ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:37 - ಕೊಡವ ಬೈಬಲ್

³⁷ ಅಕ್ಕ ಆ ಊರ್‌ಲ್ ಪಾಪತ್‍ಲ್ ಬದ್‍ಕಿಯಂಡಿಂಜ ಒರ್ ಪೊಣ್ಣಾಳ್‌ಕ್, ಯೇಸು ಫರಿಸಾಯಂಡ ಮನೆಕ್ ಉಂಬಕ್ ಬಂದಿತುಂಡ್‍ೕಂದ್ ಗೊತ್ತಾಚಿ. ಅವ ದುಂಬ ಬೆಲೆಯುಳ್ಳ ಅಲಬಸ್ಟರ್ ಎಣ್ಣುವ ಸುಗಂದ ತೈಲತ್‌ನ ಕೊಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:37 ပူးပေါင်းရင်းမြစ်များ

ಮತ್ತಾಯ 21:31

ಈಂಗ ದಂಡಾಳ್‌ರ ಕೂಟ್‌ಲ್ ಅಪ್ಪಂಡ ಆಸೆ ಪ್ರಕಾರ ನಡ್ಂದಂವೊ ದಾರ್‍ೕಂದ್ ಕ್‍ೕಟತ್; ಅದ್ಂಗ್ ಅಯಿಂಗ: ಪೆರಿಯ ಮೋಂವೊನೇಂದ್ ಎಣ್ಣ್‌ಚಿ. ಪಿಂಞ ಯೇಸು, ಅನ್ನನೆ ಕಂದಾಯ ಎಡ್‌ಪಯಿಂಗಳು, ವೇಶಿಯಳು ನಿಂಗಕಿಂಜ ಮಿಂಞ ದೇವಡ ರಾಜ್ಯಕ್ ಪೋಪಾಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:13

ಕಂದಾಯ ಎಡ್‌ಪಂವೊ ದೂರತ್‍ಲ್ ನಿಂದಿತ್, ಬಾನತ್‍ನ ಸಹ ನೋಟತೆ, ಎದೆನ ಬಡ್‍ಚಂಡ್: ದೇವ! ನಾನ್ ಪಾಪ ಮಾಡ್‍ನಂವೊ, ನಾಡ ಮೇಲೆ ಕರುಣೆ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:7

ಅಲ್ಲಿಯತ್‍ರ ಜನ ಇದ್‍ನ ಕಂಡದು ಪಾಪ ಮಾಡ್‍ನಂವೊಂಡ ಮನೆಕ್ ಬೆಂದ್‌ವಾಯಿತ್ ಪೋಪಲ್ಲಾಂದ್ ಗೊಣಗ್‍ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:30

ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:32

ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಂಗ ಪಾಪತ್ಂಜ ಪಶ್ಚಾತಾಪ ಪಡ್‌ವಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:34

ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ನಿಂಗ: ಅಂವೊ ತೀನಿಮಾರಿಯು, ಕುಡುಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:36

ಒರ್ ಫರಿಸಾಯ ಯೇಸುನ ತಾಂಡಕೂಡೆ ಉಂಗಂಡೂಂದ್ ಬೋಡಿಯಂಡತ್. ಯೇಸು ಪೋಯಿತ್ ಉಂಬಕ್ ಅಳ್‌ತತ್.

ಯೋಹಾನ 11:2

ಈ ಮರಿಯ ಎಣ್ಣುವವ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ ಅವಡ ತೆಲ್‌ಮಿಲ್ ಅಂವೊಂಡ ಕಾಲ್‌ನ ತ್‍ೕಟ್‌ನವಳಾಯಿತ್ಂಜತ್. ದುಂಬ ಕಾಯಿಲೆಲ್ ಇಂಜ ಲಾಜರ ಇವಡ ತಮ್ಮಣನಾಯಿತ್ಂಜತ್.

ಯೋಹಾನ 9:24

ಆನಗುಂಡ್ ಕುರ್‌ಡನಾಯಿತ್ಂಜ ಆ ಮನುಷ್ಯನ ದಂಡನೆ ಕುರಿ ಕಾಕುವಂಜಿ: ನೀನ್ ದೇವಕ್ ಮಹಿಮೆ ಕೊಡ್; ನಿನ್ನ ವಾಸಿ ಮಾಡ್‍ನ ಆ ಮನುಷ್ಯ ಪಾಪೀಂದ್ ನಂಗಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 9:31

ಪಾಪಿಯಂಗಕ್ ದೇವ ಕೆಮಿ ಕೊಡ್‍ಪ್‍ಲೇಂದ್ ನಂಗಕ್ ಗೊತ್ತುಂಡ್, ಆಚೇಂಗಿ ದಾರ್ ದೇವಡ ತಕ್ಕ್ ಕ್‍ೕಟಿತ್, ಅಂವೊಂಡ ಚಿತ್ತತ್‍ರನೆಕೆ ನಡ್‍ಪ, ಅಯಿಂಗಕ್ ದೇವ ಕೆಮಿ ಕೊಡ್‍ಪ.

ರೋಮ್ 5:8

ಆಚೇಂಗಿ, ನಂಗ ಪಾಪಿಯಳಾಯಿತ್ ಇಪ್ಪಕಲೆ ಕ್ರಿಸ್ತ ನಂಗಕಾಯಿತ್ ಚತ್ತಗುಂಡ್, ಅದ್, ದೇವ ನಂಗಡ ಮೇಲೆ ಬೆಚ್ಚಿತ್ಂಜ ಪ್ರೀತಿನ ಕಾಟುವ.

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 1:9

ಈ ನ್ಯಾಯಪ್ರಮಾಣ ನೀತಿರ ಜನಕ್ ಮಾಡ್‍ನದ್ ಅಲ್ಲ, ಆಚೇಂಗಿ, ಕಾನೂನ್‌ನ ಪೊಳಿಪಯಿಂಗಕು, ದಂಗೆ ಏವಯಿಂಗಕು, ದೇವಡ ಮೇಲೆ ಪೋಡಿ ಇಲ್ಲತಯಿಂಗಕು, ಪಾಪಿಯಂಗಕು, ಎಲ್ಲಾನ ಅಪವಿತ್ರವಾಯಿತ್ ಕಾಂಬಯಿಂಗಕು, ಪವಿತ್ರತ್‍ನ ಪಾಳ್ ಮಾಡ್‌ವಯಿಂಗಕು, ತಾಂಡ ಅಪ್ಪವ್ವನ ಕೊಲ್ಲ್‌ವಯಿಂಗಕು, ಕೊಲೆಗಾರಂಗಕು,

1 ಪೇತ್ರ 4:18

ನೀತಿವಂತವೊನೇ ರಕ್ಷಣೆ ಆಪದ್ ಕಷ್ಟವಾಯಿತ್ಂಜತೇಂಗಿ, ಪಾಪಿಯಂಗಕು ಬಕ್ತಿ ಇಲ್ಲತಯಿಂಗಕು ಎಂತಾಪಾಂದ್ ಗೇನ ಮಾಡಿ?