ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:47 - ಕೊಡವ ಬೈಬಲ್

⁴⁷ ಆನಗುಂಡ್ ನಾನ್ ನೀಕ್ ಎಣ್ಣ್‌ವಿ: ಇವ ಮಾಡ್‍ನ ಪಾಪಕೆಲ್ಲ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಇವ ಕಾಂಬ್‍ಚಿಟ್ಟ ಪ್ರೀತಿಯಿಂಜ ಗೊತ್ತಾಪ. ದಾರ್‍ಕೆಲ್ಲ ಚೆನ್ನ ಮನ್ನಿಪ್ಪ್ ಕ್‍ಟ್ಟ್‌ಚೋ, ಅಯಿಂಗೆಲ್ಲ ಚೆನ್ನ ಮಾತ್ರ ಪ್ರೀತಿ ಮಾಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:47 ပူးပေါင်းရင်းမြစ်များ

ಮತ್ತಾಯ 10:37

ಒಬ್ಬ ತಾಂಡ ಅಪ್ಪನ ಆಚೇಂಗಿಯು, ಅವ್ವಳ ಆಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ. ಪಿಂಞ ತಾಂಡ ಮೋಂವೊನಾಚೇಂಗಿಯು, ಮೋವಳಾಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:39

ಯೇಸುನ ಮನೆಕ್ ಕಾಕ್‍ನ ಫರಿಸಾಯ, ಇದ‌ನ್ನೆಲ್ಲ ನೋಟಿತ್, ಈ ಮನುಷ್ಯ ಒರ್ ಪ್ರವಾದಿಯಾಯಿತ್ಂಜತೇಂಗಿ, ತಾಂಡ ಕಾಲ್‌ನ ಮುಟ್ಟುವ ಈ ಪೊಣ್ಣಾಳ್ ದಾರ್‍ೕಂದ್ ಗೊತ್ತಾಪಕಿಂಜತ್; ಎನ್ನಂಗೆಣ್ಣ್‌ಚೇಂಗಿ, ಇವ ಒರ್ ಪಾಪೀಂದ್ ಅಂವೊಂಡೊಳ್‌ಲೇ ಗೇನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:46

ನೀನ್ ನಾಡ ಮಂಡೆಕ್ ಇಡ್‌ವಕ್ ಎಣ್ಣೆ ತಂತ್‍ಲೆ. ಇವ ಸುಗಂದ ವಾಸನೆ ಉಳ್ಳ ತೈಲತ್‌ನ ನಾಡ ಕಾಲ್‌ಕ್ ಬೂಕ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:48

ಪಿಂಞ ಯೇಸು ಆ ಪೊಣ್ಣಾಳ್‍ನ ನೋಟಿತ್, ನೀನ್ ಮಾಡ್‍ನ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ರೋಮ್ 5:20

ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.

2 ಕೊರಿಂಥ 5:14

ಕ್ರಿಸ್ತಂಡ ಪ್ರೀತಿ ನಂಗಳ ಒತ್ತಾಯ ಮಾಡಿಯಂಡುಂಡ್; ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾರ್‍ಕಾಯಿತ್ ಒಬ್ಬನೇ ಚತ್ತ್ ಪೋಚೀಂದ್ ನಂಬಿಯಂಡುಂಡ್. ಅನ್ನನೆ ಎಲ್ಲಾರು ಚತ್ತ್ ಪೋಚಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 6:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ಕಾಲಕಾಲಕು ಪಾಳಾಕತ ಪ್ರೀತಿ ಮಾಡ್‌ವ ಎಲ್ಲಾಡ ಕೂಡೆ ಕೃಪೆ ಇಕ್ಕಡ್. ಆಮೆನ್.

ಫಿಲಿಪ್ಪಿ 1:9

ನಿಂಗಡ ಪ್ರೀತಿ ಇಂಞು ದುಂಬ ದುಂಬಿತ್ ದೇವಡ ವಿಷಯತ್‍ಲ್ ನೇರಾನ ಬುದ್ದಿಲ್, ಶುದ್ದವಾನ ಜ್ಞಾನತ್‍ಲ್ ನಿಂಗ ಬೊಳ್ಂದಂಡ್ ಬರಂಡೂಂದ್ ನಾನ್ ನಿಂಗಕಾಯಿತ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯುಂಡುಳ್ಳ.

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

1 ಯೋಹಾನ 4:19

ನಂಗ ಪ್ರೀತಿ ಮಾಡ್‌ವಕ್ ಮಿಂಞ ದೇವ ನಂಗಳ ಪ್ರೀತಿ ಮಾಡ್‍ನಗುಂಡ್ ನಂಗ ಅಂವೊನ ಪ್ರೀತಿ ಮಾಡ್‌ವ.

1 ಯೋಹಾನ 5:3

ದೇವಡ ಆಜ್ಞೆರನೆಕೆ ನಡ್ಂದತೇಂಗಿ ಅಂವೊನ ಪ್ರೀತಿ ಮಾಡ್‌ವನೆಕೆ. ಪಿಂಞ ಅಂವೊಂಡ ಆಜ್ಞೆನ ಮಾಡ್‌ವಕ್ ನಂಗಕ್ ದುಂಬ ಕಷ್ಟವಾಯಿತ್‌ಪ್ಪುಲೆ.