ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:13 - ಕೊಡವ ಬೈಬಲ್

¹³ ಒಡೆಯ ಅವಳ ಕಂಡದು, ಕನಿಕರ ಪಟ್ಟಿತ್: ಮೊರಡತೆ ಎಣ್ಣಿಯಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:13 ပူးပေါင်းရင်းမြစ်များ

ಮಾರ್ಕ 8:2

ನಾಕ್ ಈ ಜನಳ ಕಾಂಬಕ್ ದುಂಬ ಬೇಜಾರಾಯಂಡುಂಡ್. ಈ ಜನ ನಾಡ ಪಕ್ಕ ಮೂಂದ್ ದಿವಸತ್ಂಜ ಒಂದು ತಿಂದಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:1

ಇದೆಲ್ಲಾ ಆನ ಪಿಂಞ ಯೇಸು ಇಂಞು ಎಳ್‌ವದ್ ಜನಳ ಗೊತ್ತ್ ಮಾಡಿತ್, ಅಂವೊಗಿಂಜ ಮಿಂಞ ಅಯಿಂಗಳ ಊರ್ ಊರ್‌ಕ್ ದಂಡ್‌ದಂಡ್ ಆಳಾಯಿತ್ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:1

ಯೇಸು ಒರ್ ಜಾಗತ್‍ಲ್ ಪ್ರಾರ್ಥನೆ ಮಾಡಿತಾನ ಪಿಂಞ, ಅಂವೊಂಡ ಒರ್ ಶಿಷ್ಯ: ಒಡೆಯನೇ, ಯೋಹಾನ ಅಂವೊಂಡ ಶಿಷ್ಯಂಗಕ್ ಪ್ರಾರ್ಥನೆ ಮಾಡ್‌ವಕ್ ಎಣ್ಣಿ ಕೊಡ್‍ತನೆಕೆ ನಂಗಕ್ ಸಹ ಎಣ್ಣಿತಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:39

ಪಿಂಞ ಒಡೆಯ ಅಂವೊಂಗ್: ಫರಿಸಾಯ ಎಣ್ಣುವ ನಿಂಗ ಕುಡಿಪ ಕಪ್ಪ್‌ರ ಪೊರಮೆ ಪಿಂಞ ಉಂಬ ತಳಿಯತ್‍ರ ಪೊರಮೆ ಚಾಯಿತೆ ಶುದ್ದವಾಯಿತ್ ಕತ್ತ್‌ವಿರ, ಆಚೇಂಗಿ ನಿಂಗಡ ಹೃದಯತ್‍ರ ಒಳ್‍ಲ್ ದುಂಬ ಬೋಂಡತ ಆಸೆ ಪಿಂಞ ಕೆಟ್ಟದ್ ದುಂಬಿತುಂಡ್

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:15

ಅದ್ಂಗ್ ಯೇಸು: ಕಪಟಿಯಾನ ನಿಂಗ, ನಿಂಗಡ ಕೂಟ್‌ಲ್ ಉಳ್ಳ ಎತ್ತ್ ಪಿಂಞ ಕತ್ತೆನ ನೀರ್ ಕುಡಿಪಚಿಡ್‌ವಕ್ ಸಬ್ಬತ್ ದಿವಸತ್‍ಲ್ ಕೆಟ್ಟ್ ಉತ್ತಿತ್ ಪೊರಮೆ ಕಾಕಿಯಂಡ್ ಪೋಪ್‍ಲೆಯಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:5

ಅಕ್ಕ ಅಪೊಸ್ತಲಂಗ: ಒಡೆಯನ ನೋಟಿತ್, ನಂಗಡ ನಂಬಿಕೇನ ಸ್ತಿರಮಾಡ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:6

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ಒರ್ ಅತ್ತಿ ಮರಕ್: ನೀನ್ ಬೇರೋಡೆ ಸಮುದ್ರಕ್ ಬೂಳ್‍ೕಂದ್ ಎಣ್ಣ್‌ಚೇಂಗಿ, ಆ ಮರ ನಿಂಗಡ ತಕ್ಕ್ ಕ್‍ೕಟಿತ್ ಬುದ್ದ್‌ಪೋಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:6

ಒಡೆಯ ಶಿಷ್ಯಂಗಳ ನೋಟಿತ್: ನ್ಯಾಯ ಇಲ್ಲತ ಆ ನ್ಯಾಯಾದಿಪತಿ ಎಣ್ಣ್‌ನದ್‍ನ ಗೇನ ಮಾಡಿಯೊಳಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:8

