ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:29 - ಕೊಡವ ಬೈಬಲ್

²⁹ ಎನ್ನಂಗೆಣ್ಣ್‌ಚೇಂಗಿ, ಯೇಸು ಅಂವೊನ ಪುಡ್‍ಚಿತ್ಂಜ ಕೂಳಿಕ್: ನೀನ್ ಅಂವೊನ ಬುಟ್ಟಿತ್ ಪೋಂದ್ ಆಜ್ಞೆ ಮಾಡಿತ್ಂಜತ್. ಆ ಕೂಳಿ ದುಂಬ ಕಾಲತ್ಂಜ ಇಂವೊನ ಪುಡ್‌ಚಿತ್ಂಜತ್. ಆ ಮನುಷ್ಯನ ಸರ್ಪಣಿಲ್ ಕೈಕಾಲ್‌ನ ಕೆಟ್ಟಿತ್ ಇಟ್ಟತೇಂಗಿಯು ಸರ್ಪಣಿನ ಪೊಳಿಪಂಜಿ, ಆ ಕೂಳಿ ಅಂವೊನ ಮಣಬೂಮಿಕ್ ದೌತ್‍ವಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:29 ပူးပေါင်းရင်းမြစ်များ

ಮಾರ್ಕ 5:8

ಎನ್ನಂಗೆಣ್ಣ್‌ಚೇಂಗಿ, ಅಂವೊನ ಪುಡ್‌ಚ ಕೂಳಿಕ್ ನೀನ್ ಅಂವೊನ ಬುಟ್ಟಿತ್ ಪೋಂದ್ ಯೇಸು ಎಣ್ಣಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28

ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:30

ಅಂವೊನ ನೋಟಿತ್: ನೀಡ ಪೆದ ಎಂತ್‍ೕಂದ್ ಕ್‍ೕಟತ್. ಅಂವೊ: ನಾಡ ಪೆದ ಲೇಗಿಯೊನ್ ಎಣ್ಣಿತ್ ಎಣ್ಣ್‌ಚಿ. ಸುಮಾರ್ ಕೂಳಿಯ ಅಂವೊಂಡ ಒಳ್‍ಲ್ ಇಂಜಾಂಗ್ ಅಂವೊ ಇನ್ನನೆ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:39

ಒರ್ ಕೂಳಿ ಅಂವೊನ ಪುಡಿಪ, ಅಕ್ಕ ಅಂವೊ ಕೆಟ್ಟ ಕೂತ್ ಕೊಡ್‍ಪ, ಅದ್ ಅಂವೊನ ತೊಂದರೆ ಮಾಡಿತ್ ಅಡಿಕ್ ತಳ್ಳ್‌ವ, ಅಂವೊಂಡ ಬಾಯಿಲ್ ನೊರೆ ಬಂದಿತ್ ಅಂವೊನ ದುಂಬ ನೊಂಬಲ ಮಾಡ್‍ಚೇಂಗಿಯು ಅಂವೊನ ಬುಟ್ಟಿತ್ ಪೋಪದ್ ದುಂಬ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:42

ಆ ಕ್‌ಣ್ಣನ ಕಾಕಿಯಂಡ್ ಬಪ್ಪಕ, ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಅಂವೊನ ಅಡಿಕ್ ತಳ್ಳಿತ್ ಅಂವೊನ ದುಂಬ ಕುಲ್‌ಕ್‍ಚಿ. ಯೇಸು ಕೂಳಿನ ಚೂಕಿತ್, ಕುಂಞಿನ ವಾಸಿ ಮಾಡಿತ್ ಅಂವೊಂಡ ಅಪ್ಪಂಡ ಪಕ್ಕ ಅಯಿಚತ್.