ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:2 - ಕೊಡವ ಬೈಬಲ್

² ಅಲ್ಲಿ ನೂರ್ ಸಿಪಾಯಿಯಂಗಕ್ ಅದಿಕಾರಿಯಾಯಿತ್ಂಜ ರೋಮ್ ರಾಜ್ಯತ್‍ರ ಒರ್ ಅದಿಕಾರಿಕ್ ಕುಶಿಯುಳ್ಳ ಒರ್ ಆಳ್‍ಕ್ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:27

ನಾಡ ಎಜಮಾನನಾನ ಅಬ್ರಹಾಮಂಡ ದೇವನಾನ, ಯೆಹೋವಂಗ್‌ ಸ್ತೋತ್‌ರವಾಡ್; ಅಂವೊ ತಾಂಡ ದಯೇನ ಸತ್ಯತ್‌ನ ನಾಡ ಎಜಮಾನಡಿಂಜ ಎಡ್‌ತಿತ್‌ಲ್ಲೆ; ನಾನ್‌ ಪ್ರಯಾಣ ಮಾಡಿತ್‌ ಬಪ್ಪಕ, ಯೆಹೋವ ನನ್ನ ನಾಡ ಎಜಮಾನಂಡ ಮನೆಕಾರಡ ಮನೆಕ್‌ ಕಾಕಿಯಂಡ್‌ ಬಂದಿತ್‌ ಉಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 35:8

ಅಲ್ಲಿ ರೆಬೆಕ್ಕಡ ಆರೈಕೆಕಾರ್ತಿಯಾನ ದೆಬೋರ ಚತ್ತ್‌ ಪೊಚಿ. ಅಯಿಂಗ ಅವಳ ಬೇತೇಲ್‌ರ ಪಕ್ಕತ್‌ ಒರ್‌ ತಗ್ಗ್‌ನ ಜಾಗತ್‌ ಉಳ್ಳ ಅಲ್ಲೋನ್ ಮರತ್‌ರ ಅಡಿಲ್‌ ಪೂತಿತ್, ಅದ್‌ಂಗ್ ಅಲ್ಲೋನ್ ಬಾಕೂತ್ ಎಣ್ಣಿಯಂಡ್ ಪೆದಬೆಚ್ಚತ್.

ಜ್ಞಾನತ್‌ರ ಪಡಿಮ 29:21

ಒಬ್ಬ ತಾಂಡ ಗುಲಾಮನ ಚುಮ್ಮಿಯಿಂಜಲೇ ದುಂಬ ಕೊದೀಲ್‌ ಚಾಕ್‌ಚೇಂಗಿ, ಕಡೇಕ್‌ ಅಂವೊ ನೀಡ ಮೋಂವೊನಾಕೊಂಡೂಂದ್‌ ನೀಕ್‌ ಎದ್‌ರ್ ನಿಪ್ಪ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:47

ನೂರ್ ಪಡೆಯಾಳಿಯಡ ಅದಿಕಾರಿ, ಯೇಸುಕ್ ಇನ್ನನೆ ಎಲ್ಲಾ ಆನದ್‍ನ ಕಂಡಿತ್, ಈ ಮನುಷ್ಯ ನೇರಾಯಿತು ನೀತಿವಂತನೇ ಎಣ್ಣಿಯಂಡ್ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:1

ಯೇಸು ಅಂವೊಂಡ ವಾಕ್ಯತ್‍ನ ಜನಕ್ ಬೋದನೆ ಮಾಡ್‍ನ ಪಿಂಞ ಕಪೆರ್ನೌಮ್‍ಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:3

ಈ ಅದಿಕಾರಿಕ್ ಯೇಸು ಬಂದದ್ ಗೊತ್ತಾನಗುಂಡ್, ಅಂವೊ, ಬಂದಿತ್ ತಾಂಡ ಆಳ್‌ನ ವಾಸಿ ಮಾಡಂಡೂಂದ್ ಬೋಡ್‍ವಕ್ ಯೆಹೂದ್ಯ ಮುಕ್ಯಸ್ತಂಗಳ ಅಂವೊಂಡ ಪಕ್ಕ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:42

ಅಲ್ಲಿ ಒರ್ ಪೊಣ್ಣಾಳ್ ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‍ಲ್ ಕಷ್ಟಪಟ್ಟಂಡಿಂಜತ್.

