯಿಂಗ ಚತ್ತಯಿಂಗಳ ಪೂತಡ್; ನೀನ್ ಪೋಯಿತ್ ದೇವಡ ರಾಜ್ಯತ್‍ರ ವಿಷಯತ್‍ನ ಪ್ರಚಾರ ಮಾಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:60 ပူးပေါင်းရင်းမြစ်များ

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮತ್ತಾಯ 8:22

ಅಕ್ಕ ಯೇಸು, ಚತ್ತಯಿಂಗ ಚತ್ತಯಿಂಗಳ ಪೂಕಡ್, ನೀನ್ ನಾಡ ಬಯ್ಯ ಬಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:24

ನಾಡ ಈ ಕುಂಞಿ ಇಚ್ಚಕ್ ದಿವಸ ಚತ್ತ್ ಪೋಯಿತ್ಂಜತ್, ಆಚೇಂಗಿ ಪುನಃ ಜೀವವಾಯಿತ್ ಬಂದತ್, ಇಕ್ಕಣಕೆ ಕಾಂಗತೆ ಪೋಯಿತ್ಂಜತ್, ಇಕ್ಕ ಇಂವೊ ಕ್‍ಟ್ಟ್‌ಚೀಂದ್ ಅಪ್ಪ ಎಣ್ಣಿತ್, ಗದ್ದಾಳ ಮಾಡ್‌ವಕು, ಆಟ್‌ಪಾಟ್ ನಡ್‍ಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

1 ಕೊರಿಂಥ 9:16

ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚೇಂಗಿಯು ನಾನ್ ಅದ್‍ನ ಹೊಗಳ್‍ವಕ್ ಒಂದು ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅದ್ ನಾಡ ಮೇಲೆ ಬುದ್ದ ಜವಾಬ್ದಾರಿಯಾಯಿತುಂಡ್. ದೇವಡ ನಲ್ಲ ಸುದ್ದಿನ ನಾನ್ ಪ್ರಚಾರ ಮಾಡತೆ ಪೋಚೇಂಗಿ, ನಾಕ್ ಅಯ್ಯೋ!

ಎಫೆಸ 2:1

ಪಂಡ್ ನಿಂಗ ನಿಂಗಡ ಅಪರಾದತ್‍ಲ್ ಪಿಂಞ ಪಾಪತ್‍ಲ್ ಚತ್ತ್ ಪೋಯಿತ್ಂಜಿರ.

ಎಫೆಸ 2:5

ಅಪರಾದತ್‍ಲ್ ಚತ್ತ್ ಪೋಯಿತ್ಂಜ ನಂಗಳ ಕ್ರಿಸ್ತಂಡ ಕೂಡೆ ಜೀವವಾಯಿತ್ ಎಪ್ಪ್‌ಚಿಟ್ಟತ್; ಕೃಪೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ.

1 ತಿಮೊಥೆಯ 5:6

ಆಚೇಂಗಿ ಸುಕ ಬೋಗತ್‍ಲ್ ಬದ್‍ಕ್‍ವಕ್ ಕುಶಿ ಪಡುವ ಒರ್ ವಿದವೆ ಜೀವವಾಯಿತ್ ಉಂಡೇಂಗಿಯು, ಆತ್ಮೀಯ ಬದ್‍ಕ್‍ಲ್, ಅವ ಚತ್ತನೆಕೆ.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

2 ತಿಮೊಥೆಯ 4:5

ಆಚೇಂಗಿ ನೀನ್ ಎಲ್ಲಾ ವಿಷಯತ್‍ಲು ಮನಸ್ಸ್ ತೆಳ್ಂಗ್‍ನಂವೊನಾಯಿತ್ ಇರ್, ಕಷ್ಟ ಅನುಬವಿಚಿಡ್‍ವಕ್ ಕುಶಿ ಪಡ್, ನಲ್ಲ ಸುದ್ದಿರ ಬೋದನೆಕಾರಂಡ ಕರ್ತವ್ಯತ್‍ನ ಮಾಡ್, ದೇವ ನೀಕ್ ತಂದ ಸೇವೇನ ಪೂರ್ತಿಮಾಡ್.

ಪ್ರಕಟನೆ 3:1

ಸಾರ್ದಿಸಿ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದೇವಡ ಏಳ್ ಆತ್ಮತ್‌ನ ಪಿಂಞ ಏಳ್ ನಕ್ಷತ್ರತ್‍ನ ಪುಡ್‌ಚಂಡುಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ. ನೀಡ ಕ್ರಿಯೆ ನಾಕ್ ಗೊತ್ತುಂಡ್, ನೀನ್ ಬದ್‍ಕಿಯಂಡ್ ಉಂಡ್‍ೕಂದ್‌ ಎಲ್ಲಾರು ಎಣ್ಣಿಯಂಡಿಂಜತೇಂಗಿಯು ನೀನ್ ಚತ್ತ್ ಪೋನಂವೊಂಡನೆಕೆ ಉಳ್ಳಿಯ.