ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:40 - ಕೊಡವ ಬೈಬಲ್

⁴⁰ ಯೇಸು ಕೆರೆರ ಆಬರಿಕ್ ಪೋಪಕ ಎಲ್ಲಾರು ಯೇಸುಕ್ ಪಾರಕಾತಂಡ್ ಇಂಜತ್. ಅಂವೊನ ಕುಶೀಲ್ ಸ್ವಾಗತ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:40 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:34

ನಾಡ ಮನೆರ ಪಡಿರ ಪಕ್ಕ ಪಾರಕಾತಂಡ್, ನಾಡ ಪಡಿರ ಪಕ್ಕ ಎಕ್ಕಾಲು ನಿರೀಕ್ಷೆಲ್‌ ಕಾತಂಡ್, ನಾಕ್‍ ಕೆಮಿ ಕೊಡ್‌ಪಂವೊ ಆಶೀರ್ವಾದ ಪಡ್‌ಂದಂವೊ.

ಮತ್ತಾಯ 9:1

ಅಕ್ಕ ಯೇಸು ಹಡಗ್‍ಲ್ ಅಳ್‌ತಂಡ್ ಕೆರೆರ ಆಬರಿಕ್ ಅಂವೊಂಡ ಪಟ್ಟಣಕ್ ಪೋಚಿ.

ಮಾರ್ಕ 12:37

ದಾವೀದ ತಾನೇ ಅಂವೊನ ಒಡೆಯಾಂದ್ ಕಾಕ್‍ವಕ, ಅಂವೊಂಗ್ ಅಂವೊ ಮೋಂವೊನಾಯಿತ್‌ಪ್ಪದ್ ಎನ್ನನೇಂದ್ ಕ್‍ೕಟತ್. ಯೇಸುರ ಬೋದನೆನ ಜನ ಬಾರಿ ಕುಶೀಲ್ ಕ್‍ೕಟಂಡ್ ಇಂಜತ್.

ಮಾರ್ಕ 5:21

ಯೇಸು ಕೆರೆರ ಇಂಞೊರ್ ಬರಿಕ್ ಪೋಚಿ. ಅಲ್ಲಿಯತ್‍ರ ಕೆರೆರ ಬರಿಲ್ ದುಂಬ ಜನ ಅಂವೊಂಡ ಪಕ್ಕ ಕೂಡಿ ಬಾತ್.

ಮಾರ್ಕ 6:20

ಎನ್ನಂಗೆಣ್ಣ್‌ಚೇಂಗಿ ಯೋಹಾನ ನೀತಿವಂತಂವೊನಾಯಿತ್ ದೇವಡ ಬಕ್ತನಾಯಿತ್ ಉಳ್ಳದ್ ಹೆರೋದಂಗ್ ಗೊತ್ತಾನಗುಂಡ್ ಅಂವೊಂಗ್ ಬೊತ್ತಿಯಂಡ್ ಜೈಲ್‍ಲ್ ಚಾಯಿತೆ ಕಾಪಾಡಿಯಂಡ್ ಇಂಜತ್. ಹೆರೋದಂಗ್ ಯೋಹಾನ ಪರಿಯುವ ಉಪದೇಶತ್‍ನ ಕ್‍ೕಪಕ್ ದುಂಬ ಕುಶಿ ಇಂಜತ್, ಆಚೇಂಗಿ ಸಹ ಯೋಹಾನಂಡ ಎಚ್ಚರಿಕೆ ಕ್‍ೕಪಕ ಹೆರೋದಂಗ್ ಪೋಡಿ ಆಪಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:48

ಜನ ಎಲ್ಲ ಅಂವೊಂಡ ಒರ್ ಬೋದನೆನ ಸಹ ಬುಡತೆ ಚಾಯಿತೆ ಕ್‍ೕಟಂಡ್ ಇಂಜಗುಂಡ್ ಅಯಿಂಗಕ್ ಎನ್ನನೆ ಮಾಡಂಡೂಂದ್ ಗೊತ್ತ್‌ಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:6

ಜಕ್ಕಾಯ ಅಡಿಕ್ ಬೆರಿಯ ಬಂದಿತ್ ಯೇಸುನ ಕುಶೀಲ್ ಅಂವೊಂಡ ಮನೆಕ್ ತಕ್ಕಾರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:1

ಒರ್ ದಿವಸ ಯೇಸು ಗೆನೆಜರೇತ್ ಕೆರೆರ ಪಕ್ಕತ್‍ಲ್ ನಿಂದಂಡಿಪ್ಪಕ, ದೇವಡ ವಾಕ್ಯ ಕ್‍ೕಪಕಾಯಿತ್ ದುಂಬ ಜನ ಯೇಸುರ ಪಕ್ಕ ನೂಕಿಯಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:39

ಆಚೇಂಗಿ ಯೇಸು: ನೀನ್ ನೀಡ ಮನೆಕ್ ಪೋ. ಅಲ್ಲಿ ಎಲ್ಲಾರ್‌ಕು ದೇವ ನೀಕ್ ಎಂತ ಮಾಡ್‍ಚೀಂದ್ ಎಣ್ಣ್‍ೕಂದ್ ಅಂವೊನ ಅಯಿಚತ್. ಆ ಮನುಷ್ಯ, ಯೇಸು ಅಂವೊಂಗ್ ಎಂತ ಮಾಡ್‍ಚೀಂದ್ ಅಲ್ಲಿಯತ್‍ರ ಪಟ್ಟಣಕ್ ಪೋಯಿತ್ ಎಲ್ಲಾರ್‌ಕು ಎಣ್ಣ್‌ಚಿ.

ಯೋಹಾನ 5:35

ಯೋಹಾನ ಕತ್ತಿಯಂಡ್ ಮಿನ್ನುವ ಬೊಳ್‍ಕ್‍ರನೆಕೆ ಇಂಜತ್; ನಿಂಗ ಸಹ ಚೆನ್ನ ಕಾಲ ಆ ಬೊಳಿರ ಬೋದನೆಲ್ ಕುಶಿ ಪಟ್ಟಂಡಿಂಜಿರ.

ಅಪೊಸ್ತಲ 10:33

ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.