ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:49 - ಕೊಡವ ಬೈಬಲ್

⁴⁹ ನಾಡ ತಕ್ಕ್ ಕ್‍ೕಟಿತ್ ಅದ್ಂಡ ಪ್ರಕಾರ ಮಾಡತಂವೊ, ಮಣತ್‌ರ ಮೇಲೆ ಅಡಿಪಾಯಿ ಇಟ್ಟಿತ್ ಮನೆ ಕೆಟ್ಟ್‌ವಂವೊಂಡನೆಕೆ ಇಪ್ಪ. ನೀರ್ ಉಕ್ಕಿ ಬಂದಿತ್ ಮುಟ್ಟ್‌ವಕ ಆ ಮನೆ ಬುದ್ದಿತ್ ಪೋಪ. ಬುದ್ದಿತ್, ಎಲ್ಲಾ ಪಾಳಾಯಿ ಪೋಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:49 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:18

ಸತ್ಯತ್‌ಲ್‌ ನಡ್‌ಪಂವೊ ಸೌಕ್ಯತ್‌ ಇಪ್ಪ. ಕಪಟತನತ್‌ಲ್‌ ದಂಡ್‌ ಬಟ್ಟೆಲ್‌ ನಡ್‌ಪಂವೊ, ಅದ್‌ಂಡ ಒರ್‌ ಬಟ್ಟೆಲ್‌ ಬುದ್ದ್ ಪೋಪ.

ಮತ್ತಾಯ 23:3

ಆನಗುಂಡ್, ಅಯಿಂಗ ಬೋದೆನೆ ಮಾಡ್‌ವ ಪ್ರಕಾರ ನಿಂಗ ನಡ್‌ಕಂಡು ಆಚೇಂಗಿ ಅಯಿಂಗಡ ನಡತೆರ ಪ್ರಕಾರ ನಿಂಗ ನಡ್‌ಕತಿ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಬೋದನೆ ಮಾಡ್‌ವ, ಆಚೇಂಗಿ ಅದ್ಂಡ ಪ್ರಕಾರ ನಡ್‍ಪ್‍ಲೆ.

ಮತ್ತಾಯ 24:10

ಆ ಸಮಯತ್‍ಲ್ ದುಂಬ ಜನ ನಂಬಿಕೆಯಿಂಜ ದೂರ ಪೋಯಿತ್, ಒಬ್ಬಂಗ್ ಒಬ್ಬ ಮೋಸ ಮಾಡಿತ್, ಒಬ್ಬಂಡ ಮೇಲೆ ಒಬ್ಬ ದ್ವೇಶ ಮಾಡ್‌ವ.

ಮಾರ್ಕ 4:17

ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಇಲ್ಲತಗುಂಡ್, ಚೆನ್ನ ಕಾಲ ಮಾತ್ರ ಇಪ್ಪ. ದೇವಡ ವಾಕ್ಯತ್‍ರಗುಂಡ್ ಕಷ್ಟ, ಹಿಂಸೆ ಬಾತೇಂಗಿ ಅಯಿಂಗ ಅದ್‍ನ ಬುಟ್ಟ್‌ರ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:47

ತಾಂಡ ಒಡೆಯಂಡ ಮನಸ್ಸ್ ಗೊತ್ತ್ಂಜಿತು, ಅದ್‍ನ ಮಾಡ್‌ವಕ್ ಕುಶಿಯಿಲ್ಲತೆ, ತಾಂಡ ಜವಾಬ್ದಾರಿನ ಜಾಗ್ರತೆಲ್ ಮಾಡತೆ ಪೋನ ಆಳ್‍ಕ್ ಕಠಿಣ ದಂಡನೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:14

ಅಂವೊಂಡ ಪಟ್ಟಣತ್‍ಲ್ ಉಳ್ಳ ಜನಕೆಲ್ಲ ಅಂವೊಂಡ ಮೇಲೆ ವಿರೋದ ಇಂಜಗುಂಡ್: ಇಂವೊ ನಂಗಡ ರಾಜನಾಯಿತ್ ಇಪ್ಪಕ್ ನಂಗಕ್ ಕುಶಿಯಿಲ್ಲೇಂದ್ ಎಣ್ಣ್‌ವಕ್ ಅಂವೊಂಡ ಬಯ್ಯತ್ ದೂತಂಗಳ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:27

ಇದ್‍ಲ್ಲತೆ, ನಾನ್ ರಾಜನಾಯಿತ್ ಇಪ್ಪದ್ ಕುಶಿ ಇಲ್ಲೇಂದ್ ಎಣ್ಣ್‌ವ ನಾಡ ಶತ್ರುವಳ ಇಲ್ಲಿ ಕೊಂಡ್‌ಬಾರಿ, ನಾಡ ಎದಿಕೆ ಇಕ್ಕಲೆ ಕೊಲ್ಲೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:46

