ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:43 - ಕೊಡವ ಬೈಬಲ್

⁴³ ವೈದ್ಯಂಡ ಪಕ್ಕ ಪೋಯಿತ್ ದುಂಬ ಖರ್ಚಿ ಮಾಡಿತು, ದಾರ್‌ಕು ಅವಳ ವಾಸಿ ಮಾಡ್‌ವಕ್ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:43 ပူးပေါင်းရင်းမြစ်များ

ಮಾರ್ಕ 12:44

ಎಲ್ಲಾ ಬಲ್ಯಯಿಂಗಳು ಅಯಿಂಗಡ ದುಂಬ್‍ನ ಐಶ್ವರ್ಯತ್ಂಜ ಇಟ್ಟತ್, ಆಚೇಂಗಿ ಈ ವಿದವೆ ತಾಂಡ ಬಡತನತ್‌ಂಜ ಅವಕ್ ಬದ್‍ಕ್‍ವಕ್ ಉಳ್ಳ ಎಲ್ಲಾ ದುಡ್ಡ್‌ನ ಇಟ್ಟತ್‍ೕಂದ್ ಎಣ್ಣ್‌ಚಿ.

ಮಾರ್ಕ 9:18

ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಎಕ್ಕ ಅಂವೊನ ಪುಡಿಪೊ ಅಕ್ಕ ಅಂವೊನ ನೆಲಕ್ ತಳ್ಳಿರ್‌ವ. ಪಲ್ಲ್‌ಕಡ್‌ಪ್‌ಚಿಟ್ಟಿತ್ ಬಾಯಿಲ್ ನೊರೆ ಬಪ್ಪ್‌ಚಿಡ್‍ವ, ಪಿಂಞ ದಾರ್‌ಕು ಅಂವೊಂಡ ಮೇಲ್‌ನ ಅಲ್ಲಾಡ್‌ವಕ್ ಕಯ್ಯುಲೆ. ನೀಡ ಶಿಷ್ಯಂಗಕ್ ಅಂವೊಂಡ ಕೂಳಿನ ಬುಡ್‌ತುವಕ್ ನಾನ್ ಎಣ್ಣಿಯೆ, ಆಚೇಂಗಿ ಅಯಿಂಗಕ್ ಕಯಿಂಜಿತ್‌ಲ್ಲೇಂದ್ ಯೇಸುರ ಪಕ್ಕ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:11

ಅಲ್ಲಿ ಒರ್ ಪೊಣ್ಣಾಳ್‌ಕ್ ಪದನೆಟ್ಟ್ ಕಾಲತ್ಂಜ ಕೂಳಿ ಪುಡ್‌ಚಿತ್ಂಜತ್. ಆ ಕೂಳಿ ಅವಳ ಸೌಕ್ಯ ಇಲ್ಲತೆ ಮಾಡಿತ್ಂಜತ್. ಅವ ಗೂನಿಯಾಯಿತ್, ಚೆನ್ನಂಗ್ ಸಹ ನೇರೆ ನಿಪ್ಪಕ್ ಕಯ್ಯತೆ ಬಗ್ಗಿ ಪೋಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:16

ಅನ್ನನಾಚೇಂಗಿ, ಪದನೆಟ್ಟ್ ಕಾಲತ್ಂಜ ಸೈತಾನ ಕೆಟ್ಟಿ ಇಟ್ಟಿತ್ತುಳ್ಳ ಇವ ಅಬ್ರಹಾಮಂಡ ಸಂತಾನಕರ್ತಿ. ಇವಳ, ಸಬ್ಬತ್ ದಿನತ್‌ಲ್ ಈ ಕೆಟ್ಟ್‌ಯಿಂಜ ಬುಡ್‍ಗಡೆ ಮಾಡ್‍ವದ್ ತಪ್ಪಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:27

ಯೇಸು ದೋಣಿಯಿಂಜ ಇಳ್ಂಜದು ಕೂಳಿ ಪುಡ್‌ಚಿತುಳ್ಳ ಒರ್ ಮನುಷ್ಯ ಅಂವೊಂಗ್ ಎದ್‍ರ್‌ಲ್ ಬಂದತ್. ಅಂವೊ ದುಂಬ ದಿವಸತ್ಂಜ ಬಟ್ಟೆ ಇಡತೆ, ಮನೆಲ್ ವಾಸ ಮಾಡತೆ, ತೂಟ್‌ಂಗಳತ್‌ಲ್ ವಾಸ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:42

ಅಲ್ಲಿ ಒರ್ ಪೊಣ್ಣಾಳ್ ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‍ಲ್ ಕಷ್ಟಪಟ್ಟಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:44

ಅವ ಯೇಸುರ ಬಯ್ಯ ಬಂದಿತ್ ಯೇಸುರ ಬಟ್ಟೇರ ಒರ್ ತುದಿನ ಮುಟ್ಟ್‌ಚಿ; ಅಕ್ಕನ್ನೆ ಅವಡ ಚೋರೆ ಪೋಪ ಕಾಯಿಲೆ ನಿಂದ್ ಪೋಚಿ.

ಯೋಹಾನ 9:1

ಯೇಸು ನಡ್‌ದಂಡ್ ಪೋಯಂಡಿಪ್ಪಕ, ಪುಟ್ಟ್‌ವಕಾಪಲೇ ಕುರ್‌ಡನಾಯಿತ್ಂಜ ಒರ್ ಮನುಷ್ಯನ ಕಂಡತ್.

ಯೋಹಾನ 9:21

ಆಚೇಂಗಿ ಇಂವೊಂಗ್ ಇಕ್ಕ ಎನ್ನನೆ ಕಣ್ಣ್ ಕಾಂಬಕಾಚೀಂದು, ಇಂವೊನ ದಾರ್ ವಾಸಿ ಮಾಡ್‌ಚೀಂದು ನಂಗಕ್ ಗೊತ್ತ್‌ಲ್ಲೆ. ಇಂವೊ ಬಲ್ಯಂವೊನಾಯಿತುಂಡ್, ಇಂವೊನ ಕ್‍ೕಳಿ, ಇಂವೊನೇ ಎಣ್ಣುವಾಂದ್ ಎಣ್ಣ್‌ಚಿ.

ಅಪೊಸ್ತಲ 3:2

ಅಲ್ಲಿ, ಪುಟ್ಟ್‌ನಲ್ಲಿಂಜ ಕುಂಟನಾಯಿತ್ಂಜ ಒಬ್ಬನ ಚೆನ್ನ ಜನ ಕೊಂಡ್ ಬಂದಂಡಿಂಜತ್. ದೇವಾಲಯತ್‍ರ ಒಳ್‍ಕ್ ಪೋಪ ಜನಡ ಪಕ್ಕ ಬಿಕ್ಷೆ ಬೋಡ್‌ವಕಾಯಿತ್, ಅಂವೊನ ದಿನಾಲು ದೇವಾಲಯತ್‍ರ ಚಾಯಿ ಬಾಯಿಕಂಡೀಂದ್ ಕಾಕ್‍ವ ಪಡಿರ ಪಕ್ಕತ್‍ಲ್ ಅಳ್‍ಪಚಿಟ್ಟಂಡಿಂಜತ್.

ಅಪೊಸ್ತಲ 4:22

ಅದ್ಬುತವಾಯಿತ್ ವಾಸಿ ಆನ ಆ ಮನುಷ್ಯಂಗ್ ಸುಮಾರ್ ನಾಪದ್ ವಯಸ್‍ಕ್ ಮೇಲೆ ಆಯಿತ್ಂಜತ್.