ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:28 - ಕೊಡವ ಬೈಬಲ್

²⁸ ಈ ಲೋಕತ್‍ಲ್ ಪುಟ್ಟ್‌ನಯಿಂಗಡಡೆಲ್ ಯೋಹಾನಕಿಂಜ ಬಲ್ಯ ಪ್ರವಾದಿ ದಾರೂ ಇಲ್ಲೆ. ಆಚೇಂಗಿಯು ದೇವಡ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:28 ပူးပေါင်းရင်းမြစ်များ

ಮತ್ತಾಯ 11:11

ಇಕ್ಕಕತ್ತನೆ ಪುಟ್ಟ್‌ನಯಿಂಗಡಡೆಲ್ ದೀಕ್ಷಾಸ್ನಾನ ತಪ್ಪ ಯೋಹಾನಕಿಂಜ ಬಲ್ಯಂವೊ ದಾರೂ ಇಲ್ಲೆ, ಆಚೇಂಗಿಯು ಪರಲೋಕ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 3:1

ದುಂಬ ಕಾಲ ಆನ ಪಿಂಞ ದೀಕ್ಷಾಸ್ನಾನ ತಪ್ಪ ಯೋಹಾನ ಯೂದಾಯತ್‍ರ ಮಣಬೂಮಿಲ್ ಬಂತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:16

ಅಕ್ಕ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್. ಆಚೇಂಗಿ ನಾಕಿಂಜ ಬಲ್ಯಂವೊ ಒಬ್ಬ ಬಪ್ಪ. ನಾನ್ ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:27

ನೋಟಿ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ; ಅಂವೊ ನೀಕ್ ಮಿಂಞ ಪೋಯಿತ್, ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್ ಇಂವೊಂಡ ವಿಷಯವೇ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:29

ಎಲ್ಲಾರು ಯೋಹಾನಂಡ ಬೋದನೆನ ಕ್‍ೕಟತ್. ಮುಕ್ಯವಾಯಿತ್ ಕಂದಾಯ ಎಡ್‌ಪ ಜನಳು ಯೋಹಾನಂಡ ಉಪದೇಶತ್‍ನ ಕ್‍ೕಟಿತ್, ದೀಕ್ಷಾಸ್ನಾನ ಎಡ್‍ತಿತ್ ದೇವ ನೀತಿಯುಳ್ಳಂವೋಂದ್ ಅರಿಕೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:48

ದಾರ್ ಈ ಕುಂಞಿನ ನಾಡ ಪೆದತ್‍ಲ್ ಸ್ವೀಕಾರ ಮಾಡ್‌ವ ಅಯಿಂಗ ನನ್ನ ಸ್ವೀಕಾರ ಮಾಡ್‌ವ. ನನ್ನ ಸ್ವೀಕಾರ ಮಾಡ್‌ವಂವೊ ನನ್ನ ಮಾತ್ರ ಅಲ್ಲ, ನನ್ನ ಅಯಿಚಂವೊನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ. ನಿಂಗಡಲ್ಲಿ ದಾರ್ ಚೆರಿಯಂವೊನಾಯಿತಿಪ್ಪ ಅಂವೊ ನಿಂಗಕೆಲ್ಲಾ ಬಲ್ಯಂವೊನಾಯಿತಿಪ್ಪಾಂದ್ ಎಣ್ಣ್‌ಚಿ.