ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:25 - ಕೊಡವ ಬೈಬಲ್

²⁵ ತೃಪ್ತಿಯಾಯಿತುಳ್ಳ ನಿಂಗಕ್ ಅಯ್ಯೋ! ನಿಂಗಕ್ ಕೆಲ ಪಯಿಚಂಡಿಪ್ಪ. ಇಕ್ಕ ತೆಳಿಚಂಡುಳ್ಳ ನಿಂಗಕ್ ಅಯ್ಯೋ! ಮಿಂಞಕ್ ದುಃಖತ್‍ಲ್ ಮೊರಡ್‌ವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:13

ಒಬ್ಬ ತೆಳ್‌ಚಂಡಿಪ್ಪಕಲು ಮನಸ್ಸ್‌ ದುಃಖತ್‌ ಇಪ್ಪ; ಆ ಕುಶೀರ ಆಕೀರ್‌ ಬೇಜಾರ್‌ ಆಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 30:9

ಇಲ್ಲತಪೋಚೇಂಗಿ, ನಾಕ್‍ ಜಾಸ್ತಿ ಕ್‍ಟ್ಟಿತ್: ಯೆಹೋವ ದಾರ್‍ೕಂದ್‌ ನಿನ್ನ ತ್‌ಕ್ಕಾರ ಮಾಡುವಿ, ಗರೀಬನಾಚೇಂಗಿ ನಾನ್‌ ಕದ್ದಿತ್‌ ನಾಡ ದೇವನಾನ ನೀಡ ಪೆದಕ್‌ ಅವಮಾನ ಕೊಂಡಬಪ್ಪಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20

ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:28

ಅಬ್ರಹಾಮ, ಇಸಾಕ, ಯಾಕೋಬ ಪಿಂಞ ಎಲ್ಲಾ ಪ್ರವಾದಿಯಳ ದೇವಡ ರಾಜ್ಯತ್‍ಲ್ ನಿಂಗ ಕಾಂಬಿರ. ಆಚೇಂಗಿ ನಿಂಗಳ ಪೊರಮೆ ಇಟ್ಟ್‌ರ್‍ವ ಅಕ್ಕ ನಿಂಗೆಲ್ಲಾರು ಮೊರಟಂಡ್, ಪಲ್ಲ್ ಕಡಿಚಂಡ್ ನರಳಿಯಂಡ್ ಕೂತ್‌ಕೊಡ್‌ಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:24

ಇಕ್ಕ ಐಶ್ವರ್ಯತ್‌ಳುಲ್ಲ ನಿಂಗಕ್ ಅಯ್ಯೋ! ಸುಕತ್‍ರ ಬದ್‍ಕ್ ನಿಂಗಕ್ ಇಲ್ಲಿಯೇ ಕ್‌ಟ್ಟಿಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:26

ಜನ ನಿಂಗಳ ದುಂಬ ಹೊಗಳಿಯಂಡುಂಡೇಂಗಿ ನಿಂಗಕ್ ಅಯ್ಯೋ! ಪೂರ್ವ ಕಾಲತ್‍ರ ಅಪ್ಪಂಗಳು, ಕಳ್ಳ ಪ್ರವಾದಿಯಂಗಕ್ ಅನ್ನನೆ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:53

ಅಯಿಂಗ ಎಲ್ಲಾರ್‌ಕು ಕುಂಞಿ ಚತ್ತ್ ಪೋಚೀಂದ್ ಗೊತ್ತಾನಗುಂಡ್ ಯೇಸುರ ತಕ್ಕ್‌ಕ್ ಅಯಿಂಗ ಎಲ್ಲಾರು ತೆಳ್‍ಚತ್.

ಎಫೆಸ 5:4

ಅನ್ನನೆ ಕೆಟ್ಟ ತಕ್ಕ್, ಬುದ್ದಿಯಿಲ್ಲತ ತಕ್ಕ್ ಪಿಂಞ ಪ್ರಯೋಜನ ಇಲ್ಲತ ತಕ್ಕ್ ನಿಂಗಕ್ ಆಪುಲೆ, ಆಂಡ ಬದ್‍ಲ್ ದೇವಕ್ ವಂದನೆ ಎಣ್ಣಂಡು.

1 ಥೆಸಲೊನೀಕ 5:3

ಜನ ಸಮಾದಾನ ಉಂಡ್‍ೕಂದು, ಒರ್ ತೊಂದರೆಯು ಇಲ್ಲೇಂದು ಎಣ್ಣುವಕ, ಒರ್ ಪೊಣ್ಣಾಳ್‌ಕ್ ಪೆರುವ ನೊಂಬಲ ಎನ್ನನೆ ಒಮ್ಮಕೆ ಬಪ್ಪ, ಅನ್ನನೆ ಅಯಿಂಗಡ ಮೇಲೆ ನಾಶ ಬಪ್ಪ; ಅಕ್ಕ ದಾರೂ ತಪ್ಪ್‌ಚಿಡ್‌ವಕ್ ಕಯ್ಯುಲೆ.

ಯಾಕೋಬ 4:9

ನಿಂಗ ದುಃಖಿತ್, ಗೋಳಾಡಿತ್, ಮೊರಟಿತ್ ನಿಂಗಡ ತೆಳಿನ ಬದ್‍ಲ್ ಮಾಡಿತ್ ವ್ಯಸನ ಪಡಿರಿ, ನಿಂಗಡ ಕುಶೀರ ಬದ್‍ಲ್ ವ್ಯಸನ ಪಡಿರಿ.

ಪ್ರಕಟನೆ 3:17

ನಾನ್ ಐಶ್ವರ್ಯವಂತಂವೊ, ನಾಕ್ ದುಂಬ ಸೊತ್ತ್ ಕೂಟಿ ಬೆಚ್ಚಿಯೆ, ನಾಕ್ ಒಂದು ಕಮ್ಮಿಯಿಲ್ಲೇಂದ್ ನೀನ್ ಎಣ್ಣಿಯಂಡುಳ್ಳಿಯ. ಆಚೇಂಗಿ, ನೇರಾಯಿತ್ ನೀನ್ ಒರ್ ಗತಿಯು ಇಲ್ಲತಂವೊನಾಯಿತು, ವ್ಯಸನಕಾರನಾಯಿತು, ಗರೀಬನಾಯಿತು, ಕುರ್‌ಡನಾಯಿತು, ಬೆತ್ತಲೆಯಾಯಿತು ಉಳ್ಳಿಯಾಂದ್ ನೀಕ್ ಅರ್ಥ ಆಯಂಡಿಲ್ಲೆ.