ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13 - ಕೊಡವ ಬೈಬಲ್

¹³ ಪಾರೆಕಲ್ಲ್‌ರ ಮೇಲೆ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ, ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಪುಡಿಕತಗುಂಡ್, ಚೆನ್ನ ಕಾಲ ಮಾತ್ರ ನಂಬುವ, ಸೋದನೆ ಬಪ್ಪಕ ಅಯಿಂಗ ಬುದ್ದ್ ಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:12

ದುಷ್ ಜನ ಅಯಿಂಗಡ ದುಷ್ಟತ್ತನತಿಂಜ ಕ್‌ಟ್ಟುವದ್‌ಲ್‌ ಕುಶಿ ಪಡುವ. ಆಚೇಂಗಿ ನೀತಿವಂತಂವೊಂಡ ಬೇರ್‌ ಫಲ ತಪ್ಪ.

ಜ್ಞಾನತ್‌ರ ಪಡಿಮ 12:3

ದುಷ್ಟತನತ್‌ರಗುಂಡ್‌ ಒರ್‌ ಮನುಷ್ಯ ನೆಲೆ ಆಪುಲೆ. ಆಚೇಂಗಿ ನೀತಿವಂತಯಿಂಗಡ ಬೇರ್‌ ಅನ್‌ಂಗ್‌ಲೆ.

ಮಾರ್ಕ 6:20

ಎನ್ನಂಗೆಣ್ಣ್‌ಚೇಂಗಿ ಯೋಹಾನ ನೀತಿವಂತಂವೊನಾಯಿತ್ ದೇವಡ ಬಕ್ತನಾಯಿತ್ ಉಳ್ಳದ್ ಹೆರೋದಂಗ್ ಗೊತ್ತಾನಗುಂಡ್ ಅಂವೊಂಗ್ ಬೊತ್ತಿಯಂಡ್ ಜೈಲ್‍ಲ್ ಚಾಯಿತೆ ಕಾಪಾಡಿಯಂಡ್ ಇಂಜತ್. ಹೆರೋದಂಗ್ ಯೋಹಾನ ಪರಿಯುವ ಉಪದೇಶತ್‍ನ ಕ್‍ೕಪಕ್ ದುಂಬ ಕುಶಿ ಇಂಜತ್, ಆಚೇಂಗಿ ಸಹ ಯೋಹಾನಂಡ ಎಚ್ಚರಿಕೆ ಕ್‍ೕಪಕ ಹೆರೋದಂಗ್ ಪೋಡಿ ಆಪಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:12

ಬಟ್ಟೇಲ್ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕ್‍ೕಪ, ಆಚೇಂಗಿ ಅಯಿಂಗ ಅದ್‍ನ ನಂಬಿತ್ ರಕ್ಷಣೆ ಆಕತನೆಕೆ ಸೈತಾನ ಬಂದಿತ್ ದೇವಡ ವಾಕ್ಯತ್‍ನ ಅಯಿಂಗಡ ಹೃದಯತ್ಂಜ ಎಡ್‌ತ್‌ರ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 15:6

ದಾರ್ ನಾಡಲ್ಲಿ ಸ್ತಿರವಾಯಿತ್ ಇಲ್ಲೆ, ಅಂವೊ ಪೊರಮೆ ಚಾಡ್‌ನ ಕೊಂಬ್‌ರನೆಕೆ ಇಪ್ಪ. ಆ ಕೊಂಬ್ ಒಣಂಗಿ ಪೋಪ; ಅನ್ನನೆ ಚಾಡ್‌ನ ಕೊಂಬ್‍ನ ಕೂಟಿತ್ ತಿತ್ತ್‌ಕ್ ಇಡ್‌ವ. ಅನ್ನನೆ ಅದ್ ಚುಟ್ಟ್ ಪೋಪ.

ಯೋಹಾನ 5:35

ಯೋಹಾನ ಕತ್ತಿಯಂಡ್ ಮಿನ್ನುವ ಬೊಳ್‍ಕ್‍ರನೆಕೆ ಇಂಜತ್; ನಿಂಗ ಸಹ ಚೆನ್ನ ಕಾಲ ಆ ಬೊಳಿರ ಬೋದನೆಲ್ ಕುಶಿ ಪಟ್ಟಂಡಿಂಜಿರ.

