ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:30 - ಕೊಡವ ಬೈಬಲ್

³⁰ ನಿಂಗಡ ಪಕ್ಕ ಕ್‍ೕಪಯಿಂಗಕ್ ಕೊಡಿ ಪಿಂಞ ದಾರೇಂಗಿಯು ನಿಂಗಡ ವಸ್ತುನ ಎಡ್‌ತತೇಂಗಿ ಪುನಃ ಅದ್‍ನ ವಾಪಸ್ ಕ್‍ೕಕತಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:30 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 21:26

ಅಂವೊ ದಿವಸಯೆಲ್ಲಾ ಕುಶಿಲ್‌ ಆಸೆಪಟ್ಟಂಡೇ ಉಂಡ್. ಆಚೇಂಗಿ ನೀತಿವಂತ ತಾಂಗಾಯಿತ್‌ ಬೆಕ್ಕತೆ ಉದಾರವಾಯಿತ್‌ ಕೊಡ್‌ಪ.

ಜ್ಞಾನತ್‌ರ ಪಡಿಮ 22:9

ದಯೆ ಕಣ್ಣ್‌ ಉಳ್ಳಂವೊಂಗ್‌ ಆಶೀರ್ವಾದ ಕ್‌ಟ್ಟುವ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ತಾಂಡ ಕೂಳ್‌ನ ಗರೀಬಂಗ್‌ ಕೊಡ್‌ಪ.

ಮತ್ತಾಯ 18:35

ಇನ್ನನೆ ನಿಂಗಳು ಸಹ, ನಿಂಗಡ ಅಣ್ಣತಮ್ಮಣಂಗ ಮಾಡ್‍ನ ಪಾಪತ್‍ನ ನೇರಾಯಿತ್ ಮನ್ನಿಚಿಡತ ಪೋನಕ, ಪರಲೋಕತ್‍ಲ್ ಉಳ್ಳ ನಾಡ ಅಪ್ಪ ಇನ್ನನೆ ನಿಂಗಕ್ ಸಹ ಮಾಡ್‌ವಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 5:39

ನಾನ್ ಇಕ್ಕ ಎಣ್ಣ್‌ವಿ. ನಿಂಗಕ್ ಮೋಸ ಮಾಡ್‍ನಯಿಂಗಡ ಮೇಲೆ ಪಗೆ ಬೆಕ್ಕತಿ. ಒಬ್ಬ ನೀಡ ಬಲ್‌ತೆ ದವಡೆಕ್ ಪೊಜ್ಜತೇಂಗಿ, ಅಂವೊ ನಿಂಗಡ ಎಡ್‍ತೆ ದವಡೆಕ್ ಸಹ ಪೊಯ್ಯುವಕ್ ಕಾಟಿಕೊಡಿ.

ಮತ್ತಾಯ 6:12

ನಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:41

ನಿಂಗ ನಿಂಗಡದ್‍ೕಂದ್ ಗೇನಮಾಡಿಯಂಡುಳ್ಳದ್‍ನ ಗರೀಬಂಗಕ್ ಕೊಡಿ, ಅಕ್ಕ ಎಲ್ಲಾ ನಿಂಗಕ್ ಶುದ್ದ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22

ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:29

ಒಬ್ಬ ನಿಂಗಡ ಒರ್ ದವಡೆಕ್ ಪೊಜ್ಜತೇಂಗಿ, ಅಂವೊ ನಿಂಗಡ ಇಂಞೊರ್ ದವಡೆನ ಪೊಯ್ಯುವಕ್ ಕಾಟಿಕೊಡಿ; ನಿಂಗಡ ಬಟ್ಟೇನ ಎಡ್‌ಪಯಿಂಗಕ್ ನಿಂಗಡ ಕೋಟ್‍ನ ಸಹ ಎಡ್‍ಪಕ್ ತಡ್‍ಕತಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:31

ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ, ಅನ್ನನೆ ನಿಂಗ ಸಹ ಅಯಿಂಗಕ್ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:38

ಕೊಡಿ, ಅಕ್ಕ ದೇವ ನಿಂಗಕು ಕೊಡ್‍ಪ; ಅಮ್‌ಕಿ, ಕುಲ್‍ಕಿ, ತುಳ್‌ಕಿ ನಿಂಗಡ ಮಡ್‌ಲ್ ಚಾಯಿತೆ ಅಳ್‌ತೆ ಮಾಡಿತ್ ಕೊಡ್‍ಪ; ನಿಂಗ ಏದ್ ಅಳ್‌ತೆಲ್ ಅಳ್‍ಪಿರ ಅದೇ ಅಳ್‌ತೆಲ್ ನಿಂಗಕು ಅಳ್‌ಪ.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.