ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:48 - ಕೊಡವ ಬೈಬಲ್

⁴⁸ ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ, ನೀನ್ ಚಾಯಿತೆ ಶಾಂತಿಲ್ ಪೋಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:48 ပူးပေါင်းရင်းမြစ်များ

ಮತ್ತಾಯ 12:20

ಅಂವೊ ನ್ಯಾಯಕ್ ಜಯ ಕ್‌ಟ್ಟ್‌ವಕತ್ತನೆ, ಜಜ್ಜಿ ಪೋನ ಓಡೆರ ದಂಟ್‍ನ ಅಂವೊ ಮುರಿಪ್‌ಲೆ, ಆರಿ ಪೋಪ ಬೊಳ್‍ಚತ್‍ರ ತಿರಿನ ಅಂವೊ ಕೆಡ್‌ತುವದಿಲ್ಲೆ.

ಮತ್ತಾಯ 8:13

ಪಿಂಞ ಯೇಸು ಆ ಅದಿಕಾರಿಕ್: ಪೋ! ನೀನ್ ನಂಬ್‍ನನೆಕೆ ನೀಕ್ ಆಪಾಂದ್ ಎಣ್ಣ್‌ಚಿ. ಅದೇ ಸಮಯತ್‍ಲ್ ಅಂವೊಂಡ ಆಳ್‍ಕ್ ವಾಸಿಯಾಚಿ.

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಮತ್ತಾಯ 9:22

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣ್‌ಚಿ. ಆ ಕ್ಷಣತ್‍ಲ್ ಅವಡ ರೋಗ ವಾಸಿ ಆಚಿ.

ಮಾರ್ಕ 5:34

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ. ನೀನ್ ಶಾಂತಿಲ್ ಪೋಯಿತ್, ಪೂರ್ತಿ ವಾಸಿಯಾಯಿತ್ ಕುಶೀಲ್ ಪೋಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:19

ಪಿಂಞ ಯೇಸು, ನೀನ್ ಎದ್ದಿತ್ ಪೋ, ನೀಡ ನಂಬಿಕೆ ನಿನ್ನ ಶುದ್ದಮಾಡ್‌ಚೀಂದ್ ಅಂವೊಂಗ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:42

ಯೇಸು ಅಂವೊನ ನೋಟಿತ್: ಅಕ್ಕು, ನೀ ನೋಟ್‍ವಿಯ, ನೀಡ ನಂಬಿಕೆ ನಿನ್ನ ಚಾಯಿ ಮಾಡ್‍ಚೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:50

ಆ ಪೊಣ್ಣಾಳ್‌ಕ್: ನೀಡ ನಂಬಿಕೆ ನಿನ್ನ ರಕ್ಷಣೆ ಮಾಡ್‍ಚಿ, ಶಾಂತಿಲ್ ಪೋಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:47

ನನ್ನ ಕಂಡ್‌ಪುಡ್‌ಚಿರ್‌ತ್ ಎಣ್ಣಿಯಂಡ್ ಆ ಪೊಣ್ಣಾಳ್‌ಕ್ ಗೊತ್ತಾಚಿ. ಅವ ನಡ್‍ಗಿಯಂಡ್ ಬಂತ್ ಯೇಸುರ ಕಾಲ್‌ಕ್ ಬುದ್ದಿತ್ ಎಲ್ಲಾಡ ಮಿಂಞತ್‍ಲೇ ಅವ ಅಂವೊನ ಮುಟ್ಟ್‌ನ ಕಾರಣ, ಅವಡ ಕಾಯಿಲೆರ ವಿಷಯ, ಎನ್ನನೆ ಕಾಯಿಲೆ ವಾಸಿ ಆಚೀಂದ್ ಎಲ್ಲಾ ವಿಷಯತ್‍ನ ಯೇಸುಕ್ ಎಣ್ಣ್‌ಚಿ.

ಅಪೊಸ್ತಲ 14:9

ಪೌಲ ಪರಿಯುವ ತಕ್ಕ್‌ನ ಅಂವೊ ಅನ್ನನೆ ಕ್‍ೕಟಂಡ್ ಇಂಜತ್. ಪೌಲ ಅಂವೊಂಡ ಮೂಡ್‍ನ ನೋಟಿತ್, ವಾಸಿಯಾಪಕ್ ಬೋಂಡಿಯಾನ ನಂಬಿಕೆ ಅಂವೊಂಗ್ ಉಂಡ್‍ೕಂದ್ ಗೊತ್ತಾಯಿತ್:

2 ಕೊರಿಂಥ 6:18

ಅಕ್ಕ ನಾನ್ ನಿಂಗಳ ಸ್ವೀಕಾರ ಮಾಡಿತ್, ನಿಂಗಡ ಅಪ್ಪನಾಯಿತಿಪ್ಪಿ, ನಿಂಗ ನಾಡ ಮೋನಿಯಂಗಳು ಮೋಳಿಯಂಗಳು ಆಯಿತಿಪ್ಪಿರಾಂದ್ ಸರ್ವ ಶಕ್ತಿವಂತನಾನ ಒಡೆಯ ಎಣ್ಣಿಯಂಡುಂಡ್.

ಇಬ್ರಿಯ 4:2

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿ ಅಯಿಂಗಕ್ ಅರಿಚಿಟ್ಟನೆಕೆ, ನಂಗಕು ಅರಿಚಿಟ್ಟಿತುಂಡ್; ಅದ್‍ನ ಕ್‍ೕಟಯಿಂಗ ನಂಬಿಕೆ ಇಲ್ಲತೆ ಕ್‍ೕಟಾಂಗ್, ಅಯಿಂಗ ಕ್‍ೕಟ ವಾಕ್ಯ ಅಯಿಂಗಕ್ ಪ್ರಯೋಜನಪಟ್ಟಿತ್‌ಲ್ಲೆ.