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

1 ಕೊರಿಂಥ 15:2

ಈ ಬೋದನೆರನೆಕೆ ಮಾಡ್‍ಚೇಂಗಿ ದೇವ ನಿಂಗಳ ನಿಂಗಡ ಪಾಪತ್ಂಜ ಕಾಪಾಡ್‌ವ; ಇಲ್ಲತಪೋಚೇಂಗಿ ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಪ್ರಯೋಜನ ಇಲ್ಲತ ಆಯಿಪೋಪ.

ಗಲಾತ್ಯ 3:1

ಓ ಮುಠಾಳ ಗಲಾತ್ಯ ಜನಳೇ! ಯೇಸು ಕ್ರಿಸ್ತ ಶಿಲುಬೇಲ್ ನಿಂಗಡ ಕಣ್ಣ್‌ರ ಮಿಂಞತ್ ಚತ್ತನೆಕೆ, ನಿಂಗಕ್ ಅಂವೊಂಡ ಚಾವ್‍ರ ವಿಷಯತ್‍ನ ನಾನ್ ವಿವರಿಚಿಟ್ಟತೇಂಗಿಯು, ಇಕ್ಕ ನಿಂಗಳ ಸೊಯ ಇಲ್ಲತನೆಕೆ ಮಾಡ್‍ನಂವೊ ದಾರ್?

ಗಲಾತ್ಯ 3:4

ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ನಂಬ್‍ನಗುಂಡ್ ದುಂಬ ತೊಂದರೆ ಎಡ್‍ತಿತುಳ್ಳಿರ. ಈ ತೊಂದರೆನೆಲ್ಲ ಮುಂಡತೆ ಎಡ್‌ತಿರ? ಇಲ್ಲೆ, ಇದಂಗೆಲ್ಲ ಕಾರಣ ಉಂಡ್.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

1 ಥೆಸಲೊನೀಕ 3:5

ಆನಗುಂಡ್, ನಿಂಗಡ ವಿಷಯತ್ ನಾಕ್ ಪಾರಕಾತಂಡ್ ಇಪ್ಪಕ್ ಕಯ್ಯತೆ, ಯೇಸುರ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಎನ್ನನೆ ಉಂಡ್‍ೕಂದ್ ಗೊತ್ತಾಪಕಾಯಿತ್ ಅಂವೊನ ನಿಂಗಡ ಪಕ್ಕ ಅಯಿಚಿಯೆ. ನಂಗಳ ಸೋದನೆ ಮಾಡ್‌ವ ಸೈತಾನ ನಿಂಗಳ ಸೋದನೆ ಮಾಡಿತ್, ನಂಗ ಇಲ್ಲಿಕತ್ತನೆ ನಿಂಗಡಲ್ಲಿ ಮಾಡ್‍ನ ದೇವಡ ಸೇವೇಕ್ ಒರ್ ಪ್ರಯೋಜನವು ಇಲ್ಲತ ಪೋಯಿರುವಾಂದ್ ನಾಕ್ ಪೋಡಿ ಆಚಿ.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

ಇಬ್ರಿಯ 10:39

ಆಚೇಂಗಿ ನಂಗ ದೇವನ ಬುಟ್ಟಿತ್ ಪಾಳಾಯಿ ಪೋಪಯಿಂಗ ಅಲ್ಲ, ಆತ್ಮಕ್ ರಕ್ಷಣೆ ಕ್‍ಟ್ಟುವಕಾಯಿತ್ ನಂಬಿಕೆ ಉಳ್ಳಯಿಂಗಳಾಯಿತುಂಡ್.

ಯಾಕೋಬ 2:26

ಎನ್ನನೆ ಆತ್ಮ ಇಲ್ಲತ ತಡಿ ಚತ್ತನೆಕೆ ಉಂಡೋ, ಅನ್ನನೆ ಕ್ರಿಯೆ ಇಲ್ಲತ ನಂಬಿಕೆಯು ಚತ್ತನೆಕೆ ಉಂಡ್.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 2:22

ನಾಯಿ ಅದ್ ಕಕ್ಕ್‌ನದ್‍ನ ಪುನಃ ತಿಂಬನೆಕೆ, ಕತ್ತ್‌ನ ಪಂದಿ ಪುನಃ ಬಂಡ್‍ಲ್ ಪೋಪಾಂದ್ ಎಣ್ಣ್‌ವ ಪಳೆಯ ತಕ್ಕ್‌ರನೆಕೆ ಅಯಿಂಗಕ್ ಆಚಿ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.