ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:18 - ಕೊಡವ ಬೈಬಲ್

¹⁸ ಅಲ್ಲಿ ದುಂಬ ಶಿಷ್ಯಂಗ ಪಿಂಞ ಜನಾಂಗ ಅಂವೊಂಡ ಬೋದನೆನ ಕ್‍ೕಪಕು, ಅಯಿಂಗಡ ಕಾಯಿಲೆಯಿಂಜ ವಾಸಿಯಾಪಕು, ಯೂದಾಯತ್‌ಂಜಲು ಯೆರೂಸಲೇಮ್ಂಜಲು, ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಉಳ್ಳ ಸಮುದ್ರತ್‍ರ ಕರೆಯಿಂಜಲು ಬಂದಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:18 ပူးပေါင်းရင်းမြစ်များ

ಮತ್ತಾಯ 15:22

ಅಕ್ಕ ಅಲ್ಲಿ ಒರ್ ಕಾನಾನ್ಯ ದೇಶತ್‍ರ ಪೊಣ್ಣಾಳ್ ಯೇಸುರ ಪಕ್ಕ ಬಂದಿತ್: ಒಡೆಯನೇ, ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್; ನಾಡ ಮೋವಕ್ ಕೂಳಿ ಪುಡ್‌ಚಿತ್ ಬಲ್ಯ ಕಷ್ಟತ್‍ಲ್ ಉಂಡ್‍ೕಂದ್ ಎಣ್ಣಿತ್ ಕಾಕ್‍ಚಿ.

ಮತ್ತಾಯ 17:15

ಯೇಸುನ ನೋಟಿತ್: ಒಡೆಯನೇ, ನಾಡ ಮೋಂವೊಂಡ ಮೇಲೆ ಕನಿಕರ ಕಾಟ್, ಅಂವೊಂಗ್ ಸೊಯ ತಪ್ಪಿ ಪೋಪ ಕಾಯಿಲೆ ಉಂಡ್. ಅಂವೊ ಅಕ್ಕಕ್ಕ ತಿತ್ತ್‌ಕ್ ಪಿಂಞ ನೀರ್‌ಕ್ ಬುದ್ದ್‌ರ್‌ವ, ಇನ್ನನೆ ಅಂವೊ ದುಂಬ ಕಷ್ಟಪಟ್ಟಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:17

ಪಿಂಞ ಅಯಿಂಗಡ ಕೂಡೆ ಯೇಸು ಕುಂದ್‌ರ ಕೊಡಿಯಿಂಜಿ ಅಡಿಕ್ ಬಂತ್ ಒರ್ ಸಮತಟ್ಟ್ ಜಾಗತ್‍ಲ್ ನಿಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:19

ಕೂಳಿಯಡ ತೊಂದರೆ ಉಳ್ಳಯಿಂಗಳು ಅಲ್ಲಿಕ್ ಬಂದಿತ್ ವಾಸಿ ಆಚಿ. ಯೇಸುಯಿಂಜ ಶಕ್ತಿ ಪೊರಮೆ ಬಂದಿತ್ ಎಲ್ಲಾ ಕಾಯಿಲೆಯು ವಾಸಿ ಆಯಡಿಂಜಗುಂಡ್ ಯೇಸುನ ಮುಟ್ಟ್‌ವಕಾಯಿತ್ ಎಲ್ಲಾ ಜನಳು ನೋಟಿಯಂಡಿಂಜತ್.

ಅಪೊಸ್ತಲ 5:16

ಜನಡ ಗುಂಪ್ ಯೆರೂಸಲೇಮ್‍ರ ಸುತ್ತ್‌ಮುತ್ತ್ ಇಂಜ ಊರಿಂಜ ಸಹ ರೋಗಿಯಳ ಪಿಂಞ ಕೂಳಿ ಪುಡ್‌ಚಯಿಂಗಳ ಕೊಂಡ್ ಬಾತ್; ಅಯಿಂಗ ಎಲ್ಲಾರು ವಾಸಿ ಆಚಿ.