ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:24 - ಕೊಡವ ಬೈಬಲ್

²⁴ ಅಯಿಂಗೆಲ್ಲ ಅಂವೊಂಡ ಪಕ್ಕ ಪೋಯಿತ್ ಎಪ್ಪ್‌ಚಿಟ್ಟಿತ್, ಉಪಾದ್ಯನೇ, ಉಪಾದ್ಯನೇ ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಎಣ್ಣ್‌ಚಿ. ಯೇಸು ಎದ್ದಿತ್ ಗಾಳಿನ ಪಿಂಞ ಅಲೆನ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಅಕ್ಕಣೆ, ಗಾಳಿ ನಿಂದಿತ್, ಶಾಂತಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:24 ပူးပေါင်းရင်းမြစ်များ

ಮತ್ತಾಯ 14:30

ಆಚೇಂಗಿ, ಜೋರ್ ಬಿರ್‌ಗಾಳಿ ಜೀಜ್‌ವಕ್ ಸುರು ಆಪಕ ಅಂವೊ ನೀರ್‌ಲ್ ಮುಳ್‌ಗ್‌ವನೆಕೆ ಆಚಿ. ಒಡೆಯನೇ, ನನ್ನ ಕಾಪಾಡ್‍ೕಂದ್ ಕೂತ್ ಕೊಡ್‍ತತ್.

ಮತ್ತಾಯ 8:25

ಶಿಷ್ಯಂಗ ಅಂವೊಂಡ ಪಕ್ಕ ಪೋಪಂಜಿ, ಯೇಸುನ ಎಪ್ಪಿತ್, ಒಡೆಯನೇ! ನಂಗಳ ಕಾಪಾಡ್, ನಂಗ ನೀರ್‌ಲ್ ಮುಳ್‍ಗಿಯಂಡುಂಡ್‍ೕಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಮಾರ್ಕ 4:39

ಯೇಸು ಎದ್ದಿತ್, ನಿಪ್ಪಂಜಿ, ಗಾಳಿನ ಚೂಕಿತ್, ಕೆರೆನ ನೋಟಿತ್: ಶಾಂತ ಆಯಿರ್, ಮುಂಡತೆ ಇರ್‍ೕಂದ್ ಹುಕುಮ್ ಕೊಡ್‍ತತ್. ಅಕ್ಕನೆ ಗಾಳಿ ನಿಂದಿತ್ ದುಂಬ ಶಾಂತವಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:35

ಅದ್ಂಗ್ ಯೇಸು: ನೀನ್ ಮುಂಡತೆ ಇರ್! ಈ ಮನುಷ್ಯನ ಬುಟ್ಟಿತ್ ಪೋಂದ್ ಜೋರ್ ಮಾಡ್‍ಚಿ. ಅಕ್ಕ, ಆ ಕೂಳಿ ಆ ಮನಷ್ಯನ ಎಲ್ಲಾಡ ಮಿಂಞತ್‍ಲ್ ಅಡಿಕ್ ಚಾಡ್‍ವಂಜಿ ಅಂವೊಂಗ್ ಒಂದು ತೊಂದರೆ ಆಕತನೆಕೆ ಆ ಮನುಷ್ಯನ ಬುಟ್ಟಿತ್ ಪೋಯಿರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:39

ಯೇಸು ಅವ ಬುದ್ದಂಡ್ ಉಳ್ಳಲ್ಲಿಕ್ ಪೋಯಿತ್ ಅವಡ ಮೇಲ್‌ಲ್ ಉಳ್ಳ ಪನಿನ ಬುಟ್ಟಿತ್ ಪೋಪಕ್ ಆಜ್ಞೆ ಮಾಡ್‍ಚಿ. ಪನಿ ಅವಳ ಬುಟ್ಟಿತ್ ಪೋಚಿ, ಅಕ್ಕಣೆ ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:5

ಅದ್ಂಗ್ ಸೀಮೋನ: ಒಡೆಯನೇ, ನಂಗ ಬೈಟ್ ಪೂರ್ತಿ ಬಲೆನ ಬೀಚಿತ್ ನೋಟ್‌ಚಿ, ನಂಗಕ್ ಒಂದು ಕ್‍ಟ್ಟಿತ್‌ಲ್ಲೆ, ಆಚೇಂಗಿಯು, ಇಕ್ಕ ನೀನ್ ಎಣ್ಣ್‌ವಗುಂಡ್ ಬಲೆನ ಬೀಜುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:25

ಯೇಸು ಅಯಿಂಗಳ ನೋಟಿತ್: ನಿಂಗಡ ನಂಬಿಕೆ ಎಲ್ಲೀಂದ್ ಕ್‍ೕಟತ್. ಅಯಿಂಗ ಬೊತ್ತಿತ್, ಆಶ್ಚರ್ಯ ಆಯಿತ್: ಗಾಳಿಯು ಅಲೆಯು ಇಂವೊಂಗ್ ಬಗ್ಗಿತ್ ನಡ್‍ಂದಂಡುಂಡಲ್ಲ, ಈ ಮನುಷ್ಯ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡಿಂಜ‌ತ್.