ಜಕ್ಕಾಯಂಡ ಮನೆಲ್ ಯೇಸು ಇಪ್ಪಕ ಅಂವೊ ಎದ್ದ್ ನಿಪ್ಪಂಜಿ: ಒಡೆಯ, ಇಕ್ಕ ನಾನ್ ನಾಡ ಆಸ್ತಿಲ್ ಪಾದಿನ ಗರೀಬಂಗಕ್ ಕೊಡ್‍ಪಿ, ನಾನ್ ದಾರ್‌ಕೇಂಗಿ ಮೋಸ ಮಾಡಿತುಂಡೇಂಗಿ ಅದ್‍ನ ನಾಲ್ ಪಾಲಾಯಿತ್ ಅಯಿಂಗಕ್ ಕೊಡ್‌ಪೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:61

ಆ ಸಮಯತ್‍ಲ್ ಒಡೆಯ ತಿರ್‌ಗಿತ್ ಪೇತ್ರನ ನೇರೆ ನೋಟ್‌ಚಿ. ಮಲ್ಲಂಗೋಳಿ ಕೂವಕ್ ಮಿಂಞ ನೀನ್ ಮೂಂದ್ ಕುರಿ ನನ್ನ ಗೊತ್ತ್‌ಲ್ಲೇಂದ್ ಎಣ್ಣುವಿಯಾಂದ್ ಒಡೆಯ ಎಣ್ಣ್‌ನದ್ ಅಕ್ಕಲೆ ಗೇನ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:3

ಅಯಿಂಗ ಒಳ್‍ಕ್ ಪೋಚಿ. ಆಚೇಂಗಿ, ಒಡೆಯ ಯೇಸುರ ತಡೀನ ಅಯಿಂಗ ಅಲ್ಲಿ ಕಂಡಿತಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:34

ಯೇಸು ನೇರಾಯಿತು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಸೀಮೋನಂಗ್ ಪ್ರತ್ಯಕ್ಷ ಆಚೀಂದ್ ಪನ್ನಂದ್ ಶಿಷ್ಯಂಗಳು ತಕ್ಕ್ ಪರ್ಂದಂಡಿಂಜಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:12

ಯೇಸು, ಊರ್‌ರ ಪಡಿರ ಪಕ್ಕ ಬಪ್ಪಕಾಪಕ, ಜನ ಒರ್ ಚಾವ್ ತಡೀನ ಪೂಪಕ್ ಎಡ್‍ತಂಡ್ ಬಂದಂಡಿಂಜತ್. ಚತ್ತ್ ಪೋನಂವೊ ಅಂವೊಂಡ ಅವ್ವಕ್ ಒರೇ ಮೋಂವೊನಾಯಿತ್ಂಜತ್. ಅವಳೂ ವಿದವೆಯಾಯಿತ್ಂಜತ್. ಆ ಪೊಣ್ಣಾಳ್‍ರ ಕೂಡೆ ದುಂಬ ಜನ ಬಂದಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:14

ಚಾವ್ ತಡೀನ ಎಡ್‍ತಂಡ್ ಪೋಯಂಡಿಂಜ ಪೊಟ್ಟಿರ ಪಕ್ಕ ಪೋಯಿತ್ ಅದ್‍ನ ಮುಟ್ಟ್‌ಚಿ; ಚಾವ್ ತಡೀನ ಪೊರ್‌ತಂಡಿಂಜಯಿಂಗ ನಿಂದತ್; ಅಕ್ಕ ಅಂವೊ, ಬಾಲೆಕಾರನೇ, ಏಳ್ಂದ್ ನಾನ್ ನೀಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:19

ನಿಂಗ ಯೇಸುರ ಪಕ್ಕ ಪೋಯಿತ್: ಬಪ್ಪಕಿಂಜಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ಪಾರಕಾಕಂಡುವಾಂದ್ ಕ್‍ೕಳೀಂದ್ ಎಣ್ಣಿತ್ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:52

ಎಲ್ಲಾರು ಕಂಞಿಕಾಯಿತ್ ದುಃಖಿಚಿಟ್ಟಂಡು ಮೊರಟಂಡು ಇಂಜಾನ ಕಂಡಿತ್, ಕುಂಞಿ ವರಿಯಂಡ್ ಉಂಡ್ ದಾರೂ ಮೊರಡತಿ ದುಃಖಪಡತೀಂದ್ ಯೇಸು ಎಣ್ಣ್‌ಚಿ.

ಯೋಹಾನ 11:2

ಈ ಮರಿಯ ಎಣ್ಣುವವ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ ಅವಡ ತೆಲ್‌ಮಿಲ್ ಅಂವೊಂಡ ಕಾಲ್‌ನ ತ್‍ೕಟ್‌ನವಳಾಯಿತ್ಂಜತ್. ದುಂಬ ಕಾಯಿಲೆಲ್ ಇಂಜ ಲಾಜರ ಇವಡ ತಮ್ಮಣನಾಯಿತ್ಂಜತ್.

