ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:20 - ಕೊಡವ ಬೈಬಲ್

²⁰ ಅಕ್ಕ ಯೇಸು, ಅಂವೊಂಡ ಶಿಷ್ಯಂಗಳ ನೋಟಿತ್: ಗರೀಬಂಗಳಾಯಿತುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ದೇವಡ ರಾಜ್ಯ ನಿಂಗಡ‌ದ್!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:19

ಆಂಗಾರಿಯಡ ಕೂಡೆ ಲೂಟಿನ ಪಾಲ್‌ ಮಾಡಿಯೊಕಿಂಜಿ, ಗರೀಬಂಡ ಕೂಡೆ ತಗ್ಗಿತ್‌ ಇಪ್ಪದೇ ನಲ್ಲದ್.

ಜ್ಞಾನತ್‌ರ ಪಡಿಮ 19:1

ಕಪಟವಾಯಿತ್‌ ತಕ್ಕ್‌ ಪರಿವ ಮೂಡಕಿಂಜಿ, ಸತ್ಯತ್‌ಲ್‌ ನಡ್‌ಪ ಗರಿಬನೇ ಮೇಲ್.

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮತ್ತಾಯ 5:1

ದುಂಬ ಜನಡ ಗುಂಪ್ ಬಂದಂಡಿಪ್ಪದ್‍ನ ಕಂಡಿತ್ ಯೇಸು, ಅಂವೊಂಡ ಶಿಷ್ಯಂಗಡ ಕೂಡೆ ಕುಂದ್‌ರ ಕೊಡಿಕ್ ಪೋಯಿತ್ ಅಳ್‌ತತ್. ಅಕ್ಕ ಅಂವೊಂಡ ಶಿಷ್ಯಂಗ ಅಂವೊ ಎಣ್ಣ್‌ವಾನ ಕ್‍ೕಪಕ್ ಅಂವೊಂಡ ಪಕ್ಕ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:32

ನಾಡ ಶಿಷ್ಯಂಗಳೇ, ನಿಂಗ ಒಂದು ಇಲ್ಲತ ನಾಡ ಒರ್ ಚೆರಿಯ ಗುಂಪಾಯಿತ್ ಉಂಡೇಂಗಿಯು, ಬೊತ್ತತಿ, ಎನ್ನಂಗೆಣ್ಣ್‌ಚೇಂಗಿ ಅಪ್ಪನಾನ ದೇವ ಅಂವೊ ಆಳುವ ರಾಜ್ಯತ್‍ಲ್ ನಿಂಗ ಬದ್‍ಕ್‍ವಕಾಯಿತ್ ನಿಂಗಳ ಕುಶೀಲ್ ಗೊತ್ತ್ ಮಾಡಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:28

ಅಬ್ರಹಾಮ, ಇಸಾಕ, ಯಾಕೋಬ ಪಿಂಞ ಎಲ್ಲಾ ಪ್ರವಾದಿಯಳ ದೇವಡ ರಾಜ್ಯತ್‍ಲ್ ನಿಂಗ ಕಾಂಬಿರ. ಆಚೇಂಗಿ ನಿಂಗಳ ಪೊರಮೆ ಇಟ್ಟ್‌ರ್‍ವ ಅಕ್ಕ ನಿಂಗೆಲ್ಲಾರು ಮೊರಟಂಡ್, ಪಲ್ಲ್ ಕಡಿಚಂಡ್ ನರಳಿಯಂಡ್ ಕೂತ್‌ಕೊಡ್‌ಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:15

ಯೇಸು ಇನ್ನನೆ ಎಣ್ಣ್‌ನ ಪಿಂಞ, ಉಂಬಕ್ ಅಳ್‌ತಿತ್ಂಜ ಒರ್ ಮನುಷ್ಯ, ದೇವಡ ರಾಜ್ಯತ್‍ಲ್ ಉಂಬಂವೊ ಆಶೀರ್ವಾದ ಪಡ್ಂದವೋಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:18

ಅಂವೊ ಅದ್‍ನ ತೊರ್‌ಪಕ: ದೇವಡ ಆತ್ಮ ನಾಡ ಮೇಲೆ ಉಂಡ್; ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್. ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು, ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು, ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು, ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್ ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 8:2

ಅಯಿಂಗ ದುಂಬ ಹಿಂಸೇಲ್ ಪರೀಕ್ಷೆ ಪಟ್ಟಂಡಿಪ್ಪಕ, ಅಯಿಂಗ ದುಂಬ ಗರಿಬಂಗಳಾಯಿತ್ ಇಂಜತೇಂಗಿಯು, ಅಯಿಂಗಡ ತ್‍ೕರ ಕುಶೀಲ್ ದುಂಬ ದಾರಾಳವಾಯಿತ್ ಕೊಡ್‍ತತ್.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

1 ಥೆಸಲೊನೀಕ 1:6

ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

2 ಥೆಸಲೊನೀಕ 1:5

ನಿಂಗ ದೇವಡ ರಾಜ್ಯಕಾಯಿತ್ ಹಿಂಸೆನ ಸಹಿಸಿಯಂಡ್ ಉಳ್ಳಾಂಗ್, ಆ ರಾಜ್ಯಕ್ ನಿಂಗ ಯೋಗ್ಯವಾಯಿತ್ ಉಳ್ಳಿರಾಂದ್ ಪಿಂಞ ದೇವ ನ್ಯಾಯವಾನ ತೀರ್ಪ್ ತಪ್ಪಾಂದ್ ಎಣ್ಣ್‌ವಕ್ ನಿಂಗಡ ಸಹಿಸುವ ಗುಣವೇ ಸಾಕ್ಷಿಯಾಯಿತ್ ಉಂಡ್.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

ಪ್ರಕಟನೆ 2:9

ನೀಕುಳ್ಳ ಹಿಂಸೆನ ಪಿಂಞ ನೀನ್ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು ಗರೀಬನಾಯಿತ್ ಇಪ್ಪದ್ ನಾಕ್ ಗೊತ್ತುಂಡ್. ಪಿಂಞ ಯೆಹೂದ್ಯಂಗಾಂದ್ ಎಣ್ಣ್‌ಚೇಂಗಿಯು ಯೆಹೂದ್ಯ ಅಲ್ಲತಯಿಂಗಳಾಯಿತ್ ಅಯಿಂಗ ಎಣ್ಣುವ ದೂಷಣೆ ನಾಕ್ ಗೊತ್ತುಂಡ್. ಅಯಿಂಗ ಸೈತಾನಂಡ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತುಂಡ್.