ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:34 - ಕೊಡವ ಬೈಬಲ್

³⁴ ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ನಿಂಗ: ಅಂವೊ ತೀನಿಮಾರಿಯು, ಕುಡುಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:34 ပူးပေါင်းရင်းမြစ်များ

ಮತ್ತಾಯ 11:19

ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ಅಯಿಂಗ: ಅಂವೊ ತೀನಿಮಾರಿಯು, ಕುಡ್‌ಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣ್‌ಚಿ. ಆಚೇಂಗಿ, ದೇವಡ ಜ್ಞಾನ, ಅಂವೊನ ನಂಬುವಯಿಂಗ ಮಾಡ್‌ವ ಕ್ರಿಯೆರ ಮೂಲಕ ಸತ್ಯವಾಪಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 5:46

ನಿಂಗಳ ಪ್ರೀತಿ ಮಾಡ್‌ವಯಿಂಗಳ ಮಾತ್ರ ನಿಂಗ ಪ್ರೀತಿ ಮಾಡ್‍ಚೇಂಗಿ ಎಂತ ಫಲ? ಕಂದಾಯ ಎಡ್‌ಪಯಿಂಗಳು ಅನ್ನನೆ ಮಾಡ್‌ವಲ್ಲ?

ಮತ್ತಾಯ 9:11

ಚೆನ್ನ ಫರಿಸಾಯಂಗ ಯೇಸುರ ಶಿಷ್ಯಂಗಳ ನೋಟಿತ್: ಎನ್ನಂಗ್ ನಿಂಗಡ ಉಪಾದ್ಯ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಬಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:37

ಯೇಸು ಇನ್ನನೆ ತಕ್ಕ್ ಪರ್‌ದಂಡ್ ಇಪ್ಪಕ, ಒರ್ ಫರಿಸಾಯ ಯೇಸುನ ಅಂವೊಂಡ ಕೂಡೆ ಉಂಬಕ್ ಕಾಕ್‍ಚಿ. ಯೇಸು ಅನ್ನನೆ ಪೋಯಿತ್ ಕಾಲ್ ಮಡ್‌ಕಿತ್ ಅಳ್‌ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:1

ಒರ್ ಸಬ್ಬತ್ ದಿವಸತ್‍ಲ್, ಯೇಸು, ಫರಿಸಾಯಂಗಡ ಮುಕ್ಯಸ್ತ ಒಬ್ಬಂಡ ಮನೆಕ್ ಉಂಬಕ್ ಪೋಯಿತ್ಂಜತ್. ಯೇಸು ಎಂತ ಮಾಡ್‌ವಾಂದ್ ಜನ ಎಲ್ಲಾರು ಅಂವೊಂಡ ಮೇಲೆ ಕಣ್ಣೆಡುಕತೆ ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:2

ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಇದ್‍ನ ನೋಟ್‌ವಂಜಿ: ಈ ಮನುಷ್ಯ ಕೆಟ್ಟ ಜನಡ ಕೂಡೆ ಕೂಟ್‍ಕೂಡಿಯಂಡ್ ಅಯಿಂಗಡ ಕೂಡೆ ಉಂಬಲ್ಲಾಂದ್ ಗೊಣಗ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:7

ಅಲ್ಲಿಯತ್‍ರ ಜನ ಇದ್‍ನ ಕಂಡದು ಪಾಪ ಮಾಡ್‍ನಂವೊಂಡ ಮನೆಕ್ ಬೆಂದ್‌ವಾಯಿತ್ ಪೋಪಲ್ಲಾಂದ್ ಗೊಣಗ್‍ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:29

ಬಯ್ಯಂಜಿ ಯೇಸುಕ್ ಲೇವಿರ ಮನೆಲ್ ಗದ್ದಾಳ ಇಂಜತ್. ಲೇವಿರ ಮನೆಲ್ ದುಂಬ ಕಂದಾಯ ಎಡ್‌ಪ ಜನ ಪಿಂಞ ಬೋರೆ ಜನ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:33

ಎನ್ನಂಗೆಣ್ಣ್‌ಚೇಂಗಿ, ದೀಕ್ಷಾಸ್ನಾನ ತಪ್ಪ ಯೋಹಾನ ಒಟ್ಟಿ ತಿಂಗತಂವೊನಾಯಿತ್ ದ್ರಾಕ್ಷಿರಸ ಕುಡಿಕತಂವೊನಾಯಿತ್ ಬಾತ್, ಆಚೇಂಗಿ ನಿಂಗ ಅಂವೊಂಗ್ ಕೂಳಿ ಪುಡ್‌ಚಿತುಂಡ್‍ೕಂದ್ ಎಣ್ಣಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:35

ಆಚೇಂಗಿ, ದೇವಡ ಜ್ಞಾನ, ಅಂವೊನ ನಂಬುವಯಿಂಗ ಮಾಡ್‌ವ ಕ್ರಿಯೆರ ಮೂಲಕ ಸತ್ಯವಾಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:36

ಒರ್ ಫರಿಸಾಯ ಯೇಸುನ ತಾಂಡಕೂಡೆ ಉಂಗಂಡೂಂದ್ ಬೋಡಿಯಂಡತ್. ಯೇಸು ಪೋಯಿತ್ ಉಂಬಕ್ ಅಳ್‌ತತ್.

ಯೋಹಾನ 12:2

ಅಲ್ಲಿ ಲಾಜರಂಡ ಮನೆಲ್ ಯೇಸುಕ್ ಬಯಿಟ್ ಗದ್ದಾಳ ತಯಾರ್ ಮಾಡಿತ್ಂಜತ್. ಮಾರ್ಥ ಎಲ್ಲಾರ್‌ಕು ಉಪಚಾರ ಮಾಡ್‍ಚಿ. ಯೇಸುರ ಕೂಡೆ ಬಯಿಟ್ ಉಂಬಕ್ ಅಳ್‌ತಂಡಿಂಜಯಿಂಗಡಲ್ಲಿ ಲಾಜರ ಸಹ ಅಳ್‌ತಿತ್ಂಜತ್.

ಯೋಹಾನ 2:2

ಯೇಸು ಪಿಂಞ ಅಂವೊಂಡ ಶಿಷ್ಯಂಗಳ ಸಹ ಆ ಮಂಗಲಕ್ ಕಾ‌ಕಿತ್ಂಜತ್.