ಅಪೊಸ್ತಲ 10:1

ಇತಾಲ್ಯ ಪಟಾಲ ಎಣ್ಣುವ ಪಟಾಲತ್‌ಲ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾಯಿತ್ಂಜ ಕೊರ್ನೇಲ್ಯ ಎಣ್ಣುವ ಪೆದ ಉಳ್ಳ ಒರ್ ಮನುಷ್ಯ ಕೈಸರೈ ಪಟ್ಟಣತ್‍ಲ್ ಇಂಜತ್.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಅಪೊಸ್ತಲ 22:26

ಈ ತಕ್ಕ್‌ನ ನೂರ್ ಸಿಪಾಯಿಯಂಗಡ ಅದಿಕಾರಿ ಕ್‍ೕಪಕ, ಸೇನೆರ ಅದಿಕಾರಿರ ಪಕ್ಕ ಪೋಯಿತ್: ನೀನ್ ಮಾಡಂಡೂಂದ್ ಆಜ್ಞೆ ಇಟ್ಟ ವಿಷಯತ್‍ಲ್ ಎಚ್ಚರವಾಯಿತಿರ್, ಈ ಮನುಷ್ಯ ರೋಮ್ ರಾಜ್ಯತ್‍ರ ಪ್ರಜೆಯಾಯಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:17

ಅಕ್ಕ ಪೌಲ, ಅಲ್ಲಿಯಿಂಜ ನೂರ್ ಸಿಪಾಯಿಯಂಗಡ ಅದಿಕಾರಿ ಒಬ್ಬನ ಕಾಕಿತ್: ಈ ಬಾಲೆಕಾರನ ಸೇನೆರ ಅದಿಕಾರಿಯಡ ಪಕ್ಕ ಕಾಕಿಯಂಡ್ ಪೋ; ಅಂವೊಂಡ ಪಕ್ಕ ಎಣ್ಣ್‌ವಕ್ ಒರ್ ವಿಷಯ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 27:3

ಪಿತ್ಯಾಂದ್ ನಂಗ ಸೀದೋನ್ ಎಣ್ಣುವ ಹಡಗ್ ನಿಪ್ಪಲ್ಲಿಕ್ ಎತ್ತಿತ್ ಹಡಗ್‍ನ ನಿಪ್ಪ್‌ಚಿಟ್ಟತ್. ಯೂಲ್ಯ ಪೌಲಂಗ್ ದಯೆ ಕಾಟಿತ್, ಪೌಲ ತಾಂಡ ಸ್ನೇಹಿತಂಗಡ ಪಕ್ಕ ಪೋಯಿತ್ ಅಂವೊಂಗ್ ಬೋಂಡಿಯಾನ ಸಹಾಯತ್‍ನ ಪಡೆಯುವನೆಕೆ ಅಪ್ಪಣೆ ಕೊಡ್‍ತತ್.

ಅಪೊಸ್ತಲ 27:43

ಆಚೇಂಗಿ ನೂರ್ ಸಿಪಾಯಿಯಂಗಡ ಅದಿಕಾರಿ, ಪೌಲನ ಕಾಪಾಡ್‌ವಕ್ ಮನಸ್ಸ್ ಬೆಚ್ಚಿತ್, ಅಯಿಂಗಡ ಆಲೋಚನೆನ ತಡ್‍ತತ್. ಅಂವೊ ಅಯಿಂಗಕ್: ಮೀಂದಿತ್ ಪೋಪಯಿಂಗ ನೀರ್‌ಕ್ ಪಾರಿತ್, ಮಿಂಞ ಕರೆಕ್ ಪೋಕಡೂಂದ್ ಎಣ್ಣ್‌ಚಿ.

ಕೊಲೊಸ್ಸೆ 3:22

ಅಡಿಯಾಳ್‌ವಳೇ, ಈ ಲೋಕತ್‍ಲ್ ಉಳ್ಳ ನಿಂಗಡ ಎಜಮಾನಂಗ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು. ಅಯಿಂಗಡ ದಯೆ ಕ್‍ಟ್ಟುವಕಾಯಿತ್, ಅಯಿಂಗ ನಿಂಗಳ ನೋಟಿಯಂಡಿಪ್ಪ ಸಮಯತ್‍ಲ್ ಮಾತ್ರ ಕೆಲಸ ಮಾಡತೆ, ಒಡೆಯಂಡ ಬಕ್ತಿ ಉಳ್ಳಯಿಂಗಳಾಯಿತ್, ಕಪಟ ಇಲ್ಲತ ಮನಸ್ಸ್‌ಲ್ ಕೆಲಸ ಮಾಡಂಡು.