ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:25 - ಕೊಡವ ಬೈಬಲ್

²⁵ ಯೇಸು ಅಯಿಂಗಳ ನೋಟಿತ್: ನಿಂಗಡ ನಂಬಿಕೆ ಎಲ್ಲೀಂದ್ ಕ್‍ೕಟತ್. ಅಯಿಂಗ ಬೊತ್ತಿತ್, ಆಶ್ಚರ್ಯ ಆಯಿತ್: ಗಾಳಿಯು ಅಲೆಯು ಇಂವೊಂಗ್ ಬಗ್ಗಿತ್ ನಡ್‍ಂದಂಡುಂಡಲ್ಲ, ಈ ಮನುಷ್ಯ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡಿಂಜ‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 30:4

ಪರಲೋಕಕ್‌ ಪೋಯಿತ್‌ ಅಡಿಕ್‌ ಇಳ್‌ಂಜಿತ್‌ ಬಂದಂವೊ ದಾರ್? ಗಾಳಿನ ತಾಂಡ ಕೈಯಿ ಮುಷ್ಟಿಲ್‌ ಅಡಕ್‌ನಂವೊ ದಾರ್? ತಾಂಡ ಉಡ್‌ಪ್‌ಲ್‌ ನೀರ್‌ನ ಮೂಟೆ ಕಟ್ಟ್‌ನಂವೊ ದಾರ್? ಬೂಮಿರ ಗಡಿನಯೆಲ್ಲಾ ಸ್ತಾಪನೆ ಮಾಡ್‌ನಂವೊ ದಾರ್? ಅಂವೊಂಡ ಪೆದ ಎಂತ? ಅಂವೊಂಡ ಮೋಂವೊಂಡ ಪೆದ ಎಂತ? ನೀಕ್‌ ಅದ್‌ ಗೊತ್ತುಂಡೇಮಗಿ ನಾಕ್‍ ಅದನ ಎಣ್ಣ್?

ಜ್ಞಾನತ್‌ರ ಪಡಿಮ 8:29

ಸಮುದ್ರತ್‌ರ ನೀರ್‌ ಕರೆನ ದಾಟಿತ್‌ ಬಕ್ಕತನೆಕೆ ಅದ್‌ಂಗ್‌ ಮಿತಿನ ಆಜ್ಞೆ ಮಾಡಿತ್, ಬೂಮಿಕ್‌ ಅಡಿಪಾಯತ್‌ನ ಇಡುವಕಲು ನಾನ್‌ ಅಲ್ಲಿ ಇಂಜ.

ಮತ್ತಾಯ 14:31

ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 6:30

ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟ್‌ವ?

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.

ಮತ್ತಾಯ 8:26

ಅದ್ಂಗ್ ಯೇಸು: ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟಿತ್, ಏವಂಜಿ, ಗಾಳಿಕೂ ಅಲೆಕೂ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಬಯ್ಯ ದುಂಬ ಶಾಂತವಾಚಿ.

ಮಾರ್ಕ 4:35

ಅಂದ್ ಬಯಿಟಾಪಕ ಯೇಸು, ನಂಗ ಕೆರೆರ ಆಬರಿಕ್ ಪೋಕನಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:28

ಇನ್ನನೆ ಇಪ್ಪಕ, ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:24

ಅಯಿಂಗೆಲ್ಲ ಅಂವೊಂಡ ಪಕ್ಕ ಪೋಯಿತ್ ಎಪ್ಪ್‌ಚಿಟ್ಟಿತ್, ಉಪಾದ್ಯನೇ, ಉಪಾದ್ಯನೇ ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಎಣ್ಣ್‌ಚಿ. ಯೇಸು ಎದ್ದಿತ್ ಗಾಳಿನ ಪಿಂಞ ಅಲೆನ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಅಕ್ಕಣೆ, ಗಾಳಿ ನಿಂದಿತ್, ಶಾಂತಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:26

ಪಿಂಞ ಗಲಿಲಾಯ ಕೆರೆರ ಆ ಬರೀರ ಗೆದರೇನರ ನಾಡ್‍ಕ್ ಪೋಚಿ.

ಯೋಹಾನ 11:40

ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ.