ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:21 - ಕೊಡವ ಬೈಬಲ್

²¹ ಅದ್ಂಗ್ ಅಂವೊ: ದಾರೆಲ್ಲಾ ದೇವಡ ವಾಕ್ಯತ್‍ನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್‍ಪ ಅಯಿಂಗಳೇ ನಾಡ ಅವ್ವ ಪಿಂಞ ಅಣ್ಣತಮ್ಮಣಂಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:21 ပူးပေါင်းရင်းမြစ်များ

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 25:45

ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಎಕ್ಕ ಸಹಾಯ ಮಾಡಿತ್‌ಲ್ಲೆಯೋ ಅಕ್ಕಲೆ ನಿಂಗ ನಾಕ್ ಮಾಡಿತ್‌ಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ವ.

ಮತ್ತಾಯ 28:10

ಅಕ್ಕ ಯೇಸು ಅಯಿಂಗಳ ನೋಟಿತ್, ನಿಂಗಕ್ ಪೋಡಿ ಬೋಂಡ! ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ಅಯಿಂಗಳ ಗಲಿಲಾಯಕ್ ಪೋಪಕ್ ಎಣ್ಣಿ, ಅಲ್ಲಿ ಅಯಿಂಗ ನನ್ನ ಕಾಂಬಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:15

ನಲ್ಲ ಮಣ್ಣ್‌ಕ್ ಬಿತ್ತ್‌ನ ಜನ ಕುಶೀಲ್ ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್‍ನ ಅಯಿಂಗಡ ನಲ್ಲ ಪಿಂಞ ಸತ್ಯವಾನ ಹೃದಯತ್‍ಲ್ ಬೆಚ್ಚಿತ್ ತಾಳ್ಮೆಯಿಂಜ ಫಲ ಕೊಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:20

ಅಕ್ಕ, ನೀಡ ಅವ್ವ ಪಿಂಞ ತಮ್ಮಣಂಗ ನಿನ್ನ ಕಾಂಬಕಾಯಿತ್ ಪೊರಮೆ ನಿಂದಂಡುಂಡ್‍ೕಂದ್ ಯೇಸುಕ್ ಎಣ್ಣ್‌ಚಿ.

ಯೋಹಾನ 13:17

ನಿಂಗಕ್ ಈ ಸತ್ಯ ಇಕ್ಕ ಗೊತ್ತಾಚಿ. ನಿಂಗ ಇದ್‍ನ ಉಪಯೋಗ ಮಾಡ್‍ಚೇಂಗಿ ನಿಂಗ ಎಚ್ಚಕ್ ಆಶೀರ್ವಾದ ಪಡ್ಂದಯಿಂಗಾಂದ್ ಗೊತ್ತುಂಡಾ?

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

2 ಕೊರಿಂಥ 5:16

ಆನಗುಂಡ್, ಇಂಞು ಮಿಂಞಕ್, ಒಬ್ಬನ ಸಹ ಮನುಷ್ಯಂಡ ರೀತಿಲ್ ನೋಟಿಯಂಡಿಲ್ಲೆ. ಒರ್ ಸಮಯತ್‍ಲ್ ಕ್ರಿಸ್ತನ ನಂಗ ಮನುಷ್ಯಂಗಡನೆಕೆ ಗೇನ ಮಾಡಿತ್ಂಜತೇಂಗಿಯು, ಇಂಞು ಮಿಂಞಕ್ ಅನ್ನನೆ ಗೇನ ಮಾಡುಲೆ.

2 ಕೊರಿಂಥ 6:18

ಅಕ್ಕ ನಾನ್ ನಿಂಗಳ ಸ್ವೀಕಾರ ಮಾಡಿತ್, ನಿಂಗಡ ಅಪ್ಪನಾಯಿತಿಪ್ಪಿ, ನಿಂಗ ನಾಡ ಮೋನಿಯಂಗಳು ಮೋಳಿಯಂಗಳು ಆಯಿತಿಪ್ಪಿರಾಂದ್ ಸರ್ವ ಶಕ್ತಿವಂತನಾನ ಒಡೆಯ ಎಣ್ಣಿಯಂಡುಂಡ್.

ಯಾಕೋಬ 1:22

ಅದಲ್ಲತೆ ನಿಂಗ ನಿಂಗಳ ಮೋಸ ಮಾಡತನೆಕೆ ದೇವಡ ವಾಕ್ಯತ್‍ನ ಕ್‍ೕಪಯಿಂಗಳಾಯಿತ್ ಮಾತ್ರ ಅಲ್ಲತೆ ಅದ್ಂಡ ಪ್ರಕಾರ ನಡ್‌ಪಯಿಂಗಳಾಯಿತು ಇಕ್ಕಂಡು.

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.