ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:29 - ಕೊಡವ ಬೈಬಲ್

²⁹ ಯೇಸು ಪ್ರಾರ್ಥನೆ ಮಾಡಿಯಂಡ್ ಇಪ್ಪಕ ಅಂವೊಂಡ ಮೂಡ್‌ರ ರೂಪ ಬದ್‍ಲಾಚಿ, ಅಂವೊ ಇಟ್ಟ ಬಟ್ಟೆ ಬೊಳ್‌ತಿತ್ ಮಿನ್ನುವಕ್ ಸುರು ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:29 ပူးပေါင်းရင်းမြစ်များ

ಮತ್ತಾಯ 17:2

ಅಲ್ಲಿ ಅಯಿಂಗಡ ಮಿಂಞತ್‍ಲೇ, ಯೇಸುರ ರೂಪ ಬದ್‍ಲಾಚಿ; ಅಂವೊಂಡ ಮೂಡ್ ಸೂರ್ಯಂಡನೆಕೆ ಬೊಳಿಯುವಕ್ ಸುರ್ ಆಚಿ; ಅಂವೊಂಡ ಬಟ್ಟೆ ಬಲ್ಯ ಬೊಳಿರನೆಕೆ ಬೊಳ್‍ಂದಂಡಿಂಜತ್

ಮಾರ್ಕ 16:12

ಪಿಂಞ ದಂಡ್ ಶಿಷ್ಯಂಗ ಒರ್ ಗ್ರಾಮಕ್ ನಡ್ಂದಂಡ್ ಪೋಯಂಡಿಪ್ಪಕ ಅಯಿಂಗಕ್ ಅಂವೊನ ಬೋರೆ ತರತ್‍ಲ್ ಕಾಂಬ್‌ಚಿಟ್ಟಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:21

ಜನಯೆಲ್ಲ ದೀಕ್ಷಾಸ್ನಾನ ಎಡ್‍ತಂಡಿಪ್ಪಕ, ಯೇಸು ಸಹ ಅಂವೊಂಡ ಪಕ್ಕ ಬಂದಿತ್ ದೀಕ್ಷಾಸ್ನಾನ ಎಡ್‍ತತ್. ಅಕ್ಕ ಯೇಸು ಪ್ರಾರ್ಥನೆ ಮಾಡಿಯಂಡಿಪ್ಪಕ, ಪರಲೋಕ ತೊರ್ಂದತ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:16

ಆಚೇಂಗಿಯು, ಯೇಸು ಅಕ್ಕಕ್ಕ, ಜನ ದಾರೂ ಇಲ್ಲತ ಜಾಗಕ್ ಪೋಯಿತ್ ಪ್ರಾರ್ಥನೆ ಮಾಡ್‌ವಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:12

ಅಂದತ ಒರ್ ದಿವಸತ್‍ಲ್ ಪ್ರಾರ್ಥನೆ ಮಾಡ್‌ವಕಾಯಿತ್ ಯೇಸು ಕುಂದ್‌ರ ಕೊಡಿಕ್ ಪೋಚಿ. ಅಲ್ಲಿ ಬೈಟೊಡಿ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:18

ಒರ್ ದಿವಸ ಯೇಸು ಒಬ್ಬನೇ ಪ್ರಾರ್ಥನೆ ಮಾಡಿಯಂಡಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಕೂಡೆ ಇಂಜತ್. ಯೇಸು: ನಾನ್ ದಾರ್‍ೕಂದ್ ಈ ಜನ ಎಣ್ಣುವ? ಎಣ್ಣಿಯಂಡ್ ಶಿಷ್ಯಂಗಳ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:30

ಅದಲ್ಲತೆ ಮೋಶೆ ಪಿಂಞ ಎಲೀಯ ಎಣ್ಣುವ ದಂಡ್ ಮನುಷ್ಯಂಗ ದುಂಬ್‍ನ ಮಹಿಮೆಲ್ ಪಿಂಞ ಕೀರ್ತಿಲ್ ಕಾಂಬ್‌ಚಿಟ್ಟಿತ್, ಯೇಸುರ ಕೂಡೆ ತಕ್ಕ್ ಪರ್‌ದಂಡ್,

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಅಪೊಸ್ತಲ 6:15

ಅಕ್ಕ ಆಲೋಚನೆ ಸಬೇಲ್ ಅಳ್‌ತಂಡ್ ಇಂಜಯಿಂಗ ಎಲ್ಲಾರು ಸ್ತೆಫನಂಡ ಮೂಡ್‌ನೇ ನೋಟಿಯಂಡಿಂಜತ್. ಎನ್ನಂಗೆಣ್ಣ್‌ಚೇಂಗಿ, ಅಂವೊಂಡ ಮೂಡ್ ದೇವದೂತಂಡ ಮೂಡ್‍ರನೆಕೆ ಇಪ್ಪದ್‍ನ ಕಂಡತ್.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.