ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:18 - ಕೊಡವ ಬೈಬಲ್

¹⁸ ಒರ್ ದಿವಸ ಯೇಸು ಒಬ್ಬನೇ ಪ್ರಾರ್ಥನೆ ಮಾಡಿಯಂಡಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಕೂಡೆ ಇಂಜತ್. ಯೇಸು: ನಾನ್ ದಾರ್‍ೕಂದ್ ಈ ಜನ ಎಣ್ಣುವ? ಎಣ್ಣಿಯಂಡ್ ಶಿಷ್ಯಂಗಳ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:18 ပူးပေါင်းရင်းမြစ်များ

ಮತ್ತಾಯ 14:23

ಎಲ್ಲಾ ಜನಳ ಅಯಿಚಿರುವಂಜಿ, ಅಂವೊ ಒಬ್ಬನೇ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ. ಬಯಿಟಾಪಕ ಯೇಸು ಒಬ್ಬನೇ ಅಲ್ಲಿ ಇಂಜತ್.

ಮತ್ತಾಯ 26:36

ಪಿಂಞ ಯೇಸು ಅಂವೊಂಡ ಶಿಷ್ಯಂಗಡ ಕೂಡೆ ಗೆತ್ಸೇಮನೆ ಎಣ್ಣುವ ಜಾಗಕ್ ಪೋಯಿತ್, ನಾನ್ ಅಲ್ಲಿ ಪೋಯಿತ್ ಪ್ರಾರ್ಥನೆ ಮಾಡ್‌ವಕ, ನಿಂಗ ಇಲ್ಲಿ ಅಳ್‌ತಂಡ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:1

ಯೇಸು ಒರ್ ಜಾಗತ್‍ಲ್ ಪ್ರಾರ್ಥನೆ ಮಾಡಿತಾನ ಪಿಂಞ, ಅಂವೊಂಡ ಒರ್ ಶಿಷ್ಯ: ಒಡೆಯನೇ, ಯೋಹಾನ ಅಂವೊಂಡ ಶಿಷ್ಯಂಗಕ್ ಪ್ರಾರ್ಥನೆ ಮಾಡ್‌ವಕ್ ಎಣ್ಣಿ ಕೊಡ್‍ತನೆಕೆ ನಂಗಕ್ ಸಹ ಎಣ್ಣಿತಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:21

ಜನಯೆಲ್ಲ ದೀಕ್ಷಾಸ್ನಾನ ಎಡ್‍ತಂಡಿಪ್ಪಕ, ಯೇಸು ಸಹ ಅಂವೊಂಡ ಪಕ್ಕ ಬಂದಿತ್ ದೀಕ್ಷಾಸ್ನಾನ ಎಡ್‍ತತ್. ಅಕ್ಕ ಯೇಸು ಪ್ರಾರ್ಥನೆ ಮಾಡಿಯಂಡಿಪ್ಪಕ, ಪರಲೋಕ ತೊರ್ಂದತ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:12

ಅಂದತ ಒರ್ ದಿವಸತ್‍ಲ್ ಪ್ರಾರ್ಥನೆ ಮಾಡ್‌ವಕಾಯಿತ್ ಯೇಸು ಕುಂದ್‌ರ ಕೊಡಿಕ್ ಪೋಚಿ. ಅಲ್ಲಿ ಬೈಟೊಡಿ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:19

ಅದ್ಂಗ್: ಚೆನ್ನ ಜನ ನೀನ್ ದೀಕ್ಷಾಸ್ನಾನ ತಪ್ಪ ಯೋಹಾನಾಂದೂ, ಚೆನ್ನ ಜನ ನೀನ್ ಎಲೀಯಾಂದೂ, ಇಂಞು ಚೆನ್ನ ಜನ ನೀನ್ ದಾರೋ ಒರು ಪೂರ್ವ ಕಾಲತ್‍ರ ಪ್ರವಾದೀಂದೂ ಎಣ್ಣಿಯಂಡುಂಡ್‍ೕಂದ್ ಅಯಿಂಗ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:28

ಈ ತಕ್ಕ್‌ನ ಎಣ್ಣಿ ಸುಮಾರ್ ಎಟ್ಟ್ ದಿನ ಕಯಿಂಜ ಪಿಂಞ ಪೇತ್ರ, ಯೋಹಾನ ಪಿಂಞ ಯಾಕೋಬನ ಯೇಸು ಕುಂದ್‌ರ ಕೊಡಿಕ್ ಪ್ರಾರ್ಥನೆ ಮಾಡ್‌ವಕ್ ಕಾಕಿಯಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:29

ಯೇಸು ಪ್ರಾರ್ಥನೆ ಮಾಡಿಯಂಡ್ ಇಪ್ಪಕ ಅಂವೊಂಡ ಮೂಡ್‌ರ ರೂಪ ಬದ್‍ಲಾಚಿ, ಅಂವೊ ಇಟ್ಟ ಬಟ್ಟೆ ಬೊಳ್‌ತಿತ್ ಮಿನ್ನುವಕ್ ಸುರು ಆಚಿ.