ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:35 - ಕೊಡವ ಬೈಬಲ್

³⁵ ಅಕ್ಕ ಜನ ಎಲ್ಲಾ ಎಂತ ಆಚೀಂದ್ ನೋಟ್‍ವಕ್ ಯೇಸುರ ಪಕ್ಕ ಬಾತ್, ಅಕ್ಕ ಆ ಕೂಳಿ ಪುಡ್‌ಚ ಮನುಷ್ಯಂಡ ಬುದ್ದಿ ಚಾಯಾಯಿತ್, ಮೇಲ್‌ಕ್ ಬಟ್ಟೆ ಇಟ್ಟಿತ್ ಯೇಸುರ ಕಾಲ್‍ರ ಅಡಿಕ್ ಅಳ್‌ತಿತ್ ಇಂಜಾನ ಕಂಡ್, ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:35 ပူးပေါင်းရင်းမြစ်များ

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮಾರ್ಕ 5:15

ಜನ ಎಲ್ಲಾ ಯೇಸುರ ಪಕ್ಕ ಬಾತ್, ಕೂಳಿ ಪುಡ್‌ಚಂವೊ ಚಾಯಿತೆ ಬಟ್ಟೆ ಇಟ್ಟಿತ್ ನಲ್ಲ ಮನಸ್ಸ್‌ಲ್ ಅಳ್‌ತಿತ್ಂಜನ ನೋಟಿತ್ ಜನಕೆಲ್ಲಾ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:39

ಅವಕ್ ಮರಿಯ ಎಣ್ಣುವ ಒರ್ ತಂಗೆ ಇಂಜತ್: ಮರಿಯ, ಯೇಸು ಬೋದನೆ ಮಾಡ್‌ವಾನ ಕ್‍ೕಟಂಡ್ ಯೇಸುರ ಕಾಲ್‍ರ ಪಕ್ಕ ಅಳ್‍ತಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:17

ಅಕ್ಕ ಅಂವೊಂಗ್ ಬುದ್ದಿ ಬಾತ್, ನಾಡ ಅಪ್ಪಂಡ ಮನೆಲ್ ಎಚ್ಚಕೋ ಆಳ್‍ವಕ್ ಚಾಯಿತೆ ತಿಂಬಕ್ ಉಂಡ್, ನಾಡ ಕೆಲಕ್ ಒಂದು ಕ್‌ಟ್ಟಿಯಂಡಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:46

ಮೂಂದ್ ದಿವಸ ಆನ ಪಿಂಞ ಅಂವೊ ದೇವಾಲಯತ್‍ಲ್ ಉಪಾದ್ಯಂಗಡ ಮದ್ಯತ್‍ಲ್ ಅಳ್‌ತಂಡ್ ಅಯಿಂಗ ಎಣ್ಣುವಾನ ಕ್‍ೕಟಂಡ್ ಅಯಿಂಗಕ್ ಪ್ರಶ್ನೆ ಇಟ್ಟಂಡ್ ಅಯಿಂಗಡ ಕೂಡೆ ಇಂಜಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:27

ಯೇಸು ದೋಣಿಯಿಂಜ ಇಳ್ಂಜದು ಕೂಳಿ ಪುಡ್‌ಚಿತುಳ್ಳ ಒರ್ ಮನುಷ್ಯ ಅಂವೊಂಗ್ ಎದ್‍ರ್‌ಲ್ ಬಂದತ್. ಅಂವೊ ದುಂಬ ದಿವಸತ್ಂಜ ಬಟ್ಟೆ ಇಡತೆ, ಮನೆಲ್ ವಾಸ ಮಾಡತೆ, ತೂಟ್‌ಂಗಳತ್‌ಲ್ ವಾಸ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:34

ಪಂದಿಯಳ ಮೇಪ ಜನ ಇದ್‍ನ ಕಂಡಿತ್ ಓಡಿ ಪೋಯಿತ್ ಪಟ್ಟಣತ್‍ಲ್ ಪಿಂಞ ಸುತ್ತ್‌ಮುತ್‍ಲುಳ್ಳ ಎಲ್ಲಾರ್‌ಕು ಈ ಸುದ್ದಿನ ಎಣ್ಣ್‌ಚಿ.

ಅಪೊಸ್ತಲ 22:3

ನಾನ್ ಕಿಲಿಕ್ಯ ದೇಶತ್‍ರ ತಾರ್ಸ ಪಟ್ಟಣತ್‍ಲ್, ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೊ. ಆಚೇಂಗಿ ಈ ಪಟ್ಟಣತ್‍ಲ್ ಬೊಳ್ಂದಿಯೆ. ಗಮಲಿಯೇಲಂಡ ಅಡಿಲ್ ನಂಗಡ ಅಜ್ಜಂಗಡ ನ್ಯಾಯಪ್ರಮಾಣತ್‍ರನೆಕೆ ಕ್ರಮವಾಯಿತ್ ಪಡಿಚಿಯೆ. ನಿಂಗೆಲ್ಲಾರು ಈ ದಿವಸ ದೇವಡ ವಿಷಯತ್‍ಲ್ ಎಚ್ಚಕ್ ವೈರಾಗ್ಯತ್‍ಲ್ ಉಳ್ಳಿರೋ, ಅನ್ನನೆ ನಾನ್ ಸಹ ವೈರಾಗ್ಯತ್‍ಲ್ ಇಂಜ.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.