ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28 - ಕೊಡವ ಬೈಬಲ್

²⁸ ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28 ပူးပေါင်းရင်းမြစ်များ

ಮತ್ತಾಯ 8:29

ಅಯಿಂಗ ದಂಡಾಳು ಯೇಸುನ ಕಂಡಿತ್: ದೇವಡ ಮೋಂವೊನೇ ನೀಕ್ ನಂಗಡಗುಂಡ್ ಎಂತ ಆಂಡು? ದೇವ ಬೆಚ್ಚಿತುಳ್ಳ ಸಮಯಕಿಂಜಿ ಮಿಂಞ, ನಂಗಕ್ ಕಷ್ಟ ತಪ್ಪಕಾಯಿತ್ ಬಂದಿಯಾಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:27

ಯೇಸು ದೋಣಿಯಿಂಜ ಇಳ್ಂಜದು ಕೂಳಿ ಪುಡ್‌ಚಿತುಳ್ಳ ಒರ್ ಮನುಷ್ಯ ಅಂವೊಂಗ್ ಎದ್‍ರ್‌ಲ್ ಬಂದತ್. ಅಂವೊ ದುಂಬ ದಿವಸತ್ಂಜ ಬಟ್ಟೆ ಇಡತೆ, ಮನೆಲ್ ವಾಸ ಮಾಡತೆ, ತೂಟ್‌ಂಗಳತ್‌ಲ್ ವಾಸ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:29

ಎನ್ನಂಗೆಣ್ಣ್‌ಚೇಂಗಿ, ಯೇಸು ಅಂವೊನ ಪುಡ್‍ಚಿತ್ಂಜ ಕೂಳಿಕ್: ನೀನ್ ಅಂವೊನ ಬುಟ್ಟಿತ್ ಪೋಂದ್ ಆಜ್ಞೆ ಮಾಡಿತ್ಂಜತ್. ಆ ಕೂಳಿ ದುಂಬ ಕಾಲತ್ಂಜ ಇಂವೊನ ಪುಡ್‌ಚಿತ್ಂಜತ್. ಆ ಮನುಷ್ಯನ ಸರ್ಪಣಿಲ್ ಕೈಕಾಲ್‌ನ ಕೆಟ್ಟಿತ್ ಇಟ್ಟತೇಂಗಿಯು ಸರ್ಪಣಿನ ಪೊಳಿಪಂಜಿ, ಆ ಕೂಳಿ ಅಂವೊನ ಮಣಬೂಮಿಕ್ ದೌತ್‍ವಕಿಂಜತ್.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

2 ಪೇತ್ರ 2:4

ಪಾಪ ಮಾಡ್‍ನ ಪರಲೋಕತ್‍ಲ್ ಇಂಜ ದೂತಂಗಳ ಸಹ ದೇವ ಬುಟ್ಟಿತ್‌ಲ್ಲೆ, ಅಯಿಂಗಳ ನರಕಕ್ ಅಯಿಚಿತ್, ಇರ್‌ಟಾನ ಕುಂಡ್‍ಲ್ ತಳ್ಳಿತ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬೆಚ್ಚಿತುಂಡ್.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.