ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:25 - ಕೊಡವ ಬೈಬಲ್

²⁵ ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಅಲಂಕಾರತ್‍ರ ಬಟ್ಟೆ ಇಟ್ಟಿತ್ ಆಡಂಬರತ್‌ಲ್ ಬದ್‍ಕ್‍ವ ಜನಯೆಲ್ಲ ಅರಮನೇಲ್ ಉಂಡಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:25 ပူးပေါင်းရင်းမြစ်များ

ಎಸ್ತೆರ್‌ 1:3

ತಾಂಡ ಆಳ್‌ವಿಕೆರ ಮೂಂದನೆ ಕಾಲತ್‌ಲ್‌ ಅಂವೊಂಡ ಅರಮನೆರ ಪ್ರಬುವಯಂಗಕ್‌ ಪಿಂಞ ಸೇವಕಂಗಕ್‌ ಬಲ್ಯ ನಮ್ಮೇರ ಗದ್ದಾಳ ಏರ್ಪಾಡ್‌ ಮಾಡ್‌ಚಿ . ಅಕ್ಕ ಪಾರಸಿಯ ಪಿಂಞ ಮೇದ್ಯ ದೇಶತ್‌ರ ಸೇನಾಧಿಪತಿಯಳು, ಮುಕ್ಯಪಟ್ಟಯಿಂಗಳು, ದೇಶತ್‌ರ ಅದಿಕಾರಿಯಳು ಬಂದಿತ್‌ಂಜತ್.

ಎಸ್ತೆರ್‌ 4:2

ರಾಜಂಡ ಅರಮನೆರ ಕೋಟೆರ ಬಾಯಿಕಂಡಿರಕತ್ತನೆ ಬಾತ್. ಗೋಣಿಚೀಲತ್‌ರ ಬಟ್ಟೆನ ಇಟ್ಟಂಡ್‌ ದಾರ್‌ಕು ಅರಮನೆರ ಒಳ್‌ಕ್‌ ಪೋಪಕ್‌ ಅನುಮತಿ ಇಂಜಿತ್‌ಲ್ಲೆ.

ಎಸ್ತೆರ್‌ 5:1

ಪಟ್ಟಣಿ ನಿಂದ ಮೂಂದನೆ ದಿವಸತ್‌ ಎಸ್ತೇರ್‌ ರಾಣಿರ ಬಟ್ಟೆ ಇಟ್ಟಂಡ್, ಅರಮನೆರ ಬಲ್ಯ ಕೋಂಬರೆರ ಒಳ್‌ಕ್‌ ಪೋಯಿತ್, ರಾಜಂಡ ಬಾಡೆರ ಮಿಂಞತ್‌ ಪೋಯಿತ್‌ ನಿಂದತ್. ಅಕ್ಕ ರಾಜ, ಬಾಡೆಲ್‌ ಅಂವೊಂಡ ಸಿಂಹಾಸನತ್‌ ಪಡಿರ ಮಿಂಞತ್‌ ಅಳ್‌ತಂಡಿಂಜತ್.

ಎಸ್ತೆರ್‌ 8:15

ಅಲ್ಲಿಂಜ ಮೊರ್ದೆಕೈ ನೀಲಿ ಪಿಂಞ ಚೋಂದ ರಾಜ ಉಡ್‌ಪ್‌ನ ಇಟ್ಟಂಡ್, ಬಲ್ಯ ಪೊನ್ನ್‌ರ ಕಿರೀಟತ್‌ನ ಇಟ್ಟಂಡ್, ರೇಶ್ಮೆಯು, ನೈಸಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿನ ಪೊತ್ತಂಡ್‌ ರಾಜಂಡ ಸನ್ನಿದಿಯಿಂಜ ಪೊರ್‌ಟ್ ಪೋಚಿ. ಶೂಷನ್‌ ಪಟ್ಟಣ ಕುಶೀಲ್‌ ಕಳಿಚತ್.

ಮತ್ತಾಯ 11:8

ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಚಾಯಿ ಬಟ್ಟೆ ಇಟ್ಟಯಿಂಗೆಲ್ಲ ಅರಮನೇಲ್ ವಾಸ ಮಾಡಿಯಂಡುಂಡ್.

ಮತ್ತಾಯ 3:4

ಯೋಹಾನ ಒಂಟೆರ ರೋಮತ್‍ಲ್ ಮಾಡ್‍ನ ಬಟ್ಟೆ ಇಟ್ಟಂಡಿಂಜತ್. ಅಂವೊಂಡ ಸೊಂಟಕ್ ಚರ್ಮತ್‌ರ ಪಟ್ಟಿ ಕೆಟ್ಟಿಯಂಡಿಂಜತ್. ಅಂವೊಂಡ ಆಹಾರ ಪಚ್ಚೆ ಪುಕ್ಕ ಪಿಂಞ ಕಾಡ್‍ಲ್ ಕ್‍ಟ್ಟುವ ತೇನ್ ಆಯಿತಿಂಜತ್.

ಮತ್ತಾಯ 6:29

ಆಚೇಂಗಿಯು ಸೊಲೊಮೋನ ರಾಜಂಗ್ ಅಚ್ಚಕ್ ಐಶ್ವರ್ಯ ಇಂಜತೇಂಗಿಯು, ಈ ಒರ್ ಕಾಡ್ ಪೂವ್‌ರಚ್ಚಕ್ ಸಹ ಚಾಯಿ ಬಟ್ಟೆ ಇಟ್ಟಿತ್‌ಲ್ಲೇಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:19

ಇಂಞು ಯೇಸು ಎಣ್ಣ್‌ಚಿ: ದುಂಬ ಐಶ್ವರ್ಯ ಉಳ್ಳ ಒರ್ ಮನುಷ್ಯ ಇಂಜತ್. ಅಂವೊ ಎಕ್ಕಾಲು ನಲ್ಲ ಬೆಲೆ ಬಾಳುವ ಬಟ್ಟೆ ಇಟ್ಟಂಡ್, ಎಕ್ಕಾಲು ಐಶ್ವರ್ಯವಂತನಾಯಿತ್ ಬದ್‍ಕಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:24

ಯೋಹಾನಂಡ ಶಿಷ್ಯಂಗ ಪೋನ ಪಿಂಞ ಯೇಸು ಯೋಹಾನಂಡ ವಿಷಯತ್‍ನ ಜನಡ ಕೂಡೆ ತಕ್ಕ್ ಪರ್ಂದತ್. ಎಂತದ್‍ನ ಕಾಂಬಕಾಯಿತ್ ನಿಂಗ ಮಣಬೂಮಿಕ್ ಪೋಯಿತ್ಂಜಿರ? ಗಾಳಿಯಿಂಜ ಅಲ್ಲಾಡುವ ಪಿಲ್ಲ್‌ನ ನೋಟ್‌ವಕಾಯಿತಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:26

ಪಿಂಞ ಎಂತದ್‍ನ ಕಾಂಬಕ್ ಪೋಯಿರ? ಪ್ರವಾದಿನ ನೋಟ್‍ವಕ್ ಪೋಯಿರ? ಅಕ್ಕು, ಅಂವೊ ಪ್ರವಾದಿಕಿಂಜಲು ಬಲ್ಯಂವೋಂದ್ ನಾನ್ ನಿಂಗಕ್ ಎಣ್ಣ್‌ವಿ.