ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:24 - ಕೊಡವ ಬೈಬಲ್

²⁴ ಇಕ್ಕ ಐಶ್ವರ್ಯತ್‌ಳುಲ್ಲ ನಿಂಗಕ್ ಅಯ್ಯೋ! ಸುಕತ್‍ರ ಬದ್‍ಕ್ ನಿಂಗಕ್ ಇಲ್ಲಿಯೇ ಕ್‌ಟ್ಟಿಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:32

ಪಾಪ ಜನತ್‌ನ (ಸಾದು ಜನತ್‌ನ) ಅಯಿಂಗಡ ಮೂಡತನವೇ ಕೊಂದ್‌ರ್‌ವ, ಮೂಡಂಗ ಅಯಿಂಗಡ ಎಚ್ಚರಯಿಲ್ಲತ ನಡತೆಯಿಂಜ ನಾಶ ಆಯಿಪೋಪ.

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:2

ಆನಗುಂಡ್ ನಿಂಗ ದರ್ಮ ಕಾರ್ಯ ಮಾಡ್‌ವಕ, ಕಪಟಿಯಂಗ ಮಾಡ್‌ವನೆಕೆ ಸಬಾಮಂದಿರತ್‍ಲ್ ಪಿಂಞ ರಸ್ತೆಲ್ ಪೋಪಯಿಂಗಕ್, ಅಯಿಂಗ ಮಾಡ್‌ವ ದರ್ಮ ಕಾರ್ಯ ಗೊತ್ತಾಡ್‍ೕಂದು ಅಯಿಂಗ ನಿಂಗಳ ಕೊಂಡಾಡಂಡೂಂದು ಕೊಂಬ್ ಊದ್‍ವನೆಕೆ ನಿಂಗ ಮಾಡಂಡ. ಅಯಿಂಗಕ್ ಕ್‍ಟ್ಟ್‌ವಕುಳ್ಳ ಎಲ್ಲಾ ಫಲವು ಕ್‍ಟ್ಟ್‌ಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:25

ತೃಪ್ತಿಯಾಯಿತುಳ್ಳ ನಿಂಗಕ್ ಅಯ್ಯೋ! ನಿಂಗಕ್ ಕೆಲ ಪಯಿಚಂಡಿಪ್ಪ. ಇಕ್ಕ ತೆಳಿಚಂಡುಳ್ಳ ನಿಂಗಕ್ ಅಯ್ಯೋ! ಮಿಂಞಕ್ ದುಃಖತ್‍ಲ್ ಮೊರಡ್‌ವಿರ.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

ಯಾಕೋಬ 2:6

ಆಚೇಂಗಿ ನಿಂಗ ಬಡವಯಿಂಗಳ ಅಲ್ಲಗೆಳದಿತುಳ್ಳಿರ. ಐಶ್ವರ್ಯವಂತಯಿಂಗತಾನೆ ನಿಂಗಳ ಮೋಸ ಮಾಡ್‌ವಯಿಂಗ? ಅಯಿಂಗತಾನೆ ನಿಂಗಳ ನ್ಯಾಯ ತೀರ್ಪ್‌ರ ಜಾಗಕ್ ಬಲ್‍ಚಂಡ್ ಪೋಪ?