ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:23 - ಕೊಡವ ಬೈಬಲ್

²³ ಇದೆಲ್ಲಾ ಆಪಕ ಕುಶಿ ಪಡಿರಿ. ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಅಯಿಂಗಡ ಅಪ್ಪಯಿಂಗಳೂ ಪ್ರವಾದಿಯಂಗಕ್ ಅನ್ನನೆ ಮಾಡಿಯೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:23 ပူးပေါင်းရင်းမြစ်များ

ಮಲಾಕಿ 4:1

ಇದಾ, ಕಡಾಯ ತೊಲೆ ತಿತ್ತ್‌ಲ್‌ ಕತ್ತ್‌ವನೆಕೆ ಒರ್‌ ದಿವಸ ಬಪ್ಪ. ಅಕ್ಕ ಆಂಗಾರಿಯ ಎಲ್ಲಾರು, ವಂಚನೆ ಮಾಡುವಯಿಂಗ ಎಲ್ಲಾರು ಒಣಂಗ್‌ನ ಎಲ್ಕಂಡರನೆಕೆ ಇಪ್ಪ. ಬಪ್ಪ ಆ ದಿವಸ ಅಯಿಂಗಳ ಚುಟ್ಟ್‌ರ್‌ವ. ಅದ್‌ ಬೇರ್‌ ಪಿಂಞ ಕೊಂಬ್‌ನ ಸತ ಅಯಿಂಗಕ್‌ ಉಳಿಕೆ ಮಾಡುಲೆ.

ಮತ್ತಾಯ 5:12

ಸಂತೋಷವಾಯಿತ್ ಇರಿ, ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಎನ್ನಂಗೆಣ್ಣ್‌ಚೇಂಗಿ, ನಿಂಗಕಿಂಜ ಮಿಂಞ ಇಂಜ ಪ್ರವಾದಿಯಂಗಕ್ ಸಹ ಅಯಿಂಗ ಇನ್ನನೆ ಹಿಂಸೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:41

ಎಲಿಸಬೇತ್‌ಕ್ ಮರಿಯಡ ವಂದನೆರ ಸದ್ದ್ ಕ್‍ೕಪಕ, ಅವಡ ಕೆಲತ್‌ಲ್ ಉಳ್ಳ ಕುಂಞಿ ತುಳ್ಳ್‌ಚಿ; ಎಲಿಸಬೇತ್ ಪವಿತ್ರಾತ್ಮತ್‍ಲ್ ದುಂಬಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:44

ಅದ, ನೀಡ ನಲ್ಲ ತಕ್ಕ್ ನಾಡ ಕೆಮಿಲ್ ಕ್‍ೕಪಕಾಪಕ ನಾಡ ಕೆಲತ್‌ಲ್ ಉಳ್ಳ ಕುಂಞಿ ಕುಶೀಲ್ ತುಳ್ಳಿ ಕಳಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:35

ಆಚೇಂಗಿ ನಿಂಗ ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಲ್ಲದ್ ಮಾಡಿ, ಪುನಃ ನಂಗಕ್ ಕ್‍ಟ್ಟ್‌ವಾಂದ್ ಬಯಂದತೆ, ಅಯಿಂಗಕ್ ಸಾಲ ಕೊಡಿ, ಅಕ್ಕ ನಿಂಗಡ ಫಲ ಬಲ್ಯದಾಯಿತಿಪ್ಪ ಪಿಂಞ ನಿಂಗ ದೇವಾದಿ ದೇವಡ ಮಕ್ಕಳಾಯಿತ್‌ಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ಅಂವೊ ಕೆಟ್ಟ ಜನಕ್ ಪಿಂಞ ದುಷ್ಟಯಿಂಗಕ್ ನಲ್ಲದ್ ಮಾಡಿಯಂಡುಂಡ್.

ಅಪೊಸ್ತಲ 14:10

ನೀಡ ಕಾಲ್‌ನ ನೇರೆ ನ್‍ೕಟಿತ್ ನಿಂದಾಂದ್ ಬಲ್ಯ ಸ್ವರತ್ ಎಣ್ಣ್‌ಚಿ. ಅಕ್ಕನ್ನೆ, ಆ ಮನುಷ್ಯ ಪಾರಿಯಂಡ್ ಎದ್ದಿತ್ ನಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 3:8

ಅಂವೊ ತುಳ್ಳಿಯಂಡ್ ನಡ್‍ಪಕ್ ಸುರ್ ಮಾಡ್‍ಚಿ. ನಡ್ಂದ್ ಕಳಿಚಿತ್, ದೇವನ ತುದಿಚಂಡ್ ಪೇತ್ರ ಪಿಂಞ ಯೋಹಾನಂಡ ಕೂಡೆ ದೇವಾಲಯತ್‍ರ ಒಳ್‍ಕ್ ಪೋಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ರೋಮ್ 5:3

ಅದ್ ಮಾತ್ರ ಅಲ್ಲ, ಕಷ್ಟ ತಾಳ್ಮೆನೆ, ತಾಳ್ಮೆ ಚಾಯಿ ಗುಣತ್‍ನ, ಚಾಯಿ ಗುಣ ನಿರಿಕ್ಷೇನ ಉಂಟ್ ಮಾಡ್‌ವಾಂದ್ ನಂಗಕ್ ಗೊತ್ತಾಯಿತ್,

