ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:38 - ಕೊಡವ ಬೈಬಲ್

³⁸ ಕೊಡಿ, ಅಕ್ಕ ದೇವ ನಿಂಗಕು ಕೊಡ್‍ಪ; ಅಮ್‌ಕಿ, ಕುಲ್‍ಕಿ, ತುಳ್‌ಕಿ ನಿಂಗಡ ಮಡ್‌ಲ್ ಚಾಯಿತೆ ಅಳ್‌ತೆ ಮಾಡಿತ್ ಕೊಡ್‍ಪ; ನಿಂಗ ಏದ್ ಅಳ್‌ತೆಲ್ ಅಳ್‍ಪಿರ ಅದೇ ಅಳ್‌ತೆಲ್ ನಿಂಗಕು ಅಳ್‌ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:38 ပူးပေါင်းရင်းမြစ်များ

ಎಸ್ತೆರ್‌ 7:10

ಅಯಿಂಗ ಮೊರ್ದೆಕೈಕಾಯಿತ್‌ ಹಾಮಾನ ತಯಾರ್‌ ಮಾಡ್‌ನ ತೂಕ್‌ಮರತ್‌ಲ್‌ ತೂಕ್‌ಚಿ. ಅಕ್ಕ ರಾಜಂಡ ಚೆಡಿ ಕಮ್ಮಿಯಾಚಿ.

ಎಸ್ತೆರ್‌ 9:25

ಆಚೇಂಗಿಯು ಎಸ್ತೇರ್, ರಾಜಂಡ ಮಿಂಞತ್‌ ಪೋಯಿತ್, ಒಳ್‌ದಿತುಳ್ಳ ಆಜ್ಙೇನೆ ಕೊಡ್‌ತ್ತತ್. ಹಾಮಾನ ಯೆಹೂದ್ಯಂಗಕ್‌ ವಿರುದ್ದವಾಯಿತ್‌ ಗೇನ ಮಾಡ್‌ನ ಚದಿನ ಅಂವೊಂಡ ಮಂಡೆರ ಮೇಲೆಯೇ ಬಪ್ಪನೆಕೆ ಬೋರೆ ಆಜ್ಞೆನ ಮಾಡ್‍ನಗುಂಡ್, ಅಂವೊನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಸಹ ತೂಕ್‌ಮರತ್‌ಲ್‌ ಇಟ್ಟತ್.

ಜ್ಞಾನತ್‌ರ ಪಡಿಮ 10:22

ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 22:9

ದಯೆ ಕಣ್ಣ್‌ ಉಳ್ಳಂವೊಂಗ್‌ ಆಶೀರ್ವಾದ ಕ್‌ಟ್ಟುವ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ತಾಂಡ ಕೂಳ್‌ನ ಗರೀಬಂಗ್‌ ಕೊಡ್‌ಪ.

ಮತ್ತಾಯ 10:42

ಎಲ್ಲಾ ಶಿಷ್ಯಂಗಕಿಂಜ ಸಾದುವಾನ ಒರ್ ಶಿಷ್ಯಂಗ್, ನಾಡ ಶಿಷ್ಯಾಂದ್ ಗೊತ್ತಾನಗುಂಡ್, ನಿಂಗ, ಒರ್ ಲೋಟ ನೀರ್ ಕೊಡ್‍ತಕ, ಕಂಡಿತವಾಯಿತ್ ಅದ್ಂಡ ಫಲ ಕ್‍ಟ್ಟತೆ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 7:2

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಬೋರೆ ಜನತ್‍ನ ಎನ್ನನೆ ತೀರ್ಪ್ ಮಾಡ್‍ವಿರೋ ಅನ್ನನೆ ದೇವ ನಿಂಗಕು ತೀರ್ಪ್ ಮಾಡ್‌ವ. ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ.

ಮಾರ್ಕ 4:24

ಇಂಞು ಅಯಿಂಗಳ ಅಂವೊ ನೋಟಿತ್ ಎಣ್ಣ್‌ಚಿ; ನಿಂಗ ಜಾಗ್ರತೆಲ್ ಕ್‍ೕಳಿ, ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ, ಇಂಞು ದುಂಬ ಮ‌ಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:30

ನಿಂಗಡ ಪಕ್ಕ ಕ್‍ೕಪಯಿಂಗಕ್ ಕೊಡಿ ಪಿಂಞ ದಾರೇಂಗಿಯು ನಿಂಗಡ ವಸ್ತುನ ಎಡ್‌ತತೇಂಗಿ ಪುನಃ ಅದ್‍ನ ವಾಪಸ್ ಕ್‍ೕಕತಿ.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.