ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:49 - ಕೊಡವ ಬೈಬಲ್

⁴⁹ ಯೇಸು ಇನ್ನನೆ ತಕ್ಕ್ ಪರ್‌ದಂಡ್ ಇಪ್ಪಕ ಯಾಯೀರಂಡ ಮನೇಯಿಂಜ ಒಬ್ಬ ಬಂದಿತ್: ನೀಡ ಮೋವ ಚತ್ತ್ ಪೋಚಿ! ಯೇಸುಕ್ ಇಂಞು ತೊಂದರೆ ಕೊಡ್‌ಕತೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:49 ပူးပေါင်းရင်းမြစ်များ

ಮತ್ತಾಯ 26:10

ಯೇಸುಕ್ ಇದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗ ಎನ್ನಂಗ್ ಆ ಪೊಣ್ಣಾಳ್‍ನ ತೊಂದರೆ ಮಾಡ್‌ವಿರ, ಅವ ನಾಕ್ ನಲ್ಲ ಕಾರ್ಯತ್‍ನ ಮಾಡಿತುಂಡ್.

ಮತ್ತಾಯ 9:18

ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ, ಒರ್ ಅದಿಕಾರಿ ಬಂದಿತ್ ಯೇಸುರ ಪಕ್ಕ ಮೊಣಕಾಲ್ ಇಟ್ಟಿತ್, ನಾಡ ಮೋವ ಇಕ್ಕಲೆ ಚತ್ತ್ ಪೋಚಿ. ಆಚೇಂಗಿ ನೀನ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಚ್ಚತೇಂಗಿ ಅವ ಬದ್‌ಕ್‌ವಾಂದ್ ಎಣ್ಣ್‌ಚಿ.

ಮಾರ್ಕ 5:22

ಸಬಾಮಂದಿರತ್‍ರ ಒರ್ ಅದಿಕಾರಿಯಾಯಿತ್ಂಜ ಯಾಯೀರ ಎಣ್ಣ್‌ವಂವೊ ಯೇಸುನ ಕಾಂಬದು ಅಂವೊಂಡ ಪಕ್ಕ ಬಾತ್. ಅಂವೊ ಮೊಣಕಾಲ್ ಇಟ್ಟಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:7

ಮನೆರ ಒಳ್‍ಲ್ ಇಂಜಂವೊ: ಸ್ನೇಹಿತನೇ, ನನ್ನ ತೊಂದರೆ ಮಾಡತೆ, ನಾನ್ ಪಡಿಕ್ ಬೀಗ ಇಟ್ಟಿತುಳ್ಳ, ನಾಡ ಮಕ್ಕಳು ನಾನು, ಬುದ್ದಂಡ್ ಉಂಡ್, ನಾನ್ ಎದ್ದಿತ್ ನೀಕ್ ಒಂದು ತಪ್ಪಕ್ ಕಯ್ಯುಲೇಂದ್ ಎಣ್ಣುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:6

ಅಕ್ಕ ಯೇಸು, ಅಯಿಂಗಡ ಕೂಡೆ ಪೋಚಿ. ಯೇಸು ಅಂವೊಂಡ ಮನೆರ ಪಕ್ಕ ಎತ್ತ್‌ವಕ, ನೂರ್ ಸಿಪಾಯಿಯರ ಅದಿಕಾರಿ ತಾಂಡ ಸ್ನೇಹಿತಯಂಗಳ ನೋಟಿತ್: ನಿಂಗ ಯೇಸುರ ಪಕ್ಕ ಪೋಯಿತ್, ಒಡೆಯನೇ, ನೀನ್ ಅಲ್ಲಿಕ್ ಬಪ್ಪಕ್ ತೊಂದರೆ ಎಡ್‍ಕತೆ, ನೀನ್ ನಾಡ ಮನೆಕ್ ಬಪ್ಪಕ್ ನಾನ್ ಯೋಗ್ಯನಲ್ಲ;