ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:33 - ಕೊಡವ ಬೈಬಲ್

³³ ಎನ್ನಂಗೆಣ್ಣ್‌ಚೇಂಗಿ, ದೀಕ್ಷಾಸ್ನಾನ ತಪ್ಪ ಯೋಹಾನ ಒಟ್ಟಿ ತಿಂಗತಂವೊನಾಯಿತ್ ದ್ರಾಕ್ಷಿರಸ ಕುಡಿಕತಂವೊನಾಯಿತ್ ಬಾತ್, ಆಚೇಂಗಿ ನಿಂಗ ಅಂವೊಂಗ್ ಕೂಳಿ ಪುಡ್‌ಚಿತುಂಡ್‍ೕಂದ್ ಎಣ್ಣಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:33 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 3:1

ದುಂಬ ಕಾಲ ಆನ ಪಿಂಞ ದೀಕ್ಷಾಸ್ನಾನ ತಪ್ಪ ಯೋಹಾನ ಯೂದಾಯತ್‍ರ ಮಣಬೂಮಿಲ್ ಬಂತ್:

ಮತ್ತಾಯ 3:4

ಯೋಹಾನ ಒಂಟೆರ ರೋಮತ್‍ಲ್ ಮಾಡ್‍ನ ಬಟ್ಟೆ ಇಟ್ಟಂಡಿಂಜತ್. ಅಂವೊಂಡ ಸೊಂಟಕ್ ಚರ್ಮತ್‌ರ ಪಟ್ಟಿ ಕೆಟ್ಟಿಯಂಡಿಂಜತ್. ಅಂವೊಂಡ ಆಹಾರ ಪಚ್ಚೆ ಪುಕ್ಕ ಪಿಂಞ ಕಾಡ್‍ಲ್ ಕ್‍ಟ್ಟುವ ತೇನ್ ಆಯಿತಿಂಜತ್.

ಮಾರ್ಕ 1:6

ಯೋಹಾನ ಒಂಟೆರ ರೋಮತ್‍ಲ್ ಮಾಡ್‍ನ ಬಟ್ಟೆ ಇಟ್ಟಂಡ್, ತಾಂಡ ಸೊಂಟಕ್ ಚರ್ಮತ್‌ರ ಪಟ್ಟಿ ಕೆಟ್ಟಿಯಂಡಿಂಜತ್. ಅಂವೊಂಡ ಆಹಾರ ಪಚ್ಚೆ ಪುಕ್ಕ ಪಿಂಞ ಕಾಡ್‍ಲ್ ಕ್‍ಟ್ಟುವ ತೇನ್ ಆಯಿತಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:15

ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:32

ಈಂಗ ಗುಂಪ್ ಗುಂಪಾಯಿತ್ ಅಳ್‌ತಿತ್, ಅಯಿಂಗಳಯಿಂಗಳ ನೋಟಿತ್: ನಂಗ ನಿಂಗಕಾಯಿತ್ ಪಾಂಗೊಳ ಊದ್‍ಚಿ, ಆಚೇಂಗಿ ನಿಂಗ ಆಡಿತ್‌ಲ್ಲೆ. ನಂಗ ಚಾವ್ ಪಾಟ್ ಪಾಡ್‌ಚಿ, ನಿಂಗ ಮೊರಟಿತ್‌ಲ್ಲೇಂದ್ ಎಣ್ಣುವ ಮಕ್ಕಕ್ ಸಮವಾಯಿತುಳ್ಳಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:34

ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ನಿಂಗ: ಅಂವೊ ತೀನಿಮಾರಿಯು, ಕುಡುಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣಿರ.

ಯೋಹಾನ 10:20

ಸುಮಾರ್ ಜನ: ಇಂವೊಂಗ್ ಕೂಳಿ ಪುಡ್‌ಚಿತುಂಡ್, ಪುಚ್ಚ್ ಪುಡ್‌ಚಂವೊ, ನಿಂಗ ಎನ್ನಂಗ್ ಅಂವೊಂಡ ತಕ್ಕ್‌ನ ಕ್‍ೕಪಿರಾಂದ್ ಎಣ್ಣ್‌ಚಿ.

ಯೋಹಾನ 8:48

ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 2:13

ಬೋರೆ ಚೆನ್ನ ಜನ: ಈಂಗ ಕಳ್ಳ್ ಕುಡಿಚಿತ್ ಚೊಕ್ಕ್‌ನಗೊಂಡ್ ಇನ್ನನೆ ಮಾಡಿಯಂಡುಂಡ್‍ೕಂದ್ ಅಯಿಂಗಳ ತಮಾಷಿ ಮಾಡ್‍ಚಿ.