ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:12 - ಕೊಡವ ಬೈಬಲ್

¹² ಯೇಸು, ಊರ್‌ರ ಪಡಿರ ಪಕ್ಕ ಬಪ್ಪಕಾಪಕ, ಜನ ಒರ್ ಚಾವ್ ತಡೀನ ಪೂಪಕ್ ಎಡ್‍ತಂಡ್ ಬಂದಂಡಿಂಜತ್. ಚತ್ತ್ ಪೋನಂವೊ ಅಂವೊಂಡ ಅವ್ವಕ್ ಒರೇ ಮೋಂವೊನಾಯಿತ್ಂಜತ್. ಅವಳೂ ವಿದವೆಯಾಯಿತ್ಂಜತ್. ಆ ಪೊಣ್ಣಾಳ್‍ರ ಕೂಡೆ ದುಂಬ ಜನ ಬಂದಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:12

ಆ ದೂತ ಅಂವೊಂಗ್: ನೀಡ ಮೋಂವೊಂಡ ಮೇಲೆ ಕೈ ಇಡತೆ. ಅಂವೊನ ಒಂದು ಮಾಡತೆ; ನೀನ್‌ ಅಂವೊನ ನೀಡ ಮೋಂವೋಂದ್, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ನಾಕಾಯಿತ್‌ ಬಲಿಕೊಡ್‌ಪಕ್‌ ಒಪ್ಪಿಚಿಟ್ಟಗುಂಡ್, ನೀನ್‌ ಯೆಹೋವಂಗ್‌ ಬೊತ್ತ್‌ವಿಯಾಂದ್‌ ಇಕ್ಕ ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 22:2

ಅಕ್ಕ ದೇವ: ನೀಡ ಒರೇ ಮೋಂವೊನ, ಅಕ್ಕು, ನೀನ್‌ ದುಂಬ ಪ್ರೀತಿ ಮಾಡುವ ಇಸಾಕನ ಮೊರಿಯ ಎಣ್ಣುವ ದೇಶಕ್‌ ಕಾಕಿಯಂಡ್‌ ಪೋ. ಅಲ್ಲಿ ನಾನ್‌ ನೀಕ್‌ ಎಣ್ಣ್‌ವ ಒರ್‌ ಕುಂದ್ರ ಮೇಲೆ ಅಂವೊನ ದಹನ ಬಲಿಯಾಯಿತ್‌ ಅರ್ಪಿಚಿಡಂಡೂಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:11

ಇದ್ ಆನ ಪಿಂಞ, ಯೇಸು ಅಲ್ಲಿಂಜ ನಾಯಿನ್ ಎಣ್ಣುವ ಊರ್‌ಕ್ ಪೋಚಿ; ಅಂವೊಂಡ ಕೂಡೆ ಅಂವೊಂಡ ಶಿಷ್ಯಂಗ ಪಿಂಞ ದುಂಬ ಜನಳು ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:13

ಒಡೆಯ ಅವಳ ಕಂಡದು, ಕನಿಕರ ಪಟ್ಟಿತ್: ಮೊರಡತೆ ಎಣ್ಣಿಯಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:42

ಅಲ್ಲಿ ಒರ್ ಪೊಣ್ಣಾಳ್ ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‍ಲ್ ಕಷ್ಟಪಟ್ಟಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:52

ಎಲ್ಲಾರು ಕಂಞಿಕಾಯಿತ್ ದುಃಖಿಚಿಟ್ಟಂಡು ಮೊರಟಂಡು ಇಂಜಾನ ಕಂಡಿತ್, ಕುಂಞಿ ವರಿಯಂಡ್ ಉಂಡ್ ದಾರೂ ಮೊರಡತಿ ದುಃಖಪಡತೀಂದ್ ಯೇಸು ಎಣ್ಣ್‌ಚಿ.

ಯೋಹಾನ 11:19

ದುಂಬ ಯೆಹೂದ್ಯಂಗ ಮಾರ್ಥ ಪಿಂಞ ಮರಿಯಡ ಕೂಡೆ ಅಯಿಂಗಡ ತಮ್ಮಣಂಡ ವಿಷಯತತ್‌ಲ್ ತಕ್ಕ್ ಪರಿಚಿಟ್ಟಿತ್, ಸಮಾದಾನ ಮಾಡ್‌ವಕ್ ಬಂದಿತ್ಂಜತ್.

ಅಪೊಸ್ತಲ 9:39

ಪೇತ್ರ ಈ ದಂಡಾಳ್‌ರ ಕೂಡೆ ಪೋಚಿ. ಅಂವೊ ಅಲ್ಲಿ ಪೋಯಿತ್ ಎತ್ತ್‌ನ ಪಿಂಞ ಅಯಿಂಗ ಪೇತ್ರನ ಕೊಡಿಲ್ ಉಳ್ಳ ಕೋಂಬರೇಕ್ ಕಾಕಿಯಂಡ್ ಪೋಚಿ. ಅಲ್ಲಿ ವಿದವೆಯಂಗ ಮೊರಟಂಡ್, ದೊರ್ಕ ಅಯಿಂಗಡ ಕೂಡೆ ಇಪ್ಪಕ ಅಯಿಂಗಕ್ ಮಾಡಿಕೊಡ್‌ತಿತ್ಂಜ ಒಳ್‍ಲ್ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಕಾಟಿತ್ ಅಂವೊಂಡ ಸುತ್ತ್‌ಲ್ ನಿಂದತ್.

ಅಪೊಸ್ತಲ 9:41

ಪೇತ್ರ ಅವಕ್ ಕೈಕೊಡ್‍ತಿತ್, ಎಪ್ಪಿತ್ ದೇವಡ ಮಕ್ಕಳ ಪಿಂಞ ವಿದವೆಯಂಗಳ ಕಾಕಿತ್, ಜೀವವಾಯಿತ್ತುಳ್ಳ ಅವಳ ಅಯಿಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ಯಾಕೋಬ 1:27

ತಬ್ಬಲಿ ಮಕ್ಕ ಪಿಂಞ ವಿದವೆಯಿಂಗಡ ಕಷ್ಟತ್‍ಲ್ ಸಹಾಯ ಮಾಡ್‍ವದ್ ಪಿಂಞ ಈ ಲೋಕತ್‍ರ ಪಾಪ ಅಂವೊನ ದೋಷ ಮಾಡತನೆಕೆ ಕಾಪಾಡಿಯಂಡ್ ಬದ್‍ಕ್‍ವದ್ ಇನ್ನತಾನ ವಿಷಯವೇ, ಅಪ್ಪನಾನ ದೇವಡ ಮಿಂಞತ್ ಶುದ್ದವಾನ ಕಳಂಗ ಇಲ್ಲತ ಬಕ್ತಿಯಾಯಿತ್‌ಪ್ಪ.