ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:22 - ಕೊಡವ ಬೈಬಲ್

²² ಒರ್ ದಿವಸ ಯೇಸು ತಾಂಡ ಶಿಷ್ಯಂಗಡ ಕೂಡೆ ದೋಣಿಕ್ ಪತ್ತಿತ್: ನಂಗ ಕೆರೆರ ಆಬರಿಕ್ ಪೋಕನಾಂದ್ ಎಣ್ಣ್‌ಚಿ. ಅನ್ನನೆ ಅಯಿಂಗಳು ಪೊರಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:22 ပူးပေါင်းရင်းမြစ်များ

ಮತ್ತಾಯ 14:22

ಯೇಸು ಜನಳ ಅಯಿಚಂಡಿಪ್ಪಕ, ಅಂವೊಂಡ ಶಿಷ್ಯಂಗಕ್, ದೋಣಿಲ್ ಪತ್ತಿತ್, ಕೆರೆರ ಆಬರಿಕ್ ಬೆರಿಯ ತಾಂಡ ಮಿಂಞಲೇ ಪೋಪಕ್ ಒತ್ತಾಯ ಮಾಡ್‍ಚಿ.

ಮತ್ತಾಯ 8:18

ಯೇಸು, ಜನಡ ಗುಂಪ್‍ನ ನೋಟ್‌ವಂಜಿ, ಅಂವೊಂಡ ಶಿಷ್ಯಂಗಳ ಕೆರೆರ ಆಬರಿಕ್ ಪೋಪಕ್ ಆಜ್ಞೆ ಮಾಡ್‍ಚಿ.

ಮಾರ್ಕ 5:21

ಯೇಸು ಕೆರೆರ ಇಂಞೊರ್ ಬರಿಕ್ ಪೋಚಿ. ಅಲ್ಲಿಯತ್‍ರ ಕೆರೆರ ಬರಿಲ್ ದುಂಬ ಜನ ಅಂವೊಂಡ ಪಕ್ಕ ಕೂಡಿ ಬಾತ್.

ಮಾರ್ಕ 6:45

ಯೇಸು ಜನಳ ಅಯಿಚಂಡಿಪ್ಪಕ, ಅಂವೊಂಡ ಶಿಷ್ಯಂಗಕ್, ದೋಣಿಲ್ ಪತ್ತಿತ್, ಅಕ್ಕಲೆ ಅಂವೊಂಗಿಂಜ ಮಿಂಞ ಕೆರೆರ ಆಬರಿಲ್ ಉಳ್ಳ ಬೇತ್ಸಾಯಿದ ಎಣ್ಣುವ ಜಾಗಕ್ ಬೆರಿಯ ಪೋಯೀಂದ್ ಅಯಿಚತ್.

ಮಾರ್ಕ 8:13

ಅಯಿಂಗಳ ಬುಟ್ಟ್‌ರ್‌ವಂಜಿ ಕೆರೆರ ಆ ಕರೆಕ್ ದೋಣಿಲ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:1

ಒರ್ ದಿವಸ ಯೇಸು ಗೆನೆಜರೇತ್ ಕೆರೆರ ಪಕ್ಕತ್‍ಲ್ ನಿಂದಂಡಿಪ್ಪಕ, ದೇವಡ ವಾಕ್ಯ ಕ್‍ೕಪಕಾಯಿತ್ ದುಂಬ ಜನ ಯೇಸುರ ಪಕ್ಕ ನೂಕಿಯಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:23

ದೋಣಿ ಪೋಯಂಡಿಪ್ಪಕ ಯೇಸು ವರೀರ್‌ತ್. ಒಮ್ಮಕೆ ಜೋರಾಯಿತ್ ಕೆರೆಲ್ ಬಿರ್‌ಗಾಳಿ ಬೀಜಿತ್, ದೋಣಿಲ್ ನೀರ್ ದುಂಬಿಯಂಡಿಂಜಗುಂಡ್ ಬಾರಿ ಅಪಾಯತ್‍ಲ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:33

ಅನ್ನನೆ ಕೂಳಿಯ ಆ ಮನುಷ್ಯಂಡ ಮೇಲ್ಂಜ ಬುಟ್ಟ್ ಪೋಯಿತ್ ಪಂದಿಯಡ ಒಳ್‍ಕ್ ಕೂಡಿಯಂಡತ್; ಅಕ್ಕ, ಆ ಎಲ್ಲಾ ಪಂದಿಯಳು ಓಡಿ ಪೋಯಿತ್ ಅಲ್ಲಿಂಜ ನೇರೆ ಕೆರೆಕ್ ಬುದ್ದಿತ್ ಮುಳ್‍ಗಿ ಚತ್ತ್ ಪೋಚಿ.

ಯೋಹಾನ 6:1

ಇದೆಲ್ಲಾ ಆನ ಪಿಂಞ ಯೇಸು ಗಲಿಲಾಯ ಪೊಳೆರ ಕೆರೆಕ್ ಪೋಚಿ. ಅದ್‍ನ ತಿಬೇರಿಯ ಪೊಳೇಂದು ಜನ ಕಾಕುವ.

ಅಪೊಸ್ತಲ 27:2

ಅಕ್ಕ ನಂಗ ಆಸ್ಯ ಸೀಮೆರ ಅದ್ರಮಿತ್ತಿಯ ಎಣ್ಣುವ ಪಟ್ಟಣತ್ಂಜ ಬಂದ ಹಡಗ್‍ಲ್ ಪತ್ತ್‌ಚಿ. ಆ ಹಡಗ್ ಆಸ್ಯ ಸೀಮೆರ ಕರಾವಳಿರ ಬೋರೆ ಬೋರೆ ಜಾಗಕ್ ಪೋಪಕ್ ಇಂಜತ್. ಅಯಿಂಗ ಅದ್‍ಲ್ ನಂಗಳ ಅಯಿಚತ್. ಮಕೆದೋನ್ಯ ಸೀಮೆಕ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಎಣ್ಣ್‌ವಂವೊ ನಂಗಡ ಕೂಡೆ ಇಂಜತ್.