ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:42 - ಕೊಡವ ಬೈಬಲ್

⁴² ದಂಡಾಳ್‍ಕು ಸಾಲ ತ್‍ೕಪಕ್ ಕಯಿಂಜಿತ್‌ಲ್ಲೆ. ಸಾಲ ಕೊಡ್‍ತಂವೊ ಅಯಿಂಗ ದಂಡಾಳು ಸಾಲತ್‍ನ ಕೊಡ್‍ಪದ್ ಬೋಂಡಾಂದ್ ಮನ್ನಿಚಿಟ್ಟಿತ್ ಬುಟ್ಟ್‌ರ್‌ತ್. ಇನ್ನನೆ ಇಪ್ಪಕ, ಆ ದಂಡಾಳ್‌ಲ್ ದಾರ್‌ಕ್ ಅಂವೊಂಡ ಮೇಲೆ ದುಂಬ ಪ್ರೀತಿ ಇಪ್ಪಾಂದ್ ಎಣ್ಣೀಂದ್ ಯೇಸು ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:42 ပူးပေါင်းရင်းမြစ်များ

ಮತ್ತಾಯ 18:27

ಅಕ್ಕ ಎಜಮಾನಂಗ್ ಅಂವೊಂಡ ಮೇಲೆ ಕನಿಕರ ಆಯಿತ್ ಅಂವೊ ಮಾಡ್‍ನ ಸಾಲತನೆಲ್ಲ ತಪ್ಪದ್ ಬೋಂಡಾಂದ್ ಎಣ್ಣಿತ್, ಮನ್ನಿಚಿಟ್ಟ್‌ರ್‌ತ್.

ಮತ್ತಾಯ 18:34

ರಾಜಂಗ್ ಚೆಡಿ ಬಾತ್, ನೀನ್ ನಾಡ ಸಾಲನೆಲ್ಲ ತ್‍ೕಪಕತ್ತನೆ ಜೈಲ್‍ಲ್ ಇರಂಡೂಂದ್ ಎಣ್ಣ್‌ಚಿ.

ಮತ್ತಾಯ 6:12

ನಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:43

ಅದ್ಂಗ್ ಸೀಮೋನ: ದಾರ್‌ಕ್ ದುಂಬ ಸಾಲತ್‍ನ ಬುಟ್ಟಿತ್ ಮನ್ನಿಚಿಟ್ಟತೋ ಅಂವೊನೇ ದುಂಬ ಪ್ರೀತಿ ಮಾಡ್‌ವಾಂದ್ ಎಣ್ಣ್‌ಚಿ. ಅದ್ಂಗ್ ಯೇಸು: ನೀನ್ ಸರಿಯಾಯಿತ್ ಎಣ್ಣಿಯಾಂದ್ ಎಣ್ಣ್‌ಚಿ.

ರೋಮ್ 3:24

ಅಂವೊಂಡ ಇನಾಮ್‍ರ ಕೃಪೇರ ಮೂಲಕ, ಯೇಸು ಕ್ರಿಸ್ತಂಡ ವಿಮೋಚನತ್‍ರಗುಂಡ್ ಮಾತ್ರ ನೀತಿವಂತಯಿಂಗಳಾಯಂಡುಂಡ್.

ರೋಮ್ 5:6

ನಂಗ ಶಕ್ತಿ ಇಲ್ಲತಯಿಂಗಳಾಯಿತಿಪ್ಪಕಲೇ, ನೇಮಿಚಿಟ್ಟ ಕಾಲತ್‍ಲ್, ಕ್ರಿಸ್ತ ಅಕ್ರಮಕಾರಂಗಕಾಯಿತ್ ಚತ್ತತ್.

ಗಲಾತ್ಯ 3:10

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ದೇವಡ ಮಿಂಞತ್‍ಲ್ ನೀತಿವಂತಂವೊಂಡನೆಕೆ ನಿಪ್ಪಕ್ ಕಯ್ಯೂಂದ್ ನಂಬುವಯಿಂಗೆಲ್ಲ ಶಾಪತ್‍ಲ್ ಉಂಡ್; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣಕ್ ತಗ್ಗಿತ್ ನಡ್‍ಕತೆ, ಅದ್ ಎಣ್ಣ್‌ನನೆಕೆ ಮಾಡತಯಿಂಗೆಲ್ಲಾ ಶಾಪತ್‍ಲ್ ಉಳ್ಳಯಿಂಗಾಂದ್ ಒಳ್‍ದಿತುಂಡಲ್ಲ.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಕೊಲೊಸ್ಸೆ 3:13

ನಿಂಗ ಒಬ್ಬೊಬ್ಬನ ಸಹಿಸಿಯಂಡ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪುಕಾರ್‍ನ, ಕ್ರಿಸ್ತ ನಿಂಗಡ ಪಾಪತ್‍ನ ಮನ್ನಿಚಿಟ್ಟನೆಕೆ ನಿಂಗ ಒಬ್ಬೊಬ್ಬನ ಮನ್ನಿಚಿಡಂಡು.