ಯೋಹಾನ 11:3

ಅಕ್ಕ ಮಾರ್ಥ ಮರಿಯ ದಂಡಾಳು ಯೇಸುರ ಪಕ್ಕ ಆಳ್‌ನ ಅಯಿಚಿತ್ ಒಡೆಯನೇ, ನೀಡ ಪ್ರೀತಿರ ಸ್ನೇಹಿತ ಕಾಯಿಲೆಲ್ ಉಂಡ್‍ೕಂದ್ ಎಣ್ಣುವಕ್ ಎಣ್ಣ್‌ಚಿ.

ಯೋಹಾನ 20:13

ಅಯಿಂಗ ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾಂದ್ ಕ್‍ೕಟತ್. ಅಯಿಂಗಕ್ ಅವ: ನಾಡ ಒಡೆಯನ ದಾರೋ ಎಡ್‍ತಂಡ್ ಪೋಯಿರ್‌ತ್, ಅಯಿಂಗ ಎಲ್ಲಿ ಇಟ್ಟತೋ ನಾಕ್ ಗೊತ್ತಿಲ್ಲೇಂದ್ ಅವ ಎಣ್ಣ್‌ಚಿ.

ಯೋಹಾನ 20:15

ಯೇಸು ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾ? ನೀನ್ ದಾರ್‌ನ ತ್‍ೕಡಿಯಂಡ್ ಉಳ್ಳಿಯಾಂದ್ ಕ್‍ೕಟತ್. ಅಕ್ಕ ಅವ, ಯೇಸುನ ಆ ತೋಟಕಾರಾಂದ್ ಗೇನ ಮಾಡಿತ್: ಸ್ವಾಮೀ, ನೀನ್ ಅಂವೊನ ಎಡ್‍ತಿತ್ ಉಂಡೇಂಗಿ, ಅಂವೊನ ಎಲ್ಲಿ ಬೆಚ್ಚಿತುಳ್ಳಿಯಾಂದ್ ನಾಕ್ ಎಣ್ಣ್, ನಾನ್ ಪೋಯಿತ್ ಅಂವೊನ ಎಡ್‌ತ ಬಪ್ಪೀಂದ್ ಎಣ್ಣ್‌ಚಿ.

ಯೋಹಾನ 4:1

ಯೇಸು ಯೋಹಾನಕಿಂಜ ದುಂಬ ಶಿಷ್ಯಂಗಳ ಮಾಡಿಯಂಡ್, ದೀಕ್ಷಾಸ್ನಾನ ಕೊಡ್‍ತಂಡುಂಡ್‍ೕಂದ್ ಫರಿಸಾಯಂಗಕ್ ಗೊತ್ತಾಚೀಂದ್ ಯೇಸುಕ್ ಗೊತ್ತಾಚಿ.

ಯೋಹಾನ 6:23

ಆ ಸಮಯತ್‍ಲ್, ಬೋರೆ ದೋಣಿಯ ತಿಬೇರಿಯ ಪೊಳೆರ ಕರೆಯಿಂಜ ಬಾತ್. ಈ ತಿಬೇರಿಯ ಪಟ್ಟಣ, ಯೇಸು ಒಟ್ಟಿನ ದೇವಕ್ ವಂದನೆ ಮಾಡಿತ್ ಕೊಡ್‍ತ ಜಾಗತ್‍ರ ಪಕ್ಕ ಇಂಜತ್.

1 ಕೊರಿಂಥ 7:30

ಮೊರಟಂಡುಳ್ಳಯಿಂಗ ಮೊರಡತಯಿಂಗಡನೆಕೆಯು, ಕುಶೀಲ್ ಉಳ್ಳಯಿಂಗ ಕುಶೀಲ್ ಇಲ್ಲತಯಿಂಗಡನೆಕೆಯು ಪಿಂಞ ಎಂತಾಚೇಂಗಿ ಎಡ್‍ಪಯಿಂಗ ಅದ್‍ನ ಎಕ್ಕಾಲು ಅಯಿಂಗಡ ಪಕ್ಕ ಬೆಕ್ಕತನೆಕೆಯು ಇಕ್ಕಂಡು.

1 ಥೆಸಲೊನೀಕ 4:13

ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಆಸೆ ಎಂತ ಎಣ್ಣ್‌ಚೇಂಗಿ, ಚತ್ತಯಿಂಗಕಾಯಿತ್, ಯೇಸುನ ನಂಬತಯಿಂಗ ನಂಬಿಕೆ ಇಲ್ಲತೆ ವ್ಯಸನ ಪಡ್‌ವನೆಕೆ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕಾಯಿತ್ ನಿಂಗ ವ್ಯಸನಪಟ್ಟಿತ್, ಅಯಿಂಗಡ ವಿಷಯತ್ ಸತ್ಯ ಎಂತ್‍ೕಂದ್ ಗೊತ್ತಿಲ್ಲತೆ ಇಪ್ಪಕ್ಕಾಗ.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.