ಒಡೆಯನೇ, ಒಡೆಯನೇಂದ್ ನನ್ನ ನಿಂಗ ಕಾಕ್‍ಚೇಂಗಿಯು, ನಾನ್ ಎಣ್ಣ್‌ನದ್‍ನ ನಿಂಗ ಎನ್ನಂಗ್ ಮಾಡತ ಪೋಪಿರ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:48

ಬಂಡೆ ಕಲ್ಲ್‌ರ ಮೇಲೆ ಆಳವಾಯಿತ್ ಅಡಿಪಾಯ ಇಟ್ಟಿತ್ ಮನೆ ಕೆಟ್ಟ್‌ವ ಮನುಷ್ಯಂಗ್ ಅಂವೊ ಸಮವಾಯಿತ್‌ಪ್ಪ; ಪೊಳೆ ಉಕ್ಕಿತ್ ಮನೆಕ್ ಪೊಜ್ಜತೇಂಗಿಯು, ಮನೆ ಬೂವತನೆಕೆ ಗಟ್ಟಿಯಾಯಿತ್ ನಿಪ್ಪ. ಎನ್ನಂಗೆಣ್ಣ್‌ಚೇಂಗಿ ಆ ಮನೆರ ಅಡಿಪಾಯ ಬಂಡೆ ಕಲ್ಲ್‌ರ ಮೇಲೆ ಇಟ್ಟಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:1

ಯೇಸು ಅಂವೊಂಡ ವಾಕ್ಯತ್‍ನ ಜನಕ್ ಬೋದನೆ ಮಾಡ್‍ನ ಪಿಂಞ ಕಪೆರ್ನೌಮ್‍ಕ್ ಪೋಚಿ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಅಪೊಸ್ತಲ 20:29

ನಾನ್ ಇಲ್ಲಿಂಜ ಪೋನ ಪಿಂಞ ಗೋರವಾನ ತೋಳಂಗಡನೆಕೆ ಕಳ್ಳ ಬೋದನೆಕಾರಂಗ ನಿಂಗಡ ಪಕ್ಕ ಬಪ್ಪಾಂದ್ ನಾಕ್ ಗೊತ್ತುಂಡ್; ಅಯಿಂಗ ಸಬೆರ ಜನತ್‍ನ ಪಾಳ್ ಮಾಡತೆ ಬುಡುಲೆ.

ಅಪೊಸ್ತಲ 26:11

ಒರ್ ಸಬಾಮಂದಿರತ್ಂಜ ಇನ್ನೊಂದ್ ಸಬಾಮಂದಿರಾಂದ್ ಎಲ್ಲಾ ಸಬಾಮಂದಿರಕ್ ಪೋಯಿತ್, ನಾನ್ ಸುಮಾರ್ ಕುರಿ ಅಯಿಂಗಳ ಪೊಜ್ಜಿತ್, ದೇವ ದೂಷಣೆ ಎಣ್ಣ್‌ವಕ್ ಒತ್ತಾಯ ಮಾಡ್‍ನ; ಇದ್‍ಲ್ಲತೆ ಅಯಿಂಗಡ ಮೇಲೆ ದುಂಬ ಚೆಡಿಯುಳ್ಳಂವೊನಾಯಿತ್, ಯೆಹೂದ್ಯಂಗ ಅಲ್ಲತ ಬೋರೆ ಜಾತಿಯಂಗಡ ಪಟ್ಟಣಕತ್ತನೆ ಅಯಿಂಗಕ್ ತೊಂದರೆ ಕೊಡ್‌ತಿಯೆ.

1 ಥೆಸಲೊನೀಕ 3:5

ಆನಗುಂಡ್, ನಿಂಗಡ ವಿಷಯತ್ ನಾಕ್ ಪಾರಕಾತಂಡ್ ಇಪ್ಪಕ್ ಕಯ್ಯತೆ, ಯೇಸುರ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಎನ್ನನೆ ಉಂಡ್‍ೕಂದ್ ಗೊತ್ತಾಪಕಾಯಿತ್ ಅಂವೊನ ನಿಂಗಡ ಪಕ್ಕ ಅಯಿಚಿಯೆ. ನಂಗಳ ಸೋದನೆ ಮಾಡ್‌ವ ಸೈತಾನ ನಿಂಗಳ ಸೋದನೆ ಮಾಡಿತ್, ನಂಗ ಇಲ್ಲಿಕತ್ತನೆ ನಿಂಗಡಲ್ಲಿ ಮಾಡ್‍ನ ದೇವಡ ಸೇವೇಕ್ ಒರ್ ಪ್ರಯೋಜನವು ಇಲ್ಲತ ಪೋಯಿರುವಾಂದ್ ನಾಕ್ ಪೋಡಿ ಆಚಿ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.