ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:19 - ಕೊಡವ ಬೈಬಲ್

¹⁹ ಕೂಳಿಯಡ ತೊಂದರೆ ಉಳ್ಳಯಿಂಗಳು ಅಲ್ಲಿಕ್ ಬಂದಿತ್ ವಾಸಿ ಆಚಿ. ಯೇಸುಯಿಂಜ ಶಕ್ತಿ ಪೊರಮೆ ಬಂದಿತ್ ಎಲ್ಲಾ ಕಾಯಿಲೆಯು ವಾಸಿ ಆಯಡಿಂಜಗುಂಡ್ ಯೇಸುನ ಮುಟ್ಟ್‌ವಕಾಯಿತ್ ಎಲ್ಲಾ ಜನಳು ನೋಟಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:19 ပူးပေါင်းရင်းမြစ်များ

ಮತ್ತಾಯ 14:36

ಅಯಿಂಗ ಯೇಸುರ ಬಟ್ಟೇರ ತುದಿನಾಚೇಂಗಿಯು ಮುಟ್ಟ್‌ವಕ್ ಅನುಮತಿ ಕೊಡ್‍ಪಕ್ ಬೋಡಿಯಂಡತ್. ದಾರೆಲ್ಲಾ ಮುಟ್ಟ್‌ಚೋ, ಅಯಿಂಗಡ ಕಾಯಿಲೆ ವಾಸಿ ಆಚಿ.

ಮಾರ್ಕ 3:10

ಬಪ್ಪ ಜನಡ ಕೂಟ ಬಲ್ಯದಾನದ್‌ನ ಕಂಡಿತ್, ಯೇಸು ಅಂವೊಂಡ ಶಿಷ್ಯಂಗಕ್ ನಾಕ್ ಒರ್ ದೋಣಿನ ತಯಾರ್ ಮಾಡಿ, ಈ ಜನ ನನ್ನ ನೆರ್‍ಕತನೆಕೆ ಮಾಡೀಂದ್ ಎಣ್ಣ್‌ಚಿ.

ಮಾರ್ಕ 5:30

ಅಕ್ಕಣೆ ಯೇಸು, ತಾಂಡ ದೇಹತ್ಂಜ ಅದ್ಬುತ ಶಕ್ತಿ ಪೊರಟಿತ್ ಪೋಚೀಂದ್ ಗೊತ್ತಾಯಿತ್, ನನ್ನ ದಾರ್ ಮುಟ್ಟಿಯೇಂದ್ ಜನಡ ಗುಂಪ್‍ರ ಸುತ್ತ್‌ಲೂ ನೋಟ್‌ಚಿ.

ಮಾರ್ಕ 6:56

ಯೇಸು ಏದೆಲ್ಲಾ ಊರ್‌ಕ್, ಪಟ್ಟಣಕ್, ದೇಶಕ್ಕು ಪೋಚೋ, ಜನ ಅಲ್ಲಿಯುಳ್ಳ ಪೇಟೇಕ್ ಕಾಯಿಲೆಕಾರಳ ಕಾಕಿಯಂಡ್ ಪೋಯಿತ್, ನೀನ್ ಇಟ್ಟಂಡುಳ್ಳ ಬಟ್ಟೇರ ತುದಿನಾಚೇಂಗಿಯು ಮುಟ್ಟ್‌ವಕ್ ಬುಡ್‍ೕಂದ್ ಯೇಸುನ ಬೋಡಿಯಂಡತ್. ದಾರೆಲ್ಲಾ ಮುಟ್ಟ್‌ಚೋ, ಅಯಿಂಗಡ ಕಾಯಿಲೆ ವಾಸಿ ಆಚಿ.

ಮಾರ್ಕ 8:22

ಅಯಿಂಗ ಬೇತ್ಸಾಯಿದ ಎಣ್ಣುವಲ್ಲಿಕ್ ಬಾತ್; ಅಲ್ಲಿಕ್ ಒರ್ ಕುರ್‌ಡನ ಯೇಸುರ ಪಕ್ಕ ಕಾಕಿಯಂಡ್ ಬಂತ್, ಯೇಸುನ ಅಂವೊಂಡ ಮೇಲೆ ಕೈ ಬೆಪ್ಪಕಾಯಿತ್ ಬೋಡಿಯಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:17

ಒರ್ ದಿವಸ ಯೇಸು ಬೋದನೆ ಮಾಡಿಯಂಡಿಪ್ಪಕ, ಗಲಿಲಾಯ, ಯೂದಾಯ ನಾಡ್‍ರ ಎಲ್ಲಾ ಗ್ರಾಮತ್ಂಜ ಪಿಂಞ ಯೆರೂಸಲೇಮ್ ಪಟ್ಟಣತ್ಂಜ ಬಂದ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ ಅಲ್ಲಿ ಅಳ್‌ತಡಿಂಜತ್. ಆ ಸಮಯತ್‍ಲ್ ಕಾಯಿಲೆಕಾರಳ ವಾಸಿ ಮಾಡ್‌ವಕ್ ದೇವಡ ಶಕ್ತಿ ಯೇಸುರ ಮೇಲೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:18

ಅಲ್ಲಿ ದುಂಬ ಶಿಷ್ಯಂಗ ಪಿಂಞ ಜನಾಂಗ ಅಂವೊಂಡ ಬೋದನೆನ ಕ್‍ೕಪಕು, ಅಯಿಂಗಡ ಕಾಯಿಲೆಯಿಂಜ ವಾಸಿಯಾಪಕು, ಯೂದಾಯತ್‌ಂಜಲು ಯೆರೂಸಲೇಮ್ಂಜಲು, ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಉಳ್ಳ ಸಮುದ್ರತ್‍ರ ಕರೆಯಿಂಜಲು ಬಂದಿತ್ಂಜತ್.

ಅಪೊಸ್ತಲ 19:12

ಅಂವೊಂಡ ತಡೀನ ಮುಟ್ಟ್‌ನ ಕೈಚೌಕ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಎಡ್‍ತಂಡ್, ಕಾಯಿಲೆ ಉಳ್ಳಯಿಂಗಡ ಮೇಲೆ ಬೆಪ್ಪಕ, ಅಯಿಂಗಡ ಕಾಯಿಲೆ ವಾಸಿ ಆಚಿ, ಕೂಳಿ ಪುಡ್‍ಚಯಿಂಗಡಯಿಂಜ ಕೂಳಿಯೆಲ್ಲ ಓಡಿ ಪೋಚಿ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.