ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:27 - ಕೊಡವ ಬೈಬಲ್

²⁷ ನೋಟಿ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ; ಅಂವೊ ನೀಕ್ ಮಿಂಞ ಪೋಯಿತ್, ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್ ಇಂವೊಂಡ ವಿಷಯವೇ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:27 ပူးပေါင်းရင်းမြစ်များ

ಮಲಾಕಿ 3:1

ಇದಾ! ನಾನ್‌ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್‌ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 11:10

ಅದ್ ಎನ್ನನೆ ಎಣ್ಣ್‌ಚೇಂಗಿ: ಇದಾ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ; ಅಂವೊ ನೀಕ್ ಮಿಂಞ ಪೋಯಿತ್, ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್, ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ಇಂವೊಂಡ ವಿಷಯವೇ.

ಮಾರ್ಕ 1:2

ನೋಟಿ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ; ಅಂವೊ ನೀಕ್ ಮಿಂಞ ಪೋಯಿತ್, ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:76

ನೀನ್ ಒಡೆಯಂಗ್ ಮಿಂಞ ನಡ್ಂದ್ ಪೋಯಿತ್ ಅಂವೊಂಗ್ ಬಟ್ಟೇನ ತಯಾರ್ ಮಾಡ್‌ವಿಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:26

ಪಿಂಞ ಎಂತದ್‍ನ ಕಾಂಬಕ್ ಪೋಯಿರ? ಪ್ರವಾದಿನ ನೋಟ್‍ವಕ್ ಪೋಯಿರ? ಅಕ್ಕು, ಅಂವೊ ಪ್ರವಾದಿಕಿಂಜಲು ಬಲ್ಯಂವೋಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:28

ಈ ಲೋಕತ್‍ಲ್ ಪುಟ್ಟ್‌ನಯಿಂಗಡಡೆಲ್ ಯೋಹಾನಕಿಂಜ ಬಲ್ಯ ಪ್ರವಾದಿ ದಾರೂ ಇಲ್ಲೆ. ಆಚೇಂಗಿಯು ದೇವಡ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 1:23

ಅಯಿಂಗಕ್ ಅಂವೊ: ಒಡೆಯಂಗ್ ಬಟ್ಟೇನೆ ನೇರೆ ಮಾಡೀಂದ್ ಯೆಶಾಯ ಪ್ರವಾದಿ ಎಣ್ಣ್‌ನನೆಕೆ, ನಾನ್ ಮಣಬೂಮಿಲ್ ಕೂತ್ ಕೊಡ್‍ಪಂವೊಂಡ ಸದ್ದಾಯಿತ್ ಉಂಡ್‍ೕಂದ್ ಎಣ್ಣ್‌ಚಿ.