2 ಕೊರಿಂಥ 12:10

ಆನಗುಂಡ್, ಕ್ರಿಸ್ತಂಗಾಯಿತ್ ನಾಕ್ ಬಪ್ಪ ಬಲಹೀನವಾನ ವಿಷಯತ್‍ಲ್, ಜನ ಎಣ್ಣುವ ದೂಷಣೇಲ್, ಹಿಂಸೇಲ್, ಕಷ್ಟತ್‍ಲ್, ದುಃಖತ್‍ಲ್ ನಾನ್ ಕುಶಿಪಟ್ಟಂಡುಳ್ಳ. ಅನ್ನನೆ, ನಾನ್ ಬಲಹೀನವಾಯಿತ್ ಇಪ್ಪಕಲೆ ಬಲ ಉಳ್ಳಂವೊನಾಯಿತುಳ್ಳ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

2 ತಿಮೊಥೆಯ 2:12

ನಂಗ ಅಂವೊಂಡ ಕೂಡೆ ಕಷ್ಟಪಟ್ಟತೇಂಗಿ ನಂಗ ಸಹ ಅಂವೊಂಡ ಕೂಡೆ ಆಳು‍ವೆ ಮಾಡ್‌ವ, ನಂಗ ಯೇಸುನ ಗೊತ್ತ್‌ಲ್ಲೇಂದ್ ಎಣ್ಣ್‌ಚೇಂಗಿ ಅಂವೊ ಸಹ ನಂಗಳ ಗೊತ್ತ್‌ಲ್ಲೇಂದ್ ಎಣ್ಣುವ.

ಇಬ್ರಿಯ 11:26

ಐಗುಪ್ತ ದೇಶತ್‍ರ ಆಸ್ತಿಕಿಂಜ ಕ್ರಿಸ್ತಂಗಾಯಿತ್ ಕ್‍ಟ್ಟುವ ಅವಮಾನತ್‍ನ ಬಲ್ಯ ಆಸ್ತಿಯಾಯಿತ್ ಲೆಕ್ಕ ಮಾಡಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಪ್ರತಿಫಲಕಾಯಿತ್ ನೋಟಿಯಂಡಿಂಜತ್.

ಇಬ್ರಿಯ 11:6

ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.

ಯಾಕೋಬ 1:2

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ಬಪ್ಪ ನಾನಾತರ ಪರೀಕ್ಷೆನ ಸಂತೋಷವಾಯಿತ್ ಎಡ್‌ತೊಳಿ.

1 ಪೇತ್ರ 4:13

ಆಚೇಂಗಿ, ಕ್ರಿಸ್ತಂಡ ಕಷ್ಟತ್‍ಲ್ ನಿಂಗ ಪಾಲ್‍ದಾರಂಗಳಾಯಿತ್ ಉಳ್ಳಿರಾಂದ್ ಅದ್‍ಲ್ ಕುಶಿಪಡಿ, ಅಕ್ಕ, ಅಂವೊಂಡ ಮಹಿಮೆ ಎಲ್ಲಾರ್‌ಕು ಕಾಂಬನೆಕೆ ಆಪಕ, ನಿಂಗಕ್ ಬಾರಿ ಕುಶಿ ಆಪ.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 2:26

ದಾರೆಲ್ಲಾ ಗೆಲ್ಲುವ ಪಿಂಞ ಆಕೀರ್‌ಕತ್ತನೆ ನಾಡ ಕ್ರಿಯೇಲ್ ನಡ್‍ಪ, ಅಯಿಂಗಕ್ ಎಲ್ಲಾ ಜನಡಮೇಲೆ ಅದಿಕಾರ ತಪ್ಪಿ.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 21:7

ದಾರೆಲ್ಲಾ ಗೆಲ್ಲುವ ಅಯಿಂಗ, ಎಲ್ಲಾಂಗು ಬಾದ್ಯಕಾರಂಗಳಾಯಿತ್ ಇಪ್ಪ. ನಾನ್ ಅಂವೊಂಡ ದೇವನಾಯಿತಿಪ್ಪಿ ಅಂವೊ ನಾಡ ಮೋಂವೊನಾಯಿತ್‌ಪ್ಪ.

ಪ್ರಕಟನೆ 3:12

ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.

ಪ್ರಕಟನೆ 3:5

ದಾರೆಲ್ಲ ಗೆಲ್ಲುವ, ಅಂವೊಂಗ್ ಬೊಳ್‍ತ ಬಟ್ಟೆ ಇಡ್‍ವನೆಕೆ ಆಪ; ಅಂವೊಂಡ ಪೆದತ್‍ನ ಜೀವ ಪುಸ್ತಕತ್ಂಜ ಮಾಜ್ ಪೋಪಕ್ ನಾನ್ ಬುಡುಲೆ. ನಾನ್ ನಾಡ ಅಪ್ಪಂಡ ಮಿಂಞತ್ ಪಿಂಞ ಅಂವೊಂಡ ದೂತಂಗಡ ಮಿಂಞತ್ ಅಂವೊ ನಾಡಂವೋಂದ್ ಅರಿಚಿಡುವಿ.